Ucab Samuel 23:19 - Quiché Bible

¹⁹ are c'u xnimarisax na u k'ij chquiwäch conojel, are c'u xux qui nimal. Man xjunamataj ta c'u cuc' ri oxib ri e nabe.

Ucab Samuel 23:19 ပူးပေါင်းရင်းမြစ်များ

Ucab Samuel 23:13

C'o jun k'ij, pa ri k'ijol re ri k'atoj, oxib chque ri juwinak lajuj (30) cowilaj tak achijab xebe che u rikic ri David ri c'o pa ri pec ri c'o pa Adulam. Ri e cajch'ojab ri aj pilisteyib e kajinak pa ri beya' ri c'o pa Repaim.

Ucab Samuel 23:16

Xebe c'ut ri oxib cowilaj tak achijab xeboc'ow chquixo'l ri cajch'ojab ri pilisteyib ri e kajinak chila' xquesaj c'ut ri' ja' chupam ri c'ua' ri c'o pa ri roquibal ri Belen, xquic'am c'u bic che ri David. Man xraj ta c'ut ri are' xukumuj, xane' xujamij chuwäch ri Ajawaxel jacha' jun sipanic che,

Ucab Samuel 23:18

Ri Abisay, u chak' ri Joab ral ri Sarb, qui nimal ri juwinak lajuj (30) cowilaj tak achijab. C'o jumul xbe chquij oxib sient (300) achijab xucoj ri u tz'imaj ch'ich' chque xebucämisaj c'ut. Rumal c'u rech wa' xnimarisax u k'ij chquixo'l ri juwinak lajuj (30),

Ucab Samuel 23:20

Ri Benaiy, u c'ojol ri Joiad, ri quel pa ri tinimit Cabseel, jun cowilaj achi wa' ri xebuban q'ui qui wäch tak mayibal. Are' xecämisan ri quieb u c'ojol ri Ariel ri quel pa Moab. C'o jun k'ij ri cätajin cakaj sak tew xkaj pa jun jul, xucämisaj c'ut jun coj ri c'o chupam.

Ucab Samuel 23:9

Ri jun chic ri cätakenic are' ri Eleazar, u c'ojol ri Dod, ri quel pa ahohit, ri are' jun chque ri sibalaj c'o na qui chuk'ab. Xc'oji' ruc' ri David pa Pas-damim, aretak ri aj pilisteyib xquimulij quib chila' che u banic ri ch'o'j, xetzelej c'u ri aj israelib chquij.

Nabe Tzijobelil 11:25

xnimar c'u na u k'ij chquiwäch wa', man c'u xjunamataj ta cuc' ri e nabe oxib. Xucoj c'u ri David che takanel paquiwi' ri e chajil rech.

Ri Matey 13:23

Ri xekaj pa ri utzalaj ulew, are cubij ri winak ri cuta' ri tzij, cuch'obo, cuya' c'u u wächinic. Ri jun ija' cuya' jun sient (100) u wächinic, jun chic cuya' oxc'al (60), ri jun chic cuya' juwinak lajuj (30).”

Ri Matey 13:8

Niq'uiaj chic xekaj pa utzalaj ulew, xquiya' qui wächinic. C'o xuya' jun sient u wäch. C'o xuya' oxc'al u wäch. C'o xuya' juwinak lajuj u wäch.

1 Corintios 15:41

Jun wi ri u juluwem ri k'ij, jun chi wi ri u juluwem ri ic', jun chi wi ri qui juluwem ri ch'imil. Xukuje' ri ch'imil jalajoj ri qui juluwem.