Ucab Samuel 22:42 - Quiché Bible

⁴² Xquitz'onoj chi que to'ic, man c'o ta c'u to'banel. Xquisiq'uij ri Ajawaxel, man xutzelej ta c'u u wäch qui tzij.

Ucab Samuel 22:42 ပူးပေါင်းရင်းမြစ်များ

Ri Job 27:9

Aretak c'o pa tak ri e u q'ueyowal, ri Dios man quebutatabej taj ri u bochi'nic.

E C'ambal tak Tzij 1:28

Pa ri k'ij ri' caquitz'onoj na tok'ob, man c'u quintzelej ta u wäch ri qui tzij; quinitzucuj na, man c'u quinirik ta chic;

Ri Isaiy 1:15

Aretak quiyac ri i k'ab che u banic ch'awem, ri in man quixinca'yej taj; pune' quiban q'ui ch'awem, ri in man quixintatabej taj, rumal chi tz'ajtajinak ri i k'ab che quic'.

Ri Isaiy 17:7

Pa ri k'ijol ri' ri winak cäril na ri u winakirisanel, ri Tastalicalaj u Dios ri Israel.

Ri Isaiy 17:8

Man queril ta chi na ri e porobal mawi ri jastak ri e banom cumal ri winak ruc' ri qui k'ab. Man coc ta chi na il che quilic tak ri cuta'm ri nimak qui k'ij mawi tak ri porobal jawije' queporox wi c'oc' tak k'ol chquiwäch tak ri diosib.

Ri Ezequiel 20:3

“At, winak, chebatzijobej ri nimak tak tatayib re Israel chabij c'u chque: ‘Are wa' ri cubij ri Ajawaxel: ¿La ix petinak che u tz'onoxic i no'j chwe? Are c'u ri in, ri Ajawaxel, quinban ri chi'nic ri kas cäban na, quincha' rumal ri nu c'aslemal, chi man quinya' ta na wib chi quitz'onoj ta na i no'j chwe.’

Ri Miquey 3:4

C'o jun k'ij ri ix quisiq'uij na ri Ajawaxel, are c'u ri are' man cutzelej ta na u wäch ri i tzij. Pa ri k'ijol ri' cuc'u' na rib chiwäch rumal ri etzelal ri e i banom.

Nabe Samuel 28:6

Xutz'onoj c'u u no'j che ri Ajawaxel, ri Ajawaxel man c'o ta xutzelej u bixic che mawi pa u waram mawi rumal Urim, mawi cumal e k'axal tzij.