Ucab Samuel 24:22 - Quiché Bible

²² Ri Araun xutzelej u bixic che: “C'ama' la jachique cakaj chwäch la, chechi'j c'u la sipanic re tabal tok'ob ri quechajirisaxic. E c'o ama'ib tak wacax waral che ri sipanic xukuje' e c'o jopibal rakan trico e c'o queka'bal tak ri wacax cuya' quecoj che si'.

Ucab Samuel 24:22 ပူးပေါင်းရင်းမြစ်များ

Chapletajic 23:11

“¡Jayi', nu tat! ¡Bana' la tok'ob! In xa quinsipaj ri ulew che la, xukuje' ri pec ri c'o pa ri ulew. Chquiwäch ri nu winakil quink'alajisaj chi xa quinsipaj che la. Muku' ri ixokil la chila',” xcha' ri Epron che ri Abraham.

Nabe Ajawinelab 19:21

Ri Elisey xutas rib chrij ri Eliy, xbe c'ut xebuc'am quieb ama'ib tak wacax xebupilo, xuban si' che ri queka'bal ri wacax xubol ri ti'j, xebutzuk c'u can ri winak. C'äte c'u ri' xteri' bic chrij ri Eliy xcanaj c'u che u patanixic.

Nabe Tzijobelil 21:22

Xubij c'u ri David che ri Ornan: “Chaya' we c'olbal chwe ri cätajin cayak' wi ri trico, rech quinwoc jun porobal chila' che ri Ajawaxel. Chac'ayij chwe che ri kas tz'akatalaj rajil, rech canajtin ri cämisanelalaj yabil che ri tinimit.”

K'atal tak Tzij 6:26

chayaca' c'u jun porobal puwi' we tanatic ri' che ri Ajawaxel ri a Dios. Chac'ama' c'u ri ama' wacax, ri u cab, chachi'j c'u chwe jacha' che tabal tok'ob ri cächajirisaxic, are cacoj ri si' ri xel che ri che' ri tastalic ri xat'akij.”

Nabe Samuel 6:14

Aretak xopan ri caret chupam ri rulew ri Josue, ri c'o pa Bet-sems, xtaq'ui' c'u chila'. C'o jun nimalaj abaj chila'. Ri aj Bet-sems xquiban si' che ri u tz'alamil ri caret, xequichi'j c'u ri ati'tab tak wacax che tabal tok'ob ri cächajirisaxic chuwäch ri Ajawaxel.