Ucab Samuel 22:3 - Quiché Bible

³ nu Dios, ri nimalaj abaj ri quinuto', nu quetequic ch'ich', ri cuinem ri quinto'tajisanic, ri c'ubal wib ri sibalaj chicaj c'o wi, ri nu panibal ri sibalaj chicaj, c'o wi ri nu Colonel. ¡Xinto'tajisaj la man xintokix ta bic!

Ucab Samuel 22:3 ပူးပေါင်းရင်းမြစ်များ

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Ucab Samuel 22:31

Ri u be ri Dios tz'akat; ri u chi'nic ri Ajawaxel takal u jiquibaxic c'uxaj chrij. ¡Ri Dios cuto' qui wi' conojel ri caquicu'ba' qui c'u'x chrij!

Ucab Samuel 22:47

¡Yokok u k'ij ri Ajawaxel! ¡Tewichitalic ri to'l wech! ¡Nimarisax u k'ij ri Ajawaxel, ri quinuto'tajisaj xukuje' cuto' nu wi'!

Ucab Samuel 22:49

Ri are' quinuto'tajisaj quinresaj pa qui k'ab ri e nu c'ulel, xukuje' pa qui k'ab ri co xquitac'aba' quib chnuwäch xquiwalijisaj c'u ne quib chwij. ¡Lal, Ajawaxel, quinto'tajisaj la pa qui k'ab ri c'analaj tak achijab!

Ucab Samuel 22:51

Queya' la nimak tak ch'äcanic che ri ajawinel ri cha'om la; amak'el quel c'u'x la che ri David xukuje' chque ri e rija'lil.”

Ucab Samuel 23:3

Ri u Dios ri Israel ch'awinak; ri to'l rech ri Israel u bim chwe: ‘Ri cuk'at tzij paquiwi' ri winak ruc' suq'uilal, ri cuk'at tzij chupam ri xe'n ib chuwäch ri Dios.

Salmib 14:6

Cäquitze'j u wäch ri e u rayinic ri man nim ta u k'ij, are c'u queto'w na ri Ajawaxel.

Salmib 140:1

Ajawaxel, chinesaj la pa qui k'ab ri banal tak etzelal; chinch'uku la chquiwäch ri ch'ujab,

Salmib 140:11

Ri winak ri nim rak' mutakej jekelem cho ri uwächulew; chterenex ri ch'u'j u jolom, rumal ri etzelal, chsachisax c'u u wäch rumal.

Salmib 140:4

Ajawaxel, chinch'uku la pa qui k'ab ri e banal tak etzelal, chinto' la pa qui k'ab ri e banal tak etzelal, ri quequiban tak chomanic rech quintzakic.

Salmib 142:4

Quinca'y pa nu wiquiak'ab man c'o ta c'u jun cäpe ta che nu to'ic. ¡Man c'o ta jachin jun cuto' ta nu wi'! ¡Man c'o ta jachin jun coc ta il chwe!

Salmib 144:2

are' ri jicalaj wachil, ri nu c'olbal ri quinch'uw wi wib, ri c'ubal wib ri naj elinak chicaj, ri nu toronel; are' nu quetequic ch'ich', ruc' are' quinch'uw wi wib; are' quecojow tak ri tinimit chuxe' ri nu takanic.

Salmib 18:2

Lal ri ch'ukubal wech, ri nu c'olbal che panem, lal torol wech, nu Dios, ri nimalaj abaj quinuch'uku, nu quetequic ch'ich', ri cuinem ri quinto'tajisanic, ri c'ubal wib ri sibalaj naj elinak chicaj.

Salmib 27:5

Aretak chepe ri lawalolaj tak k'ij, ri Ajawaxel quinuch'uk ruc' ri u mu'jal, quinuto' pa ri rachoch; quinuya' puwi jun nimalaj abaj che u to'ic wib.

Salmib 28:7

Ri Ajawaxel are' cuinelalaj to'l wech; chrij xinya' wi ronojel ri cu'lbal nu c'u'x, xinuto' c'ut. Cäquicot ri wanima'; quinbixonic, xukuje' quinya' maltioxinic che ri Ajawaxel.

