Ucab Samuel 20:1 - Quiché Bible

¹ Jun itzel achi aj ramak' ri Benjamin, ri Seba u bi' u c'ojol c'ut ri Bicri, c'o apan pa Jilgal. Xucoj qui c'u'x ri aj israelib xubij chque chi chquiwalijisaj quib chrij ri David, je xubij wa': “¡Ri uj man c'o ta ke mawi kechbal ruc' ri David, ri u c'ojol ri Isayi! ¡Israelib jix iwonojel cho tak iwachoch!”

Ucab Samuel 20:1 ပူးပေါင်းရင်းမြစ်များ

Chapletajic 46:21

Ri e u c'ojol ri Benjamin: ri Bela, ri Bequer, ri Asbel, ri Jer, ri Naaman, ri Ehi, ri Ros, ri Mupim, ri Hupim xukuje' ri Ard.

Ucab Samuel 15:10

Xebutak c'u bic jujun tako'n cuc' conojel tak ri amak' re Israel che u bixic chque chi, xuwi cäquita' ri rok'ibal ri trompet, caya' na u bixic chi xcojtaj ri Absalon che ajawinel pa Hebron.

Ucab Samuel 16:11

Xbextax c'u u wäch ruc' ri Abisay xukuje' cuc' ri e rach k'atal tak tzij, xubij: “We c'u ne kas are' ri nu c'ojol cutzucuj resaxic ri nu c'aslemal, ¡e ta c'u lo jun chque ri e aj ramak' ri Benjamin! ¡Chiya' c'olbal che chi chinuc'okoj na, bim c'u ne la' che rumal ri Ajawaxel chi je cubano!

Ucab Samuel 16:7

ri Simeiy cätajin cuc'okoj je cubij wa: “¡Chatelubic waral, ajmac cämisanel!

Ucab Samuel 18:17

Xquic'am c'ut ri u cuerp ri Absalon, xquiq'uiak chupam jun nimalaj jul ri c'o pa ri c'ache'laj, xquiwalijisaj c'u jun nimalaj jumalaj abaj puwi'. Conojel c'ut ri aj israelib xebanimajic xebe cho tak cachoch.

Ucab Samuel 20:2

Conojel ri achijab re Israel xquitzak can ri David che u ternexic ri Seba, ri u c'ojol ri Bicri. Man je ta c'u xquiban ri achijab ri e re Juda kas chuchi' ri Jordan xeteri wi ulok chrij ri David c'a xopan na pa Jerusalen, man xquitas ta quib chrij ri cajawinel.

Ucab Samuel 20:22

Xbe c'u ri ixok che qui ch'äquic conojel ri winak ri e c'o pa ri tinimit ruc' ri u nawibal, xquesaj ri u jolom ri Seba xquiq'uiak ulok chuwäch ri Joab. Ri Joab xtakan che rok'isaxic ri trompet che qui k'ilic ri ajch'ojab, xquiya' c'u can ri tinimit, chquijujunal xebe cho tak cachoch, are c'u ri Joab xtzelej pa Jerusalen che u tzijobexic ri ajawinel.

Ucab Samuel 23:6

Conojel c'ut ri banal tak etzelal quejunamataj cuc' ri q'uix ri e q'uiakom apanok, ri man c'o ta jun cächapow ruc' ri u k'ab.

Nabe Ajawinelab 12:16

Aretak ronojel ri tinimit Israel xrilo chi ri ajawinel man xuya' ta u xiquin chque, je u tzelexic u wäch u tzij wa' xequibano: “¡Man c'o ta kech uj ruc' ri David! ¡Man c'o ta jun echbal ri ka c'amom ta kech ruc' ri u c'ojol ri Isayi! ¡Jix cho tak iwachoch aj israelib! ¡Ri David chebuchajij ri rachalaxic!” Chanim xebe ri aj israelib cho tak cachoch.

Nabe Ajawinelab 21:10

Chebit'uyuba' quieb subunelab tak k'alajisanelab chuwäch chibij c'u chque chi chiquiya' itzel k'alajisanic chrij, quijiquiba' u bixic chi qui tom xuc'okoj ri Dios xukuje' ri ajawinel. Chiwesaj c'u bic, chi cämisaj che abaj.”

Ucab Tzijobelil 10:16

Aretak ronojel ri tinimit Israel xrilo chi ri ajawinel man xuya' ta u xiquin che, je u tzelexic u wäch u tzij wa' xubano: “¡Man c'o ta kech uj ruc' ri David! ¡Man c'o ta jun echbal ri cakac'am ta kech ruc' ri u c'ojol ri Isayi! ¡Jix cho tak iwachoch aj israelib! ¡Ri David chebuchajij ri rachalaxic!” Chanim, xebe ri aj israelib cho tak cachoch.

