Ucab Samuel 19:5 - Quiché Bible

⁵ Xbe c'ut ri Joab chupam ri rachoch ri ajawinel, xubij c'u che: “Ri lal e yo'm la ri e pataninel tak ech la chupam q'uixbal, ri xto'tajisax ri c'aslemal la cumal camic xukuje' ri e c'ojol la, ri e mia'l la, ri e ixokil la, xukuje' tak ri man kas ta e ixokil la.

Ucab Samuel 19:5 ပူးပေါင်းရင်းမြစ်များ

Ucab Samuel 15:30

Ri David xpaki' cho ri u Juyubal u Che'al Aseitun; cät'annaj ri quieb rakan cätajin cok'ic, u ch'ukum c'u ri u jolom che u c'utic ri c'axc'ol. Conojel ri winak ri e achilaninak xukuje' qui ch'ukum ri qui jolom, quepakic c'ut quebok'ic.

Ucab Samuel 18:17

Xquic'am c'ut ri u cuerp ri Absalon, xquiq'uiak chupam jun nimalaj jul ri c'o pa ri c'ache'laj, xquiwalijisaj c'u jun nimalaj jumalaj abaj puwi'. Conojel c'ut ri aj israelib xebanimajic xebe cho tak cachoch.

Ucab Samuel 19:13

Xukuje' xuya' chic we takanic ri', chi chbix che ri Amas: “At, junam nu quiq'uel awuc', jeri' kas camic cachaptaj bic at ri catux na quinimal ri wajch'ojab, che u q'uexwäch ri Joab. We c'u man quintz'akatisaj jas ri quinbij chawe, chuya' cowilaj c'äjisabal nu wäch ri Ajawaxel.”

Ucab Samuel 19:4

Are c'u ri ajawinel u takem u ch'ukic ri u palaj, co curakakej u chi': “¡Absalon, nu c'ojol! ¡Absalon, nu c'ojol!”

Ucab Samuel 19:6

Ri lal c'utum la camic chi man nim ta quebil wi la ri e qui nimal tak ri ajch'ojab xukuje' ri ajch'ojab, calok'ok'ej c'u la ri quetzelam wäch la, quetzelaj c'u la qui wäch ri calok'okex la cumal. Camic nu ch'obom, chi are utz na chi are ta c'asal ri Absalon, pune' ta c'u konojel uj xujcämtaj,

Ucab Samuel 3:39

Rumal c'u ri' ri in, pune' in ri ajawinel ri cha'om rumal ri Dios, quinna' chi in tukar chuwäch ri nimalaj etzelal ri xquiban ri e ral ri Sarb. ¡Are' ri Ajawaxel chyo'w rajil u q'uexelal che jachin xbanow we etzelal ri'!”

Ri Nehemiy 9:27

Rumal ri' xejach la pa qui k'ab ri qui banom qui c'ulel chque, rech caquiban c'ax chque. Chi' c'ut aretak e c'o chupam ri qui rikoj c'ax, xquitz'onoj ri to'banic la, are c'u ri lal, rumal ri nimalaj tok'obisam wächaj la, xeto'w la ulok kas chicaj; xeya' la achijab chque ri xeto'tajisan pa qui k'ab ri xebanow tak c'ax chque.

Salmib 3:8

Lal, Ajawaxel, lal ri cujto'tajisan la; ¡tewichi'j ba' la ri tinimit la!