Ucab Samuel 19:16 - Quiché Bible

¹⁶ Xukuje' ri Simeiy, ri u c'ojol ri Jer, ri aj ramak' ri Benjamin, aj bahurim, xuchuk'ubej u kajic bic junam cuc' ri achijab ri quebel pa Juda che u c'ulaxic ri David.

Ucab Samuel 19:16 ပူးပေါင်းရင်းမြစ်များ

Ucab Samuel 3:16

xteri' c'u bic ri Paltiel chrij, cätajin cok'ic, xuterenej bic c'ä pa Bahurim. Chila' xuya' wi takanic ri Abner che chi catzelejic, xtzelej c'ut ri Paltiel.

Nabe Ajawinelab 2:8

Ri jun jasach chic, chawila' chi c'o ri Simeiy awuc', ri u c'ojol ri Jer, ri aj Benjamin aj Bahurim. Are' wa' xebuq'uiak itzel tak c'okonic panuwi' pa ri k'ij ri benam we pa Mahanaim. Xopan chi c'u ne na che nu c'ulaxic chuchi' ri nima' Jordan, xinban ri chi'nic ri kas cäban na pa ri u bi' ri Ajawaxel chi man quincämisaj taj.

Ri Job 2:4

Ri tzujunel xutzelej u bixic che ri Ajawaxel Dios: “We man canak ta jubik' che ri kas u tz'umal, ronojel utz quelic. Ri achi cuya' u tzij chi casach u wäch ronojel rumal u to'tajisaxic ri u c'aslemal.

Ri Matey 5:25

Chatutzir chanim ruc' ri a c'ulel, aretak c'ä at c'o ruc' pa ri be. We man catutziric, catujach na ri a c'ulel che ri k'atal tzij. Te c'u ri' ri k'atal tzij catujach na che ri chajinel. Ri chajinel c'ut catucoj na pa che'.

Nabe Samuel 10:8

Chatnabej c'ut jät pa Jilgal, c'äte c'u catenrika' chila' che qui chi'xic tak ri tabal tok'ob ri quechajirisaxic xukuje' ri tabal tak tok'ob re utzirisan ib. Chateyem wukub k'ij chila', c'ä quinopan na quinbij c'u na chawe ri takal u banic awumal.”