Ucab Samuel 5:6 - Quiché Bible

⁶ Ri ajawinel David xukuje' ri rachijab xebe che u suq'uil ri Jerusalen che qui ch'äquic ri aj jebuseyib are winak wa' ri e c'o chila'. Are c'u pa qui c'u'x ri aj jebuseyib chi man cacuin ta ri David coc pa ri tinimit, xquibij che: “Ri at man catcuin taj catoc na waral, xuwi ri moyab xukuje' ri ch'ocojib quecuin che a k'atixic.”

Ucab Samuel 5:6 ပူးပေါင်းရင်းမြစ်များ

Chapletajic 14:18

Xukuje' ri Melquisedec ajawinel aj Salem u cojol tabal tok'ob ri Dios aj chicaj, xuc'am ulok caxlanwa xukuje' u wa'l uva.

Ucab Samuel 22:30

Ruc' ri to'banic la quinq'uis na tzij puwi' ri c'ulel quebenxalk'atij c'u tak na ri nimak tak qui tapia ri qui tinimit tak.

E C'ambal tak Tzij 21:22

Ri ajno'j cäbe che ch'o'j chrij jun tinimit ri utz u chajixic banom, cuq'uis c'u tzij puwi' ri cuinem ri u jiquibam wi u c'u'x.

Ri Jeremiy 21:13

‘Tinimit ri cätakan puwi' ri beya', jacha' jun xäk pa ri lianic, in, ri Ajawaxel, quink'alajisaj wib chi quinban c'ax chawe. Quixcha' ix: ¿Jachin ta lo ri cäcuin ta che ka ch'äquic?

Ri Jeremiy 37:10

Pune' ta c'u ne ri ix quixcuin ta che qui ch'äquic conojel ri ajch'ojab aj caldeyib ri cätajin quech'ojin iwuc' man c'o ta chi c'u ri queto'taj ta chi can chque xane' jujun achijab ri e socotajinak ri e canajinak canok ri e c'o chupam ri kajebal, we achijab ri' quewalij na caquit'ik c'u na k'ak' che ri tinimit.”

Hebreos 7:1

Are c'u we Melquisedec ri', rajawinel ri Salem xukuje' cojol tabal tok'ob rech ri Dios ri c'o pa ri caj. Xel ulok che u c'ulaxic ri Abraham, aretak tzelejinak chi ulok che qui ch'äquic ri ajawinelab. Xutewichi'j c'u ri Abraham.

Ri Josue 10:3

Rumal rech wa' ri Adonisedec xutak u bixic we takquil ri' chque tak ri ajawinelab Hohan re Hebron, Piream re Jarmut, Japiy aj Lacs, xukuje' Debir aj Eglon:

Ri Josue 15:63

Ri e rija'lil ri Juda man xecuin taj xequesaj ta bic ri jebuseyib pa Jerusalen ri e jekel chila', c'ä e jekel c'u ne ri jebuseyib camic pa Jerusalen junam cuc' ri e rija'l ri Juda.

Ri Josue 18:28

ri Zel, ri Elep, ri Jebus (ri u bixic ri Jerusalen), ri Gabaa xukuje' ri Quiriat: cajlajuj (14) tak tinimit e cachil tak ri e u k'ab tak qui tinimit. Are' ulew wa' ri xquitaklebej ri e u k'ab rachalaxic ri ramak' ri Benjamin.

K'atal tak Tzij 1:21

E are c'u ri aj ramak' ri aj Benjamin man xecuin ta che quesaxic bic ri aj jebuseyib pa Jerusalen ri e jekel chila'. Rumal ri' c'ä camic, ri aj jebuseyib xukuje' ri aj Benjamin c'ä e jekel junam pa Jerusalen.

K'atal tak Tzij 1:8

Ri e aj ramak' ri Juda xebe che ch'o'j chrij ri Jerusalen xquich'äc c'ut, aretak e qui cämisam chic conojel ri winak ruc' ch'ich' re ch'o'j xquiporoj ri tinimit.