Ucab Samuel 24:4 - Quiché Bible

⁴ Are c'u xban na ri takanic ri xuya' ri ajawinel che ri Joab xukuje' chque ri e quinimal tak ri ajch'ojab, rumal c'u ri' ri Joab xukuje' ri e qui nimakil tak ri ajch'ojab xebel bic chuwäch ri ajawinel che cajilaxic ri winak ri e c'o pa Israel.

Ucab Samuel 24:4 ပူးပေါင်းရင်းမြစ်များ

Ucab Samuel 24:3

Ri Joab xutzelej c'u u bix che ri ajawinel: “Are' ba' ri Ajawaxel, ri Dios la, chutika jun sient mulaj winak chic che ri u tinimit jacha' ri u q'uiyal ri c'o camic, chc'asal ta c'u la che rilic; ¿jas c'u che, carayij la u banic jun ajilanic?”

Ucab Samuel 24:5

Xeboc'ow chupam ri nima' Jordan xquichaplej bic cajilaxic ri winak pa Aroer xukuje' pa ri tinimit ri c'o pa u niq'uiajil ri beya', ri c'o che u suq'uil ri Gad xukuje' ri Jazer.

Nabe Tzijobelil 21:4

Are c'u xban na ri u takanic ri ajawinel chuwäch ri xubij ri Joab, xbe c'u wa', che u binibexic ronojel ri Israel xtzelej c'u ulok pa Jerusalen.

Elem 1:17

Are c'u ri iyomab xquixe'j quib chuwäch ri Dios, man xquinimaj taj ri u takanic ri ajawinel re Ejipt, xequic'asba' c'u ri alabom.

Elem 30:12

“Aretak quebawajilaj ri aj israelib, chquijujunal rajawaxic cäquiya' ri torobal quech che ri Ajawaxel che torobal rech ri qui c'aslemal, rech aretak e ajilam chic man c'o ta jun yabil re cämical cäpe paquiwi'.

Ri Tzijonel 8:4

Ri xubij ri ajawinel man c'o ta caq'uexowic, man c'o ta c'u jachin jun cacuinic cubij ta che chi chubij che jas ri cätajin cubano.

Hechos 5:29

Ri Lu' xukuje' ri niq'uiaj takomxenlab chic xquitzelej u bixic: “Rajawaxic chke chi are nabe cäkanimaj ri cubij ri Dios chke man are ta c'ut ri cäquibij ri winak.