Ucab Samuel 3:20 - Quiché Bible

²⁰ Xopan c'u pa Hebron jawije' c'o wi ri David achilatal bic cumal juwinak (20) achijab, ri David xuban jun ula'nic che ri Abner xukuje' chque ri e achilaninak.

Ucab Samuel 3:20 ပူးပေါင်းရင်းမြစ်များ

Chapletajic 26:30

Ri Isaac xuban jun nimalaj nimak'ij chque, ri e are' xewa'ic xukuje' xebuq'uianic.

Chapletajic 31:54

Ri Jacob xebuporoj tabal tok'ob pa ri juyub ri', xebusiq'uij ri rachalaxic che wa'im. Conojel xewa'ic xcoc'owisaj ri ak'ab pa ri juyub.

Ucab Samuel 3:19

Ri Abner xukuje' xtzijon cuc' ri winak ri aj ramak' ri Benjamin, xbe c'ut pa Hebron che u bixic che ri David ri u chomanic ri Israel xukuje' ronojel ri ramak' ri Benjamin.

Ucab Samuel 3:21

Ri Abner xubixtaj che ri David: “Quintzelej c'u na chanim che qui mulixic conojel ri aj Israel, rech cäquiban jun c'ulwächinic uc' la, chajawin c'u la je jas ri rayibal la.” Ri David xujach bic ri Abner, cäquicotic xbec.

Ri Ester 1:3

Chupam c'ut ri urox junab re ri rajawinic xuban jun nimak'ij che u ya'ic qui k'ij conojel ri e rach k'atal tak tzij, ri quetoban pa ri ajawinic, ri e c'amal tak qui be ri e rajch'ojab aj Pers xukuje' aj Med, xukuje' chque ri k'atal tak tzij xukuje' ri c'ämal tak qui be pa ri u tz'akatil ri ajawibal,

Nabe Samuel 25:36

Aretak xopan ri Abigail jawije' c'o ri Nabal, xrilo chi cätajin cuban jun nimak'ij pa ri rachoch cajunamataj ruc' ri cuban jun ajawinel. Sibalaj cätajin cäquicotic sibalaj c'u k'abarel. Rumal ri' man c'o ta jas xubij ri Abigail che xane' c'ä chucab kij.