Ucab Samuel 23:22 - Quiché Bible

²² We banoj ri' ri xuban ri Benaiy, u c'ojol ri Joiad, xuban che chi xnimar u k'ij chquixo'l ri juwinak lajuj (30) cowilaj tak achijab;

Ucab Samuel 23:22 ပူးပေါင်းရင်းမြစ်များ

Ucab Samuel 20:7

Ri rachijab ri Joab, xecachilaj ri aj sereteyib xukuje' ri aj peleteyib ri e chajil tak rech ri ajawinel, xukuje' ri ajch'ojab ri sibalaj c'o na qui chuk'ab, xebel bic pa Jerusalen xc'am qui be rumal ri Abisay, che u rikic ri Seba.

Ucab Samuel 23:20

Ri Benaiy, u c'ojol ri Joiad, ri quel pa ri tinimit Cabseel, jun cowilaj achi wa' ri xebuban q'ui qui wäch tak mayibal. Are' xecämisan ri quieb u c'ojol ri Ariel ri quel pa Moab. C'o jun k'ij ri cätajin cakaj sak tew xkaj pa jun jul, xucämisaj c'ut jun coj ri c'o chupam.

Ucab Samuel 23:21

Xukuje' xucämisaj jun achi aj ejipt ri sibalaj jutac'aj, ri ruc'am jun tz'imaj ch'ich': xbe ri Benaiy chrij ruc' jun che', xutokij ri tz'imaj ch'ich' pa u k'ab, xucämisaj c'ut ruc' ri kas u tz'imaj ch'ich'.

Ucab Samuel 23:23

xnimarisax c'u u k'ij chquiwäch wa', man xjunamataj ta c'u cuc' ri oxib ri e nabe. Xucoj c'u rumal ri David che quinimal ri e chajil rech.

Ucab Samuel 8:18

Are' c'u ri Benaiy, ri u c'ojol ri Joiad, are' c'o che takanel paquiwi' ri chajinelab aj sereteyib xukuje' ri aj peleteyib. Ri e u c'ojol ri David e cojol tabal tok'ob.