Ucab Samuel 3:12 - Quiché Bible

¹² Ri Abner, xak pa rech wi xebutak bic tako'n che u bixic che ri David: “¿Jachin ajchak'e ri ulew? Kabana' jun c'ulwächinic: ri in quinban na joropa' ri quincuin che u banic rech quek'ax conojel ri aj Israel uc' la.”

Ucab Samuel 3:12 ပူးပေါင်းရင်းမြစ်များ

Ucab Samuel 19:14

Je xuban wa' che qui ch'äquic ri achijab ri e c'o pa Juda, conojel c'ut we achijab ri', jacha' e xa jun winak, xquitak u bixic che ri ajawinel chi tzelej ulok xukuje' conojel ri e to'l tak rech.

Ucab Samuel 19:41

Conojel c'ut ri aj israelib xebopan che rilic ri ajawinel, xquibij c'u che: “¿Jas ta c'u che chi e are' ri kachalal aj Juda cäquiban quech che la, e are' c'u e lak'apuninak ri ajawinel xukuje' ri e achalaxic la, xukuje' conojel ri ajch'ojab la, pa ri u k'axexic ri Jordan?”

Ucab Samuel 19:6

Ri lal c'utum la camic chi man nim ta quebil wi la ri e qui nimal tak ri ajch'ojab xukuje' ri ajch'ojab, calok'ok'ej c'u la ri quetzelam wäch la, quetzelaj c'u la qui wäch ri calok'okex la cumal. Camic nu ch'obom, chi are utz na chi are ta c'asal ri Absalon, pune' ta c'u konojel uj xujcämtaj,

Ucab Samuel 3:11

Ri Is-boset man xcuin taj c'o ta jas xubij ta che ri Abner, cuxe'j c'u rib chuwäch.

Ucab Samuel 3:13

Ri David xutzelej u bixic che: “Quinya' nu tzij che u banic jun c'ulwächinic awuc', we cabano jas ri quinbij bic chawe: chi man cateltac'al ta chnuwäch we ta mat cac'am ulok ri Mical awuc', ri u mia'l ri Saul aretak catpe che wilic.”

Ucab Samuel 3:21

Ri Abner xubixtaj che ri David: “Quintzelej c'u na chanim che qui mulixic conojel ri aj Israel, rech cäquiban jun c'ulwächinic uc' la, chajawin c'u la je jas ri rayibal la.” Ri David xujach bic ri Abner, cäquicotic xbec.

Ucab Samuel 3:27

Aretak xopan ri Abner pa Hebron, ri Joab xuc'am bic chuwäch ri roquibal ri tinimit, rech xa u tuquiel cätzijon ruc' xucoj c'u jun ch'ich' re ch'o'j chupam che u cämisaxic, che u tojic u q'uexel ri u cämisaxic ri Asael ri rachalal.

Ucab Samuel 3:38

Xubij c'u ri ajawinel chque ri qui nimakil ri ajch'ojab ri e c'o ruc': “Jacha' c'ut ri iweta'm, camic cämisam jun nimalaj c'amal be pa Israel, jun achi ri sibalaj nim u banic.

Salmib 62:9

Ri winak xa jun uxlab, xak junam ri meba' ruc' ri k'inom; we ta quepaj junam pa jun pajbal, man quepajan ta jubik'.