Salmib 3:3

Are c'u ri lal, Ajawaxel, lal ri ch'ukubal wib, lal nimarisabal nu k'ij, lal ri cäyo'w la ri chajin anima' chwe.

Salmib 32:7

Lal ri lal to'l wech; quinch'uk la chuwäch ri xak quieb cubij panuwi', cäsutij la wij cuc' rakoj tak chi'aj re ch'äcanic.

Salmib 46:1

Ri Dios are' ka panibal xukuje' ka chuk'ab; to'l kech pa tak ri jok'otaj re c'axc'olil.

Salmib 46:11

¡Ri Ajawaxel ri c'o ronojel u cuinem, are' c'o kuc'! ¡Ri u Dios ri Jacob are to'l kech!

Salmib 46:2

Rumal ri' man cäkaxe'j ta kib, pune' capuc'pub ri uwächulew, pune' quebik'taj bic ri juyub pa ri u choil ri plo,

Salmib 46:7

¡Ri Ajawaxel ri c'o ronojel u cuinem are' c'o kuc'! ¡Ri u Dios ri Jacob are' ka panibal!

Salmib 5:12

are c'u ri lal Ajawaxel, catewichi'j la ri jic; ri utzil la casutij rij jacha' jun quetequic ch'ich'.

Salmib 55:9

Sacha' la qui wäch Ajawaxel, yuju' la ri qui ch'abal, man c'o ta chi jas quinwilo xuwi ri banoj c'ax xukuje' ri oyowal,

Salmib 59:16

Are c'u ri in, quinbixon na che la ak'abil; ruc' rakoj chi'aj quinya' u bixic ri lok'ok'ebal c'u'x la xukuje' ri cuinem la. Lal c'ut ri lal uxinak to'bal wib, nu panibal pa tak ri jok'otaj re rikoj c'ax.

Salmib 61:3

Lal c'ut ri nu panibal. Ri lal lal je jas jun cowilaj tac'atic ja ri quinresaj pa u k'ab ri c'ulel.

Salmib 71:7

In uxinak mayibal chque q'ui winak, lal c'ut ri nu panibal.

Salmib 72:14

Queresaj pa ri latz' xukuje' pa ri rikoj c'ax, sibalaj c'u pakal ri rajil ri qui c'aslemal chuwäch.

Salmib 84:11

Rumal rech chi ri Dios ri Ajawaxel cujutunuj xukuje' cujuch'uku; ri Ajawaxel quebulok'ok'ej, xukuje' nim queril wi ri man c'o ta qui bach'uyal, man cuk'il ta qui ya'ic ri utzalaj tak jastak chque.

Salmib 84:9

Nu Dios, ch'ukul kech, chila la ulok ruc' elebal c'uxaj ri ajawinel ri xcha' la.

Salmib 86:14

Oh Dios, e juk'at winak ri man c'o ta qui q'uixbal xukuje' e banal tak c'ax, ri man c'o ta patan la chque, qui walijisam quib chwij, cäcaj c'ut quinquicämisaj.

Salmib 9:10

Ajawaxel, ri queta'm wäch la cäquicu'ba' qui c'u'x chij la, mawi jumul quebexutuj la canok ri que tzucum che la.

Salmib 9:9

Ri Ajawaxel quebuch'uk ri cäquirik c'ax, ri are' quebuch'uk pa tak ri k'ijol re elebal ch'u'j.

Elem 15:2

“Ri nu bix quinya' che ri Ajawaxel, are nu chuk'ab xukuje' nu colotajic. Ri are' are nu Dios, ya'tal u k'ijilaxic wumal; are u Dios ri nu tat, ya'tal u ya'ic u k'ij wumal.

E C'ambal tak Tzij 18:10

Ri u bi' ri Ajawaxel are' jun tac'atic ja ri sibalaj nim u cuinem, ruc' c'u quebopan wi ri e suc'ab che u tzucuxic to'bal ib.

E C'ambal tak Tzij 30:5

Ri Ajawaxel quebuto' ri cäquijiquiba' qui c'u'x chrij; conojel tak ri e u chi'nic takal c'u quijiquibaxic c'uxaj chquij.