Ucab Tzijobelil 10:6

are c'u ri ajawinel Roboam xuta' u no'j chque ri nimak tak tatayib ri e patanajinak che ri Salomon, ri u tat, aretak c'asal wa'. Xuc'ot qui chi': “¿Jas ri no'j cäya' alak chwe ri quintzelej na u bixic chque we winak ri'?”

Salmib 17:13

Walija la, Ajawaxel, ¡chk'atij la qui wäch!, ¡chemejmobisaj la ri qui ch'ec! Ruc' ri ch'ich' re ch'o'j la chinto'tajisaj la rech man quinkaj ta pa u k'ab ri banal etzelal;

Salmib 34:19

Ri utzalaj winak ri' coc'ow pa q'ui tak c'axc'olil, are' c'u ri Ajawaxel quesan na chquipam conojel wa'.

E C'ambal tak Tzij 25:8

mebac'am bic pa tak ri k'atbal tzij, we ne c'o chic jun k'alajisanel ri cäcuinic cubij chi man kastzij taj ri cabij chuq'uisbalil c'ut man cach'ob ta chic jas cabano.

E C'ambal tak Tzij 26:21

Che u banic rachak k'ak', ri ak'al; che u banic k'ak', ri si'; che c'u qui jekic ri ch'o'j, ri yacal ch'o'j.

Marcos 3:24

We c'o jun ajawibal quieb u banom cuc'ulela' c'u rib we ajawibal ri', man cäcuin ta ri' cajeki'c.

Ri Lucax 19:14

E are c'u ri e aj u tinimit ri cäquetzelaj u wäch, xequitak bic tako'n chrij che u bixic: ‘Man cäkaj taj chi we achi ri' cux kajawinel.’

Ri Lucax 19:27

E are tak c'ut ri qui banom qui c'ulel chwe, ri man xcaj taj chi c'o nu takanic paquiwi', chebic'am ulok, chebicämisaj chnuwäch.’ ”

Ri Xuan 13:8

Xubij ri Lu' che: “Mawi jubik' quech'aj la ri wakan.” Xutzelej u bixic ri Jesus: “We man catinch'ajo, man c'o ta awech wuc'.”

U Camulixic ri Pixab 13:13

chi e c'o winak ri man queniman ta che ri Dios, cäquisach c'u qui c'u'x ri winak ri e c'o pa ri tinimit, quequitakchi'j che qui k'ijilaxic niq'uiaj diosib chic ri man etamatal ta qui wäch,

K'atal tak Tzij 19:22

Aretak sibalaj cätajin quequicotic, xebopan jujun itzel tak achijab aj chila', xquisutij rij ri ja, xquichaplej u paxixic ri uchi'ja, xquibij che ri nim winak ri ajchak'e ja: “¡Chawesaj ulok ri achi ri a yo'm rokxanibal, cäkaj cujk'oyi ruc'!”

K'atal tak Tzij 3:27

Aretak xopan pa ri culew ri aj israelib, xrok'esaj ri trompet pa tak ri juyub re Eprain che qui siq'uixic ri aj israelib, conojel c'ut xekaj ulok cho tak ri juyub xnabej ri Aod chquiwäch.

Ri Rut 2:3

Ri Rut xbe pa ri ulew xoc c'u che qui molic qui jolom sebad ri quetzak canok. Xutaklebej c'ut chi ri ulew ri xopan wi rech ri Booz, ri rachalaxic ri Elimelec,

Nabe Samuel 13:2

xebucha' oxib mil (3,000) ajch'ojab chquixo'l ri aj israelib. Quieb mil (2,000) xecanaj can ruc' pa Micmas xukuje' pa tak ri juyub ri e c'o pa Betel, ri jun mil (1,000) chic xecanaj ruc' ri Jonatan pa Gabaa aj Benjamin. E are' c'u ri niq'uiaj winak chic, ri Saul xuya' takanic chi chetzelej cho cachoch.

Nabe Samuel 2:12

Ri e u c'ojol ri Eli e itzel tak achijab, man nim ta c'u cäquil wi ri Ajawaxel

Nabe Samuel 30:22

Jujun chque ri rachijab, ri e itzel tak winak xukuje' e banal tak etzelal, xek'ilonic xquibij c'ut chi jachin tak ri man xebe ta cuc' c'o maya' chque ri jastak ri e qui c'amom ulok, xuwi ri quixokil xukuje' ri calc'ual, xuwi c'u wa' che qui c'ama' bic chetzelejok.