Ucab Samuel 2:26 - Quiché Bible

²⁶ Ri Abner xurak u chi' che ri Joab: “¿La man c'o u q'uisic we cämisanic ri'? ¿La ma ta cach'obo chi xa c'ayil cuc'am ulok wa' chke? ¿Jampa' caya' takanic chque ri a winak chi chiquitanaba' cokataxic ri cachalal?”

Ucab Samuel 2:26 ပူးပေါင်းရင်းမြစ်များ

Ucab Samuel 11:25

Xutzelej c'ut u bixic ri David che ri tako'n: “Chabij che ri Joab chi moc il che we c'ulmatajic ri', amak'el je quec'ulmataj wa'. Chucojo' c'u u chuk'ab che u ch'äquic ri tinimit, c'ä chusachisaj na u wäch. Are c'u ri at chaya' chajin anima' che.”

Ucab Samuel 2:14

Ri Abner xubij che ri Joab: “Chebel ulok ri alabom che u tijic qui chuk'ab chkawäch.” “Utz ri cabij,” xcha' ri Joab.

Ucab Samuel 2:16

Chquijujunal c'ut xequimajila' ri qui c'ulel che ri qui jolom xquijut c'ut tak ri qui ch'ich' re ch'o'j pa ri qui c'alc'a'x, conojel c'ut xecämic. Rumal ri' we c'olbal ri', ri c'o pa Gabaon xcoj Helcat-azurim che u bi'.

Ucab Samuel 2:25

Ri aj benjaminib xquimulij quib chila' ruc' ri Abner, xquiban xa' juk'at ajch'ojab xquiya' quib puwi' jun juyub.

Ucab Samuel 2:27

Ri Joab xutzelej u bixic: “Kas quinban ri chi'nic ri kas cäban na pa ri u bi' ri Dios chi we ta mat xabij wa', ri e nu winak xquitakej ta na cokataxic ri cachalal c'a casakar na.”

Salmib 4:2

Ix ri quina' iwib chi ix nimak tak tatayib. ¿C'ä jampa' quitanaba' u yok'ic ri nu juluwem? ¿C'ä jampa' lo ri quirayij na xukuje' qui tzucuj na ri man c'o ta u beya'l, ri xa subunic?

E C'ambal tak Tzij 17:14

Nima' tixtobinak ri ch'o'j ri cächaplexic, are utz na ri u najtajisaxic ib che u q'uexwäch ri u nimic ib chupam.

Ri Isaiy 1:20

we c'u quitakej ri man nimanic taj, man c'o ta i to'tajic kas quixcämisax wi pa ri ch'o'j.” Kas are ri Ajawaxel xbin wa'.

Ri Jeremiy 12:12

Paquiwi' conojel ri wuk'uwak tak juyub re ri chaki'j uwo sak xebel wi ulok tokinelab tak winak, rumal rech chi ri in, ri Ajawaxel, c'o jun nu ch'ich' re ch'o'j ri cusachisaj na u wäch ri ulew pa tak ri e u c'ulbatil, man c'o ta c'u jamaril che jachin jun.

Ri Jeremiy 2:30

Xak lok' xinc'äjisaj qui wäch ri e i c'ojol, man xcaj ta c'ut xquetamaj taj ri tijonic. Kas ri ix, ix junam cuc' ri c'analaj tak coj, xebicämisaj tak ri e k'axal tak tzij ri e c'o iwuc'.

Ri Jeremiy 4:21

¿Joropa' k'ijol quintakej na rilic ri etal elinak chicaj xukuje' quintatabej na ri rok'ibal trompet?

Ri Jeremiy 46:10

Are wa' ri u k'ij ri Ajawaxel ri c'o ronojel u cuinem, ri k'ij ri cuya' rajil u q'uexelal chque ri e u c'ulel. Ri ch'ich' re ch'o'j casocon na c'ä cak'abar na rumal ri quic'. Are c'u ri Ajawaxel ri c'o ronojel u cuinem cuban na jun cämisanic pa ri ulew re ri iquiak'ab, chunakaj ri Euprats.

Ri Jeremiy 46:14

“Chiya' u bixic pa Ejipt, pa Migdol, pa Memps xukuje' pa Tapnes: ‘¡Chbanwalijem, xak chixeyenok! ¡Ri ch'ich' re ch'o'j cätajin cäcämisan chinakaj!’

Ri Osey 11:6

Ri ch'ich' re ch'o'j cakaj na paquiwi' ri qui tinimit cuq'uis c'u na tzij paquiwi' ri e qui cowirisabal, cäsachisax na qui wäch rumal quech tak ri chomanic ri quequibano.

Hechos 7:26

Chucab k'ij chic, xopan cuc' quieb aj israelib ri cätajin cäquich'ay quib. Are ta xraj cujamarisaj ri ch'o'j, xubij chque: ‘Achijab, ix iwachalal iwib. ¿Jasche quiban c'ax chbil iwib?’