Ucab Samuel 5:2 - Quiché Bible

² kas c'u tzij pune' are ka ajawinel ri Saul, lal c'ut ri kas xc'amow la u be ri Israel pa tak ri ch'o'j. U chi'm chi c'ut ri Ajawaxel che la chi lal cac'amow na la u be xukuje' cak'at na la tzij puwi' ri Israel.”

Ucab Samuel 5:2 ပူးပေါင်းရင်းမြစ်များ

Chapletajic 49:24

E c'o c'u cowilaj tak u k'ab ri Jose amak'el co u tanim ri u q'uiakbal ch'ab; ¡maltiox che ri u Dios ri Jacob ri c'o ronojel u cuinem!, ¡maltiox che ri u bi' ri ajyuk', ri to'l rech ri Israel!

Ucab Samuel 6:21

Ri David xutzelej u bixic che: “Kastzij in xojowinak chuwäch c'ut ri Ajawaxel nu banom wi, ri xinucha' che u q'uexwäch ri a tat xukuje' che qui q'uexwäch ri e awachalaxic rech quinux c'amal u be ri Israel ri u tinimit. Rumal ri' quinxojow chuwäch.

Ucab Samuel 7:7

Pa conojel ri k'ijol ri xinbin chquixo'l, mawi jumul xinta' ta che jun chque ri e c'amal tak be, ri xebencoj che takanelab puwi' ri nu tinimit, Israel, chi chuyaca' ta jun wachoch re chacalte'.’

Ucab Samuel 7:8

Rumal c'u ri', chabij che ri David ri pataninel wech chi ri in, ri Ajawaxel ri c'o ronojel u cuinem, quinbij che: ‘In xatin wesaj ulok chquij ri chij, man xinya' ta chic chawe chi catakej qui yuk'uxic tak ri chij, rech cätux c'amal u be ri nu tinimit Israel;

Ucab Ajawinelab 20:5

“Chattzelejok chabij che ri Ezequiy, ri c'amal u be ri nu tinimit: ‘Ri Ajawaxel, ri u Dios ri a mam David, cubij: In xintatabej ri a bochi'nic xukuje' xebenwil ri e u wa'l tak a wäch. Catinwutzirisaj na, pa oxib k'ij c'ut catcuinic catbe chupam ri rachoch ri Ajawaxel.

Nabe Tzijobelil 11:2

kas c'u tzij pune' ri Saul are' ajawinel, lal c'ut ri xc'amow la qui be ri aj Israel che qui banic tak ri ch'o'j. Che chi c'ut u tz'akat, ri Ajawaxel ri Dios la u chi'm che la chi lal cac'amow na la u be xukuje' cätakan na la puwi' ri u tinimit Israel.”

Ucab Tzijobelil 1:10

Rumal c'u ri' ya' la nu no'j xukuje' wetamanic che u c'amic u be we tinimit ri'; rumal rech chi ¿jachin ta c'u lo ri cak'atow tzij ta na puwi' we tinimit la ri' ri sibalaj nim?”

Ri Isaiy 40:11

Cäpetic jacha' jun ajyuk' ri quebuchajij ri u chij quebuyac ri alaj tak chij, quebuk'aluj, quebuc'am bic cho u c'u'x, sibalaj coc il che qui chajixic ri c'äte xebalaxic.

Ri Isaiy 55:4

In xincoj ri are' jacha' che k'alajisanel chque ri nimak tak tinimit, xincoj che c'amal be xukuje' che ya'l qui no'j tak ri tinimit.

Ri Ezequiel 34:23

Quenbana' na chi catzelej ulok ri pataninel wech ri David, xuwi c'ut ri are' quincoj na che ajyuk', ri are' quebuchajij na. Are' cux na yuk'ul quech.

Ri Miquey 5:4

Ri ajawinel cawalij na che u yuk'uxic ri u tinimit ruc' ri cuinem xukuje' ri nimalaj u banic ri Ajawaxel ri u Dios, ri e are' quecuinic quejeki' na pa jamaril, rumal rech chi canimarisax na u k'ij ri Ajawaxel c'ä chupam ri q'uisbal jutz' re ri uwächulew.

Ri Matey 2:6

‘Ri at, Belen, ulew re Judey, man at ta ch'utin na chquixo'l ri quetakan puwi' ri Judey. Rumal rech chi awuc' quel wi na ulok jun c'amal be ri cäyuk'un na ri nu tinimit Israel.’ ”

Ri Xuan 10:11

In ri' ri utzalaj ajyuk'. Ri utzalaj ajyuk' cuya' ri u c'aslemal rumal quech ri u e chij.

Hebreos 2:10

Rumal ri Dios e c'o conojel ri jastak, xukuje' conojel ri jastak e rech are'. Cäraj chi e q'ui queboc che ralc'ual xukuje' quebopan pa ri u juluwem. Rumal ri' rajawaxic xutz'akatisaj ri Crist ri qui Colonel rumal c'axc'olil.

Nabe Samuel 13:14

Are c'u ri camic, ri awajawinic man cäbeytaj taj. Ri Ajawaxel cutzucuj na jun achi ri cakaj chuwäch cucoj na che c'amal u be ri u tinimit, rumal rech chi man xanimaj taj ri takanic ri xuya' chawe.”

Nabe Samuel 16:1

Ri Ajawaxel xubij che ri Samuel: “¿C'ä jampa' lo catanaba' u bisoxic ri Saul? Man quinwaj ta chic cutakej ajawinic pa Israel. Jät, chanojisaj ri u c'a' che aseit, are c'u quinwaj chi catbe cho rachoch ri Isayi, ri aj Belen, xcha'taj jun u c'ojol wumal rech cäcanaj che ajawinel.”

Nabe Samuel 18:13

Rumal ri' xunajtajisaj che xucoj c'u che c'amal qui be jun mil (1,000) ajch'ojab, ri cänabej chquiwäch che qui banic ch'o'j, cätzelej c'u ulok.

Nabe Samuel 18:16

Conojel c'ut pa Israel xukuje' pa Juda quilok' ri David, are' c'ut cäc'amow qui be aretak quebe che ch'ojinic quetzelej c'u ulok.

Nabe Samuel 18:5

Rumal rech chi ronojel takanic ri cuya' ri Saul che ri David sibalaj utz u banic cubano, rumal ri' ri Saul xucoj paquiwi' ri achijab ri quebe pa tak ri ch'o'j. Sibalaj c'u xkaj wa' chquiwäch conojel ri ajch'ojab xukuje' chquiwäch ri nimak qui k'ij ri e c'o ruc' ri Saul.

Nabe Samuel 25:28

cuyu' ba' la ri u mac we pataninel ech la ri'. Kastzij ri Ajawaxel cacanajisax la rumal xukuje' tak ri e ija'lil la pa ri takanic, cätajin c'u ya' catij k'ij la che u banic ri u rayibal ri Ajawaxel, pa ronojel c'u ri c'aslemal la man cataklebej ta na la jun etzelal.

Nabe Samuel 25:30

Je c'u ri' aretak ri Ajawaxel cutz'akatisaj ronojel ri utzil ri u yo'm u bixic che ri c'aslemal la, chcoj c'u la rumal che c'amal u be ri Israel,

Nabe Samuel 9:16

“Je jok'otaj wa' chwek, quintak na ulok jun achi aj Benjamin awuc', ri catas na che u k'atal tzij ri nu tinimit Israel. Are' quesan na pa qui k'ab ri aj pilisteyib, elinak nu c'u'x che ri nu tinimit aretak e opaninak tak ri qui ch'abal chnuwäch.”