Ucab Samuel 23:15 - Quiché Bible

¹⁵ Ri David xuya' u bixic we rayibal ri': “¡C'o ta banom wi c'o ta jachin cäyo'w u kumuxic ri ja' chwe ri c'o pa ri c'ua' ri c'o chunakaj ri u chi' ri roquibal ri Belen!”

Ucab Samuel 23:15 ပူးပေါင်းရင်းမြစ်များ

Chapletajic 35:19

Je cämical wa' xurik ri Raquel, xmuk c'u can chuchi' ri be ri cäbe pa Eprat, ri cäbix Belen che camic.

Ucab Samuel 23:16

Xebe c'ut ri oxib cowilaj tak achijab xeboc'ow chquixo'l ri cajch'ojab ri pilisteyib ri e kajinak chila' xquesaj c'ut ri' ja' chupam ri c'ua' ri c'o pa ri roquibal ri Belen, xquic'am c'u bic che ri David. Man xraj ta c'ut ri are' xukumuj, xane' xujamij chuwäch ri Ajawaxel jacha' jun sipanic che,

Nabe Tzijobelil 11:17

Ri David xuk'alajisaj ri u rayinic: “¡C'o ta banom wi chi c'o ta jachin cäyo'w chwe chi quinwuq'uiaj ta wech ri ja' ri c'o chupam ri c'ua' ri c'o chuchi' ri oquibal pa Belen!”

Salmib 119:81

Ruc' nimalaj rayinic weye'm chi quincol la; ¡nu yo'm c'ut ri weyebal nu c'u'x chrij ri tzij la!

Salmib 63:1

¡Nu Dios, lal ri lal nu Dios! Ruc' nimalaj rayinic quintzucun che la, cächaki'j nu chi' che la; ruc' ronojel wanima' quinrayin che la, in junam ruc' ri chaki'j ulew ri man c'o ta wi ja', mawi c'aslemal.

Ri Isaiy 41:17

Ri winak ri e meba' ri man c'o ta qui rajil, cäquitzucuj ja' man cäquirik ta c'ut. Chaki'jarinak ri cak' rumal ri chakij chi', are c'u ri in, ri Ajawaxel, quinoc na il chque, in, ri u Dios ri Israel, man quebenya' ta canok.

Ri Isaiy 44:3

quenbana' c'u na chi cäbin ja' pa ri chaki'j uwo sak, binel tak ja' pa ri chaki'j ulew. Ri in quinya' na c'ac' qui c'aslemal ri e awija'lil, quintak na ri nu tewichibal paquiwi'.

Ri Xuan 4:10

Ri Jesus xubij che: “We ta aweta'm ri cusipaj ri Dios, we ta aweta'm jachin ri' ri cubij chawe: ‘Chaya' nu joron’, at ta ri' cata' awe che, ri in c'ut quinya' ta awe ri' ri c'aslic joron.”

Ri Xuan 4:14

Apachin c'u ri cäruq'uiaj re ri joron ri quinya' che, mawi jumul chbe k'ij sak cächaki'j ta chi na u chi'. Xane' ri joron ri quinya' che, cux na jun u q'uiyibal ja' che, ri cäpixc'on che junalic c'aslemal.”

Ri Xuan 7:37

Pa ri q'uisbal k'ij, are c'u k'ij wa' ri nim na u banic re ri nimak'ij, ri Jesus xtaq'ui'c, co xch'awic, xubij: “We c'o jachin cächaki'j u chi', chpet wuc', chuq'uianok.