Ucab Samuel 20:22 - Quiché Bible

²² Xbe c'u ri ixok che qui ch'äquic conojel ri winak ri e c'o pa ri tinimit ruc' ri u nawibal, xquesaj ri u jolom ri Seba xquiq'uiak ulok chuwäch ri Joab. Ri Joab xtakan che rok'isaxic ri trompet che qui k'ilic ri ajch'ojab, xquiya' c'u can ri tinimit, chquijujunal xebe cho tak cachoch, are c'u ri Joab xtzelej pa Jerusalen che u tzijobexic ri ajawinel.

Ucab Samuel 20:22 ပူးပေါင်းရင်းမြစ်များ

Ucab Samuel 18:16

Ri Joab c'ut xuya' takanic chi chok'isax ri trompet, ri ajch'ojab xquitanaba' u banic c'ax chque ri aj Israel, xa c'u xek'il rumal ri Joab.

Ucab Samuel 18:17

Xquic'am c'ut ri u cuerp ri Absalon, xquiq'uiak chupam jun nimalaj jul ri c'o pa ri c'ache'laj, xquiwalijisaj c'u jun nimalaj jumalaj abaj puwi'. Conojel c'ut ri aj israelib xebanimajic xebe cho tak cachoch.

Ucab Samuel 2:28

Xuyaxtaj c'u takanic ri Joab chi chebeok'isax tak ri trompet conojel c'ut ri winak xquik'il quib xquitanaba' cokataxic ri aj israelib xukuje' u tijic qui chuk'ab cuc'.

Ucab Samuel 20:1

Jun itzel achi aj ramak' ri Benjamin, ri Seba u bi' u c'ojol c'ut ri Bicri, c'o apan pa Jilgal. Xucoj qui c'u'x ri aj israelib xubij chque chi chquiwalijisaj quib chrij ri David, je xubij wa': “¡Ri uj man c'o ta ke mawi kechbal ruc' ri David, ri u c'ojol ri Isayi! ¡Israelib jix iwonojel cho tak iwachoch!”

Ucab Samuel 20:16

Xuc'ut rib jun ixok puwi' ri nimalaj u tapia ri tinimit, xurak u chi', xubij: “¡Chinitatabej! ¡Chinitatabej, chibana' tok'ob! ¡Chibij che ri Joab ri quinbij chiwe chi chkeb ulok, are quinwaj quinch'aw ruc'!”

Ri Tzijonel 7:19

C'o na ri chuk'ab ri cuya' ri no'j che ri c'o u no'j che u q'uexwäch ri caquiya' lajuj k'atal tak tzij che jun tinimit.

Ri Tzijonel 8:11

we c'u man cäc'äjisax taj u wäch ri etzelal, cäya' be che ri winak xuwi cuchomaj u banic ri lawaloyil.