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Ri Isaiy 32:2

Chquijujunal wa' quebux na jun to'bal ib chuwäch ri quiakik', xukuje' jun panibal chuwäch ri quiakik' jäb, jacha' u be tak ja' re jabal pa chaki'j ulew, jacha' ri u mu'jal jun nimalaj abaj pa ri chaki'j uwo sak.

Ri Isaiy 45:21

Chixch'awok, chitzijoj ri i banic, we quiwaj chixchomalan chixo'l: ¿Jachin xeyo'w ulok qui bixic we jastak ri' kas pa ri tictajic? ¿Jachin xesan ulok qui tzijol ojer? ¿La ma ta pu in, ri Ajawaxel? Man c'o ta Dios we ta ma ta xuwi ri in. Man c'o ta chi jun Dios we man xuwi ri in, ch'äcanel xukuje' ri colonel.

Ri Jeremiy 16:19

Ajawaxel, chuk'ab xukuje' to'bal wib, nu panibal pa ri jok'otaj aretak xak quieb cubij panuwi'; uc' la quepe wi na ri nimak tak tinimit ri c'o tzam tak ri uwächulew, caquibij c'u na che la: “Xuwi e subunelab tak diosib, man c'o ta qui patan mawi c'o ta jas quecuin ta che qui banic xequic'am ri e ka mam che quechbal.

Ri Jeremiy 16:9

Rumal rech chi ri in, ri Ajawaxel, ri c'o ronojel u cuinem, ri u Dios ri Israel, quink'alajisaj: In quinban na chi quebetanabax pa we ulew ri' ri bix tak que nimak'ij xukuje' quech quicotemal, xukuje' tak ri bix quech tak c'ulanem. We jastak ri' quebec'ulmataj na chquipam tak ri kas qui k'ij, kas c'u ix quixilow na.

Ri Lucax 1:47

C'o nimalaj quicotemal pa ri wanima' che ri Dios nu Colonel.

Ri Lucax 1:69

Xuya' jun Colol kech ri sibalaj c'o u cuinem, are' rija'l ri David, ri pataninel rech ri Dios.

Ri Lucax 1:71

Jeri' cujuto' chquiwäch ri ka c'ulel, cujuto' pa qui k'ab conojel ri winak ri cäquetzelaj ka wäch.

U Camulixic ri Pixab 32:37

Cubij c'u na chque: ‘¿Jawije' e c'o wi tak ri e i diosib, ri to'banelab tak ri' ri i cuban i c'u'x chquij,

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

U Camulixic ri Pixab 33:29

Utz awech at Israel, ¿Jachin ta ri cujunamaj rib awuc'? Kas are' ri Ajawaxel at to'tajisanic; are' catc'uxlanic, catuto' c'ut, ¡are' ri a ch'ich' re ch'o'j ch'äcanel! Ri e a c'ulel cäquijach na quib pa ak'ab, ri at caxak'alej na ri nimal ri quec'amowic.”

Ri Tit 3:4

Aretak c'ut xpe ri ka Colonel Dios, xuc'ut chkawäch chi cuban utzil chke xukuje' quebulok'ok'ej ri winak,

Ri Tit 3:6

ri xutak ulok pa kanima' rumal ri Jesucrist ri ka Colonel, ri pa u q'uiyal xuya' ri Uxlabaxel chke.

Hebreos 2:13

Xukuje' cubij: “Quinjiquiba' ri nu c'u'x chrij ri Dios.” Xukuje' cubij: “Chiwilampe', ri in cuc' ri alc'ualaxelab ri xebuya' ri Dios chwe.”

Nabe Samuel 2:1

Ri Na' je u banic ch'awem wa' xuban ruc' ri Dios: “Ajawaxel ruc' ronojel wanima' quinquicot umal la e yo'm c'u la c'ac' tak nu chuk'ab. Quincuinic quink'atij qui wäch ri quinquic'ulelaj in c'u to'm la. ¡Quinjajat c'ut!

Nabe Samuel 2:2

¡Man c'o ta jun ri tastal taj ri man cuban ta etzelal jacha' ri lal, Ajawaxel! ¡Man c'o ta jun cuya' ta to'banic jacha' ri lal, ka Dios! ¡Man c'o ta chi jun we ta ma ta xuwi ri lal!