Ucab Samuel 19:8 - Quiché Bible

⁸ Xwalij c'u bic ri ajawinel xet'uyul chuchi' ri tinimit. Aretak c'u xquetamaj conojel ri winak ri e c'o ruc' chi t'uyul ri ajawinel chuchi' ri tinimit, conojel xebopan ruc'. E are' tak c'ut ri aj Israel, conojel e animajininak xebe cho tak cachoch.

Ucab Samuel 19:8 ပူးပေါင်းရင်းမြစ်များ

Ucab Samuel 15:2

Ak'ab cäwalijic cuya' rib chuchi' ri be, ri coc pa ri tinimit, che c'u ronojel ri copan pa ri tinimit ruc' ri ajawinel rech cäban k'atan tzij che rumal jun ch'o'j ri c'olic, cusiq'uij cuta' c'u che jachique tinimit cäpe wi. We ri winak ri' cubij chi petinak pa jun chque ri amak' aj Israel.

Ucab Samuel 18:17

Xquic'am c'ut ri u cuerp ri Absalon, xquiq'uiak chupam jun nimalaj jul ri c'o pa ri c'ache'laj, xquiwalijisaj c'u jun nimalaj jumalaj abaj puwi'. Conojel c'ut ri aj israelib xebanimajic xebe cho tak cachoch.

Ucab Samuel 18:24

Aretak t'uyul ri David chquixo'l ri quieb oquibal chupam ri tinimit, are c'u ri chajinel pakalinak puwi' ri ja, puwi' ri u chi' ri pimalaj tapia. Aretak c'u xca'y apan ri chajinel chinaj, xtaki' apan u wäch che jun achi xak u tuquiel, caxiq'uinic petinak,

Ucab Samuel 18:4

“Are ba' quinban na ri qui wilo chi takal u banic.” Xutzelej u bixic ri ajawinel chque, xuya' c'u apan rib pa u xcut ri u chi' ri tinimit, pa ri quelic bic ri ajch'ojab pa jujun tak mil pa jujun tak sient.

Ucab Samuel 19:3

Rumal c'u rech wa' ri ajch'ojab man xquic'ut ta quib xeboc pa ri tinimit: ruc' q'uixbal xenakajin ri ajch'ojab, je ta ne ri xa' ta' xebanimaj ulok pa ri ch'o'j.

Nabe Ajawinelab 22:36

Aretak c'u kajem cuban ri k'ij, xel u bixic chi quixo'l ri ajch'ojab: “¡Chijujunal jix pa ri i tinimit xukuje' pa ri iwulew,

Ucab Ajawinelab 14:12

Xch'äc c'ut ri juda rumal ri Israel, chquijujunal c'ut xebanimajic xebe cho tak cachoch.

Ucab Ajawinelab 8:21

Xbe c'ut ri Joram pa Zair xebuc'am bic conojel tak ri e u carwaj re ch'o'j, chak'ab c'ut xewalijic xukuje' ri e qui nimakil tak ri ajch'ojab aj carwaj que ch'o'j xech'ojin cuc' ri aj edomib ri sutim quij cumal, xebanimaj c'u chquiwäch.

Nabe Samuel 4:10

Xeboc c'u ri aj pilisteyib che ch'o'j xequich'äc c'u ri aj israelib, ri xebanimajic xetzelej pa ri qui kajebal. Ri cämisanic ri xbanic sibalaj xibibal, xecämisax juwinak lajuj mil (30,000) cajch'ojab ri aj israelib.