Ucab Samuel 24:25 - Quiché Bible

²⁵ chila' c'u xuban wi jun porobal che ri Ajawaxel xebuchi'j tabal tok'ob ri quechajirisaxic xukuje' tabal tak tok'ob rech utzirisabal ib. Rumal c'u ri' ri Ajawaxel xebutatabej tak ri bochi'nic ri xeban che u tok'obisaxic u wäch ri ulew, xk'ilk'ob c'ut ri cämisanelalaj yabil pa Israel.

Ucab Samuel 24:25 ပူးပေါင်းရင်းမြစ်များ

Chapletajic 12:7

Chila' xuc'ut wi rib ri Ajawaxel chuwäch ri Abram, xubij che: “We ulew ri' quinya' na chque ri e awija'lil.” Ri Abram xuban jun porobal chila' ri xuk'ijilaj wi ri Ajawaxel, rumal rech chi chila' xuc'ut wi rib chuwäch.

Chapletajic 22:9

Aretak xebopan pa ri c'olbal ri u bim ri Dios, ri Abraham xuban ri porobal, xuban u banic ri si' puwi' ri porobal, xuyut ri u c'ojol xuya' puwi' ri si' ri c'o puwi' ri porobal;

Chapletajic 8:20

Xuban c'ut ri Noe jun porobal ri che u ya'ic u k'ij ri Ajawaxel. Xebuc'am awaj xukuje' chicop ri c'o qui xic' ri e ch'ajch'oj jujun che jujun qui wäch, xebuporoj che tabal tok'ob ri quechajirisaxic chuwäch ri Ajawaxel.

Ucab Samuel 21:14

xemuk c'ut ri u bakil ri Saul xukuje' ri e rech ri Jonatan jawije' ri mukutal wi ri Sis, ri u tat ri Saul, pa Zel pa ri ramak' ri Benjamin. Ronojel xbanic jacha' ri takanic ri xuya' ri ajawinel. Aretak c'u xbantaj wa', ri Dios xubano jas ri xtz'onox che rutzil ri ulew.

Ucab Samuel 24:14

Xutzelej c'u u bixic ri David che ri Gad: “In c'o pa jun nimalaj latz'. Are c'u ri camic, are catan na chi cujkaj pa u k'ab ri Ajawaxel, sibalaj c'u nim na ri rutzil ranima', man pa qui k'ab ta c'ut ri achijab.”

Nabe Ajawinelab 1:1

Ri ajawinel David nim winak chic, sibalaj e q'ui chic ri u junab. Pune' cäch'ukic, pune' quecoj q'ui u k'u', man cämik' ta chic.

Ri Ezequiel 16:42

C'äte c'u ri' cajamar na ri woyowal chawij xukuje' tak ri wachixomanic quetani' na; quincanaj pa utzil man c'u cäpe ta chi woyowal.

Ajilanic 17:13

Conojel ri quenakajin che ri u k'ijilabal ri Ajawaxel quecämic. ¿La cujecäm ta na lo konojel?”

K'atal tak Tzij 21:4

Chucab k'ij, ri aj israelib ak'abil xewalijic, xquiban jun porobal, xquiya' tabal tok'ob ri cächajirisaxic xukuje' tabal tok'ob re utzirisan ib chuwäch ri Ajawaxel.

K'atal tak Tzij 6:24

Ri Jedeon xuban jun porobal chila' che u ya'ic u k'ij ri Ajawaxel, ri u bi' ri xucojo are wa': “Ri Ajawaxel are' nu jamaril.” We porobal ri' c'ä xak are c'o camic pa Opra, qui tinimit ri e u k'ab tak rachalaxic ri Abiezer.

Nabe Samuel 13:9

Xtakan ri Saul xubij: “Chebic'ama' ulok awaj chwe che qui chi'xic che tabal tok'ob ri cächajirisaxic xukuje' tabal tak tok'ob che utzirisan ib.” Kas are' c'ut xchi'n ri tabal tok'ob ri cächajirisaxic.

Nabe Samuel 14:35

Ri Saul, pa rech wi xuwoc jun porobal chila', che ri Ajawaxel, are c'u wa' ri nabe ri xutas che.

Nabe Samuel 7:17

Cätzelej chi c'u ulok pa Rama, jawije' ri jekel wi, kas chila' c'u c'o wi che u k'atic tzij puwi' ri Israel. Xukuje' xuyac jun porobal chila' che ri Ajawaxel.

Nabe Samuel 7:9

Ri Samuel xuc'am jun alaj ama' chij ri c'ä cätunic, man c'o ta xresaj che, xuchi'j che tabal tok'ob ri cächajirisaxic chuwäch ri Ajawaxel; xubochi'j c'u ri Ajawaxel paquiwi' ri aj israelib, ri Ajawaxel xuya' che ri Samuel ri xutz'onoj.