Ucab Samuel 6:9 - Quiché Bible

⁹ Kas c'u pa ri k'ij ri' ri David sibalaj xuxe'j rib chuwäch ri Ajawaxel, co c'ut xurak u chi', xubij: “¡Mawi minchomaj u c'amic bic ri u caxa ri Ajawaxel!”

Ucab Samuel 6:9 ပူးပေါင်းရင်းမြစ်များ

Ucab Samuel 6:8

Sibalaj c'u c'ax xbe pa ranima' ri David chi ri Ajawaxel xresaj ri u c'aslemal ri Uza, rumal c'u ri' xucoj Perez-uz che u bi' we c'olbal ri', c'ä je c'u cäbix che camic.

Nabe Ajawinelab 8:27

¿La kas ta c'u tzij chi ya'talic chi ri Dios cajeki' chuwäch ri uwächulew? Ri caj ruc' ronojel ri u nimalil man cacuin ta che u k'iic, ¡e ta c'u lo we achoch la ri' ri nu yacom che la!

Salmib 119:120

Cäbirbit ri nu cuerp rumal xe'n ib chwäch la; ¡nim quebenwil wi ri pixab la!

Ri Isaiy 6:5

Xinchomaj c'ut: “¡Tok'ob nu wäch, quinecämok! Wilom ri Ajawinel cuc' ri nu bak'wäch, ri Ajawaxel ri c'o ronojel u cuinem; in, ri in jun winak ri e tz'il ri u chi', in c'o chquixo'l ri winak ri e tz'il ri e qui chi'.”

Ri Matey 25:25

Xinxe'j wib, xinbec, xinwawaj ri rajil la pa ri ulew. Chilampe' la, ri ech la ri'.’

1 Pedro 3:6

Je xuban ri Sara, xniman che ri Abraham, xubij c'u wajaw che. Ri ix quixux na je jas ri Sara we quiban utzil, we man c'o ta jas quixe'j wi iwib chuwäch.

Nabe Samuel 6:20

Xquibij c'u ri aj Bet-sems: “¿Jachin ta lo cäcuinic cutac'aba' rib chuwäch ri Ajawaxel, chuwäch we tastalicalaj Dios ri' ri man cuban ta etzelal? ¿Jachin lo che cubana' wi c'ax aretak chel chakaxo'l?”