Ucab Samuel 6:21 - Quiché Bible

²¹ Ri David xutzelej u bixic che: “Kastzij in xojowinak chuwäch c'ut ri Ajawaxel nu banom wi, ri xinucha' che u q'uexwäch ri a tat xukuje' che qui q'uexwäch ri e awachalaxic rech quinux c'amal u be ri Israel ri u tinimit. Rumal ri' quinxojow chuwäch.

Ucab Samuel 6:21 ပူးပေါင်းရင်းမြစ်များ

Ucab Samuel 5:2

kas c'u tzij pune' are ka ajawinel ri Saul, lal c'ut ri kas xc'amow la u be ri Israel pa tak ri ch'o'j. U chi'm chi c'ut ri Ajawaxel che la chi lal cac'amow na la u be xukuje' cak'at na la tzij puwi' ri Israel.”

Ucab Samuel 6:14

Ri David u cojom bic jun atz'iak nim u k'ij re lino, cäxojow c'u ruc' ronojel ri u chuk'ab,

Ucab Samuel 6:16

Aretak xopan ri u caxa ri Ajawaxel chupam ri tinimit aj David, ri Mical, ri u mia'l ri Saul, xca'y ulok chupam ri wenta'n; aretak c'u xrilo chi ri ajawinel David cäch'opinic xukuje' cäxojow chuwäch ri Ajawaxel, sibalaj xretzelaj u wäch.

Ucab Samuel 6:22

Quinmach'irisaj chi c'u ne na wib chuwäch ri xiban camic; quinkasaj chi c'u ne na nu k'ij, je jas ri a chomanic, cäya' c'u ne na nu k'ij cumal we ixokib ri e lok'om pataninelab ri quebabij.”

Ucab Samuel 6:5

Are c'u ri David xukuje' conojel ri aj israelib e benak chuwäch ri Dios quebixonic quexojow ruc' ronojel ri qui chuk'ab, jas ri cok'ibal ri alaj arp ri nimalaj arp ri tzojtzoj, ri k'ojom que quetecak tak che' xukuje' tak ri quetecak tak k'an ch'ich'.

Ucab Samuel 7:8

Rumal c'u ri', chabij che ri David ri pataninel wech chi ri in, ri Ajawaxel ri c'o ronojel u cuinem, quinbij che: ‘In xatin wesaj ulok chquij ri chij, man xinya' ta chic chawe chi catakej qui yuk'uxic tak ri chij, rech cätux c'amal u be ri nu tinimit Israel;

Nabe Tzijobelil 15:29

Aretak ri u caxa ri Ajawaxel xopan pa ri u Tinimit ri David, ri Mical, ri u mia'l ri Saul, xca'y c'u ulok pa ri wenta'n; aretak xril ri ajawinel David chi cätajin caxojow ruc' quicotemal, xtiow xuna' che.

Hechos 13:22

Aretak esam chi ri' ri Saul, xucoj ri David che cajawinel. Ri xuya' k'alajisanic chrij je xubij wa': ‘Nu rikom ri David, u c'ojol ri Isayi, are' jun achi je ranima' je jas ri cäraj ri wanima', ri cuban na ronojel ri nu rayibal.’

1 Corintios 10:31

Je c'u ri', we quixwa'ic, we quixuq'uianic, o we c'o jun jasach chic quibano, chibana' ronojel che u nimarisaxic u k'ij ri Dios.

Nabe Samuel 13:14

Are c'u ri camic, ri awajawinic man cäbeytaj taj. Ri Ajawaxel cutzucuj na jun achi ri cakaj chuwäch cucoj na che c'amal u be ri u tinimit, rumal rech chi man xanimaj taj ri takanic ri xuya' chawe.”

Nabe Samuel 15:28

Xubij c'u ri Samuel che ri Saul: “Ri Ajawaxel je u banom wa', u tanq'uiyim camic ri ajawic pa a k'ab puwi' ri Israel. Resam chawe, cujach c'u pu k'ab jun awinakil, ri utz na chawäch at.

Nabe Samuel 16:1

Ri Ajawaxel xubij che ri Samuel: “¿C'ä jampa' lo catanaba' u bisoxic ri Saul? Man quinwaj ta chic cutakej ajawinic pa Israel. Jät, chanojisaj ri u c'a' che aseit, are c'u quinwaj chi catbe cho rachoch ri Isayi, ri aj Belen, xcha'taj jun u c'ojol wumal rech cäcanaj che ajawinel.”

Nabe Samuel 16:12

Xtak c'u u siq'uixic rumal ri Isayi. Ri ala sibalaj quiäk u k'o'tz, c'amel xukuje' sibalaj utz ri u ca'yebal. Xubij c'u ri Ajawaxel che ri Samuel: “Are wa'. Chatwalij ba' chatasa' che ajawinel.”