Ucab Samuel 21:17 - Quiché Bible

¹⁷ Xbe c'u ri Abisay ri ral ri Sarb che u to'ic ri David, xbe chrij ri aj pilistey xucämisaj c'ut. Xquibij c'ut ri rachijab ri David che chi chuya' u tzij chubij chi man cäbe ta chi cuc' pa ri ch'o'j, rech man cachuptaj ri u chäj ri Israel.

Ucab Samuel 21:17 ပူးပေါင်းရင်းမြစ်များ

Ucab Samuel 14:7

Are c'u ri camic conojel ri wachalaxic e walijinak chwij, are c'u cacaj chi quinjach ri xcämisam ri rachalal pa qui k'ab, rech cutoj ri cämic ri xubano we c'u je caquiban wa' caquisachisaj u wäch ri kas xa jun chi echbenel ri canajinak canok. We je caquiban wa' caquichup na ri q'uisbal u pixk'ak' ri canajinak wuc', man c'o ta c'u rija'lil ri wachajil caquiya' canok ri canatan ta chic ri u bi' cho ri uwächulew.”

Ucab Samuel 18:2

Xutak c'u bic jun qui roxil ri banal ch'o'j chuxe' ri u takanic ri Joab, jun chic qui roxil xutak bic chuxe' ri u takanic ri Abisay, ral ri Sarb ri xukuje' rachalal ri Joab, ri jun qui roxil chic chuxe' ri u takanic ri Itay, ri quel pa Gat. Xubij c'u chque conojel ri ajch'ojab: “Ri in quinbe na iwuc' pa ri ch'o'j.”

Ucab Samuel 18:3

Xquitzelej c'u u bixic che: “Jayi', mäban la wa, rumal rech chi ri c'ulel man coc ta il ri' chke we cujanimajic o quecäm pa niq'uiaj chke, are c'u ri lal junam c'u banic la cuc' lajuj mil chke uj. Rumal ri' are utz na chi ri lal cacanaj la can pa ri tinimit rech c'ä waral quetak wi la bic ri to'l tak kech.”

Ucab Samuel 22:19

Xquitij u banic' c'ax chwe aretak in kajinak pa c'ax, xuya' c'ut ri u to'banic ri Ajawaxel chwe:

Ucab Samuel 22:29

Lal, Ajawaxel, lal nu chäj; lal, nu Dios, catunuj la ri nu k'ekumalil.

Nabe Ajawinelab 11:36

Xa jun amak' quinya' can che ri u c'ojol rech ri u chaj ri David, ri pataninel wech, amak'el canicow chnuwäch pa Jerusalen, ri tinimit ri xincha'o che u jekelibal ri nu bi'.

Nabe Ajawinelab 15:4

Xa' c'u, che u tok'obisaxic u wäch ri David, ri Ajawaxel xuya' c'olbal chi cutakej nicowem ri u chäj pa Jerusalen, aretak xucoj ri u c'ojol puwi' ri tem re ajawibal che can u q'uexwäch xukuje' che co u tac'abaxic ri Jerusalen;

Salmib 132:17

Chila' quinban wi na chi catux chi wi na ri u cuinem ri David. Nu suc'umam chic jun chäj che ri ajawinel ri nu cha'om.

Salmib 144:10

Lal ri cäya' la ch'äcanic chque tak ri ajawinelab; lal, ri xto'tajisaj la ri David ri pataninel ech la, chinesaj la chuwäch ri ch'ich' re ch'o'j ri cäcämisanic; chinesaj la pa qui k'ab ri winak ri man weta'm ta qui wäch, ri quequibij banoj tak tzij cäquiyac c'ut ri qui k'ab quiquiak'ab che u bixic ri chi'nic ri kas cäban na xa c'u che subunic.

Salmib 46:1

Ri Dios are' ka panibal xukuje' ka chuk'ab; to'l kech pa tak ri jok'otaj re c'axc'olil.

Ri Jeremiy 40:15

Xubij c'ut ri Joanan che ri Jedaliy chic'uyal: “Chaya' chwe chi quinbe che u cämisaxic ri Ismael. Ri man c'o ta jun chetamanok jachin xbanowic. ¿Jas ta c'u che cakaya' che chi catucämisaj? Wa' cuc'am ulok ri u tuquixic quib ri aj judeyib ri qui mulin quib awuc', jun yojyobic c'u wa' chque ri aj Juda ri e to'tajinak canok.”

Ri Xuan 5:35

Ri Xuan are' jun chäj ri xnicowic, xukuje' xjuluwic. Ri ix c'ut xiwaj xixquicot quieb oxib k'ij pa ri u sakil.