Ucab Samuel 21:10 - Quiché Bible

¹⁰ Are c'u ri Rizpa, ri u mia'l ri Aja, xeratz'iakij wakwoj tak atz'iak rumal ri u bis, xuban c'u jun u panibal puwi' jun abaj. Xcanaj c'u chila', kas pa ri u tictajic ri u k'atic ri sebad c'a xchaptaj na ri jäb, man xuya' ta c'u chque ri c'uch chi xenakajin ta chque ri cäminakib pa k'ij, mawi xuya' chque ri juyubal tak awaj chi xenakajin ta chque ri cäminakib chak'ab.

Ucab Samuel 21:10 ပူးပေါင်းရင်းမြစ်များ

Chapletajic 40:19

quel cubij wa' chi pa oxib k'ij catresaj bic ri ajawinel pa che', catuxequeba' c'u chuwäch jun che', quepe c'u ri c'uch cäquitij ri a ti'jal.”

Ucab Samuel 21:11

Aretak c'u xbix che ri David ri u banom ri Rizpa, ri man kas ta rixokil ri Saul,

Ucab Samuel 3:7

Ri Saul xc'oji' can jun man kas ta rixokil, Rizpa u bi', u mia'l ri Aja, ri xunim rib ri Abner ruc', Xuch'a' c'ut ri Is-boset che ri Abner: “¿Jasche xatk'oyi ruc' ri man kas ta rixokil ri nu tat?”

Nabe Ajawinelab 21:27

Aretak ri Acab xuta' ronojel ri xbixic, xujis ri ratz'iak chrij, xebucoj wakwoj tak atz'iak xukuje' man xwa' taj. Xwar chquipam tak we atz'iak ri' amak'el c'ut cäbisonic.

Ri Jeremiy 14:22

¿La c'o ta pu lo chquixo'l ri diosib ri quequik'ijilaj ri e k'ijilal tak diosib jun ri cäcuintaj cukasaj ri jäb? ¿La xak ta pa u lo pa rech wi ri caj quebutak ulok ri jäb? ¡Jayi', Ajawaxel, ka Dios! Lal ri' quebetak la ulok, lal ri' ri cäbanow la conojel we jastak ri'; ¡rumal ri' cujeyem che la!

Ri Ezequiel 39:4

Are c'u ri at, e awachil tak ri e awajch'ojab xukuje' tak ri tinimit ri at cachilam, catecäm c'u can paquiwi' tak ri u juyub ri Israel. Chila' quixinjach wi pa qui chi' conojel qui wäch c'uch xukuje' juyubal tak awaj, rech quixquit'ubu.

Ri Osey 6:3

¡Ka tija' ka k'ij che retamaxic u wäch ri Ajawaxel! Ri Ajawaxel cäpe na kuc', kastzij jacha' ri relic ulok ri k'ij, kastzij jacha' ri u ja'xic ri uwächulew rumal ri jäb pa ri u q'uisbal ri junab xukuje' pa ri u chaplebal ri junab.

Ri Joel 1:18

¡Quewun c'u ne tak ri wacax! Xak lok' caquitzucuj tak quecha' ri ati'tab tak wacax; ri jumulaj tak chij cätajin quecämic.

Ri Joel 2:23

¡Chixquicotok ix ri ix jekel pa Sion, chixquicot rumal ri Ajawaxel ri Dios! Are yowinak tak ri jäb chiwe pa ri k'ijol ri rajawaxic, ri nabe tak jäb xukuje' ri q'uisbal tak jäb, je jacha' ri xuban nabe.

Ri Zacariy 10:1

Chitz'onoj che ri Ajawaxel ri q'uisbal tak jäb, are' c'u ri Ajawaxel ri queyo'w tak ri caypa', quebutak na ulok chiwe ruc' tz'ebenic, chque c'u conojel cuya' na k'ayes pa tak ri juyub.

U Camulixic ri Pixab 11:14

ri are' cuban na chi cäkaj ri nabe tak jäb, xukuje' ri q'uisbal tak jäb, kas pa ri qui k'ijol, rech quik'at ri i trico, rech c'o u wa'l i uva xukuje' c'o iwaseit.

U Camulixic ri Pixab 21:13

caresaj ri ratz'iak ri u cojom aretak xchaptajic, cäcanaj c'u can pa ri rachoch. Jun ic' querok'ej na ri u nan u tat. C'äte ri' cuc'ax rumal ri aj israel. Ri achi c'u'x rachajil ri ixok, ri ixok cäcanaj che rixokil ri achi.

U Camulixic ri Pixab 21:22

We c'o jun achi k'atom tzij puwi' chi c'o u mac chi cäxequebex che juwi' che' che u cämisaxic, rumal chi u banom jun nimalaj mac,

U Camulixic ri Pixab 21:23

ri u cuerp man cäcanaj ta can ronojel ri jun ak'ab chila', rajawaxic cämuk kas pa ri k'ij ri xcämic, c'okotajinak c'ut rumal ri Dios ri cäcämic ri tzayabam cho jun che. Ri ix man cuya' ta quiban tz'il che ri c'olbal ri cuya' ri Ajawaxel ri i Dios chiwe che iwechbal.”

Nabe Samuel 17:44

Xubij chi c'u che: “Tasaj waral, quinya' c'u na ri a ti'jal che qui ti' ri c'uch xukuje' che qui ti' ri juyubal tak awaj.”

Nabe Samuel 17:46

Camic catujach na ri Ajawaxel pa nu k'ab, kas c'u camic catincämisaj na, quinwesaj c'u na ri a jolom, e are' c'u ri cäminak tak ajch'ojab aj pilisteyib quebenya' na chque tak ri c'uch xukuje' chque tak ri juyubal tak awaj, je c'u ri' ronojel ri uwächulew cäretamaj na chi are' kas Dios ri c'o pa Israel;