Ucab Samuel 19:1 - Quiché Bible

^1-2 Aretak ri winak xquetamaj chi ri ajawinel cok'ic xukuje' cubisoj ri u cämic ri u c'ojol Absalon, xeyok u bixic che ri Joab. Jeri', ri k'ij re ch'äcanic xq'uextaj pa bis.

Ucab Samuel 19:1 ပူးပေါင်းရင်းမြစ်များ

Chapletajic 37:35

Xquimulij c'u quib ri u c'ojol xukuje' ri u mia'l che u cu'bisaxic u c'u'x, man c'u xraj taj xcu'bisax u c'u'x; xa ne xutakej rok'exic u wäch ri u c'ojol, cubij c'ut: “Quintakej u bisoxic, c'ä quincäm na.”

Ucab Samuel 18:12

Ri achi ri' xutzelej u bixic che ri Joab: “Pune' ta ne caya' jun mil puak chwe, man quintzak ta nu k'ab che u banic c'ax che ri u c'ojol ri ajawinel; rumal rech chi ri uj xkato chi ri ajawinel xuya' takanic chawe, xukuje' che ri Abisay, che ri Itay chi chito' u wi' ri Absalon.

Ucab Samuel 18:14

“Man quintakej ta u tzakic nu k'ij awuc'” xcha' ri Joab; xebuc'am c'u bic oxib ch'ab, xebe u t'isa' puwi' ranima' ri Absalon, ri c'a c'asal xo'l tak ri u k'ab ri bakit.

Ucab Samuel 18:20

Xutzelej c'u u bixic ri Joab che: “Camic man at taj ri winak ri takal ta u c'amic bic ri tzijol awumal. Che jun k'ij chic cuya' cabano, man c'u camic taj cäminak c'ut ri u c'ojol ri ajawinel.”

Ucab Samuel 18:33

Xyicopitaj ri ranima' ri ajawinel, xpaki' c'u puwi' ri ja ri c'o puwi' ri roquibal ri tinimit, xuchaplej ok'ej. Aretak cätajin cabinic, cubij: “¡Absalon, nu cojol! ¡Absalon, nu cojol! ¡C'o ta banom wi in taj ri xincäm che a q'uexwäch! ¡Nu c'ojol, Absalon, nu cojol!”

Ucab Samuel 18:5

Xuya' c'u bic takanic ri ajawinel che ri Joab, che ri Abisay xukuje' che ri Itay chi, maquiban c'ax che ri Absalon che u tok'obisaxic nu wäch, conojel c'ut ri ajch'ojab xquita' ri takanic ri xuya' ri ajawinel chque ri e qui nimakil ri ajch'ojab jas ri cäban che ri Absalon.

E C'ambal tak Tzij 17:25

Ri c'ojolaxel ri man c'o ta u no'j ya'l oyowal xukuje' c'ayil chque ri u nan u tat.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.