Ucab Samuel 24:5 - Quiché Bible

⁵ Xeboc'ow chupam ri nima' Jordan xquichaplej bic cajilaxic ri winak pa Aroer xukuje' pa ri tinimit ri c'o pa u niq'uiajil ri beya', ri c'o che u suq'uil ri Gad xukuje' ri Jazer.

Ucab Samuel 24:5 ပူးပေါင်းရင်းမြစ်များ

Ucab Samuel 24:4

Are c'u xban na ri takanic ri xuya' ri ajawinel che ri Joab xukuje' chque ri e quinimal tak ri ajch'ojab, rumal c'u ri' ri Joab xukuje' ri e qui nimakil tak ri ajch'ojab xebel bic chuwäch ri ajawinel che cajilaxic ri winak ri e c'o pa Israel.

Ri Isaiy 17:2

kas xa jumul cäwonobax na canok, cux na yuk'bal, ri awaj queyuk'ux na chila' man c'o ta jachin quexibinic.

Ajilanic 21:32

Ri Moises, xebutak c'u na bic jujun achijab che u nic'oxic ri tinimit Jazer, e are' c'u ri aj israelib xeboc che qui ch'äquic ri c'ulja tak tinimit xequesaj c'u bic ri aj amoreyib ri e jekel chila'.

Ajilanic 32:1

Ri e amak', ri re ri Ruben xukuje' ri re ri Gad sibalaj e q'ui ri qui wacax e c'olic. Aretak xquilo chi ri e rulew ri Jazer xukuje' ri re Galaad sibalaj e utz che qui pok'isaxic wacax,

Ajilanic 32:3

“Chiwilampe': ri ulew tak re Atarot, re Dibon, re Jazer, re Nimra, re Hesbon, re Eleal, re Sebam, re Neb xukuje' ri re Beon,

Ajilanic 32:35

ri Atarot-sopan, ri Jazer, ri Jogbe,

U Camulixic ri Pixab 2:36

Xkachaplej bic ruc' ri tinimit Aroer, ri c'o chuchi' ri nima' Arnon xukuje' ri tinimit ri c'o pa ri beya' xujopan c'ä pa Galaad, man c'o ta jun tinimit xcuinic xuto' ta rib pa ka k'ab; ri Ajawaxel ri ka Dios xubano chi conojel xekaj pa ka k'ab.

Ri Josue 13:16

xulic' c'u bic rib ri rulew kas pa Aroer, chuchi' ri nima' Arnon, kas ruc' ri tinimit ri c'o pa u niq'uiajil ri beya', xukuje' pa ronojel ri u lianic ri Medeb,

Ri Josue 13:25

Are' xeya' ri Jazer chque xukuje' conojel tak ri tinimit re Galaad, pa niq'uiaj che ri culew ri aj amonib c'ä ruc' ri tinimit re Aroer, ri c'o chuwäch ri Raba,

Ri Josue 13:9

Are' xya'taj ri ulew chque ri cächaptaj bic kas pa Aroer, chuchi' ri nima' Arnon, xukuje' ri tinimit ri c'o pa u niq'uiajil ri beya', xukuje' ronojel ri u lianic ri Medeb, copan c'ä pa Dibon,

Nabe Samuel 30:28

pa Aroer, pa Sipmot, pa Estemo