Ucab Samuel 19:19 - Quiché Bible

¹⁹ xubij c'u che: “Quinbochi'n che la chi maban la chi quintoj ri nu mac pa k'ab la, mawi manataj ri etzelal ri xuban we pataninel ech la ri', pa ri k'ij aretak xel la ulok pa Jerusalen. Mäcanaj ri c'ax pa ri anima' la chwij,

Ucab Samuel 19:19 ပူးပေါင်းရင်းမြစ်များ

Ucab Samuel 13:20

Xc'ot c'u u chi' rumal ri Absalon ri u xibal: “¿La are' ba' ri a xibal Amnon xbanow wa' chawe? C'o ba jas mabij, wana'b, a xibal c'ut. Sibalaj c'u matoc il che we c'ulmatajic ri'.” Xcanaj c'u ri Tamar pa bis cho rachoch ri Absalon ri u xibal.

Ucab Samuel 13:33

Rumal ri', mäcoj c'u la chi conojel ri c'ojol la e cäminak. Xuwi ri Amnon cäminak.”

Ucab Samuel 19:18

Xek'ax c'u chupam ri k'axebal che qui k'axexic ri e rachalaxic ri ajawinel, xukuje' che u banic jachique ri cäkaj chuwäch. Are c'u ri Simeiy u c'ojol ri Jer xumej rib chuwäch ri ajawinel aretak k'axenak chic chupam ri Jordan,

Salmib 32:2

Utz re ri winak ri man c'o ta itzel chomanic pa ranima', ri man cätzujux ta rumal ri Ajawaxel chi c'o u mac.

Salmib 79:8

Mäban la chi uj ta cujtojow ri quetzelal ri e ka mam; ¡pet ba ri ch'uch'ujil la chanim che ka to'ic, xa c'u co'l man quel kanima'!

Ri Tzijonel 10:4

We ri k'atal tzij coyowar awuc', masach ri a jolom; ri cunabal chque ri nimak tak sachinakil are ri quimajixic ri jastak chi nojimal.

Ri Isaiy 43:25

Are c'u ri in rumal rech chi in a Dios, quebenchup ri awetzelal man quenataj ta chi na ri a mac chwe.

Ri Jeremiy 31:34

Man rajawaxic ta chi c'ut chi jujun cuc' jule' tak chic, achilab xukuje' achalaxelab, caquitijola' ta chi na quib rech caquetamaj nu wäch rumal c'u rech chi conojel, cachaptaj bic kas ruc' ri sibalaj nim na queq'uis c'u na ruc' ri sibalaj ch'utin, caquetamaj na nu wäch. In quinsach na qui mac che ri etzelal ri qui banom man quenataj ta chi c'ut chwe ri qui mac ri qui banom. In, ri Ajawaxel Dios, quinjiquiba' u bixic.”

Ajilanic 12:11

xubij che ri Moises: “Bana' la tok'ob, wajaw, mäc'äjisaj la ka wäch u mac we macaj ri' ri kas ka banom.

Ri Matey 27:4

Xubij: “C'o ri nu mac. Xinjach jun achi rech cäcämisaxic, ri man c'o ta u mac.” Ri e are c'ut xquibij: “¿Jas ke uj che? ¡At chatilowok!”

2 Corintios 5:19

Ri u bixic wa' chi, pa ri Crist, ri Dios cätajin querutzirisaj ri ajmaquib ruc' are', man querajilaj ta c'ut ri e qui mac ri winak; are c'u ri chke uj xutz'onoj tok'ob chi chkaya' retamaxic we etamanic ri'.

Nabe Samuel 22:15

¿La are pa u nabe mul wa' quintz'onoj che ri Dios jas ri rajawaxic cubano? ¡Man je ta wa' ri xc'ulmatajic! Rumal c'u ri', ri lal c'o mak'abaj la chrij we pataninel ech la ri' mawi chquij ri rachalaxic, rumal rech chi ri pataninel ech la mawi jubik' c'o jas reta'm che wa' we xc'ulmatajic ri'.”

Nabe Samuel 25:25

Mäya' xiquin la che ri xubij ri Nabal, we c'analaj achi ri', are c'u cac'utuw ri u bi', kas jun ch'ujalaj achi. Man cäcuin taj cuk'il ta jubik' rib. We pataninel ech la ri' man xeril taj ri pataninelab la ri xetak la bic.

Nabe Samuel 26:21

Xubij c'u ri Saul: “¡David nu c'ojol quinch'obo chi in macuninak! ¡In uxinak jacha' jun con, nu banom jun nimalaj sachinakil! Chatzelej ba' man quintzucuj ta chi u banic c'ax chawe, a c'utum c'ut pa we k'ij camic chi nim cawil wi ri nu c'aslemal.”