Ucab Samuel 3:35 - Quiché Bible

³⁵ Xbochi'x c'u ri David chi chutija' jun jasach c'ä majok chkaj ri k'ij are' c'u ri David xuban ri chi'nic ri kas cäban na: je xubij wa' “¡Nimalaj chc'äjisax nu wäch rumal ri Dios, we quinna' ri caxlanwa o apachique jasach c'ä majok chkaj ri k'ij!”

Ucab Samuel 3:35 ပူးပေါင်းရင်းမြစ်များ

Ucab Samuel 1:12

xebok' c'ut xquibisoj ri u cämical ri Saul, xukuje' ri Jonatan ri u c'ojol, xukuje' rumal ri tzakmajic ri xquic'ulmaj ri aj israelib ri e rajch'ojab ri Ajawaxel Dios, man xquitij ta c'u wa c'a xkaj na ri k'ij.

Ucab Samuel 12:17

Ri nimak tak tatayib ri e jekel ruc' pa ri rachoch ri ajawinel quebe che u bochi'xic chi chwalij cho ri ulew, man c'u xraj taj xubano, mawi c'u xraj xwa' ta cuc'.

Ucab Samuel 3:34

man e ximital ta c'u ya ri e a k'ab mawi e cojom tikom tak ch'ich' chque ri e awakan? ¡At cäminak jacha' ri cacäm pa qui k'ab itzel tak winak!” Xukuje' ri winak xquitakej rok'exic.

Ucab Samuel 3:36

Conojel xquich'ob wa' xkaj c'u chquiwäch, ronojel c'ut ri cuban ri ajawinel cakaj chquiwäch ri winak.

Ucab Samuel 3:9

¡Chc'äjisax nu wäch rumal ri Ajawaxel we man quinban che ri David jachique ri u chi'm u banic ri Ajawaxel che,

Nabe Tzijobelil 10:12

xquijunamaj qui tzij conojel ri cowilaj tak achijab xebe che u c'amic ulok ri u cuerp ri Saul xukuje' ri quech ri e u c'ojol xequic'am c'u bic pa Jabes. Chila' xequimuk wi ri qui cuerp chuxe' jun nimalaj räx che'. Man xewa' ta c'u na wukub k'ij.

Ri Jeremiy 16:7

Man c'o ta jun quebuban ta ula'nic quech cäminakib che u cu'bisaxic ta qui c'u'x ri aj cäminakib, pune' ta ne are' cäcäm ri tataxel o ri nanaxel.

Ri Ezequiel 24:17

Chat coch'onok mac'utu chi catbisonic, macoj k'ek atz'iak che u c'utic chi c'o a cäminak. Mach'anaba' ri a jolom jawije' ri catbe wi mawi mebat'anaba' ri awakan jawije' ri catbe wi; mach'uk ri a palaj che u c'utic ri c'axc'obic mawi mebatij ri wa ri quetijic aretak c'o cämical.”

Ri Ezequiel 24:22

Chabij c'u chque: Ri ix je quiban na jas ri nu banom in: man cuya' taj qui ch'uk ri i plaj che u c'utic ri c'axc'obic, mawi quebitij tak ri wa ri quetijic aretak c'o cämical.

K'atal tak Tzij 20:26

Conojel c'u ri e banal ch'o'j aj israelib xukuje' conojel ri winak xebe chi jumul pa Betel che u banic ok'ej chuwäch ri Ajawaxel, ronojel ri jun k'ij man xewa' taj, xebequichi'j tabal tak tok'ob ri quechajirisaxic xukuje' tabal tak tok'ob re utzirisan ib chuwäch ri Ajawaxel.

Ri Rut 1:17

Quinecäm na jawije' ri quecäm wi na la, chila' c'ut quinwaj quinmuk wi na. ¡C'axalaj u c'äjisaxic nu wäch chubana' ri Ajawaxel we quintas can wib che la, xuwi we are ri cämical quintasowic!”

Nabe Samuel 3:17

Ri Eli xuc'ot u chi' xubij che: “¿Jas ri u bim ri Ajawaxel chawe? Catinbochi'j chi chabij ronojel chwe. ¡Chnimalaj c'u chc'äjisax a wäch rumal ri Dios we c'o jas cac'u' can che ri xubij chawe!”