Ucab Samuel 18:19 - Quiché Bible

¹⁹ Ri Ahimaas c'ut ri u c'ojol ri Sadoc, xubij che ri Joab: “Quintz'onoj chawe chi chaya' chwe chi quinxiq'uinic quinbe na che u bixic che ri ajawinel chi ri Ajawaxel u banom suq'uilal che xuto'tajisaj xresaj pa qui k'ab ri e u c'ulel.”

Ucab Samuel 18:19 ပူးပေါင်းရင်းမြစ်များ

Ucab Samuel 15:27

Xukuje' xubij ri ajawinel che ri Sadoc ri cojol tabal tok'ob: “Chawilampe', at xukuje' ri Abiatar chixtzelej pa jun nimalaj utzil pa ri tinimit e iwachil ri quieb i c'ojol. Ri at ruc' ri a c'ojol Ahimaas, xukuje' ri Abiatar ruc' ri Jonatan ri u c'ojol.

Ucab Samuel 15:36

E c'o c'ut ri e quieb qui c'ojol cuc': ri Ahimaas u c'ojol ri Sadoc xukuje' ri Jonatan u c'ojol ri Abiatar, chiya' c'u u bixic chwe cumal e are' ronojel ri quiwetamaj.”

Ucab Samuel 17:17

C'o c'ut ri Jonatan xukuje' ri Ahimaas pa En-rojel, man cäcaj ta c'ut caquic'ut quib pa ri tinimit, rech man cäpe ta u q'ueyomal paquiwi', jun pataninel ixok xbe che u bixic chque, chanim c'ut xebel bic che u bixic che ri ajawinel David.

Ucab Samuel 18:20

Xutzelej c'u u bixic ri Joab che: “Camic man at taj ri winak ri takal ta u c'amic bic ri tzijol awumal. Che jun k'ij chic cuya' cabano, man c'u camic taj cäminak c'ut ri u c'ojol ri ajawinel.”

Ucab Samuel 18:23

“Pune', quinxiq'uin na quinbec” xcha' ri Ahimaas. “¡Chatxiq'uin ba'!” xcha' ri Joab che. Xutzak c'u xiq'uinem ri Ahimaas xutakej ri beya', xnabej c'u chuwäch ri aj etiopiy.

Ucab Samuel 18:31

Pa ri jok'otaj ri xopan ri aj etiopiy, xubij c'ut: “Chec'ama' la we utzalaj tak tzijol ri': Camic ri Ajawaxel u banom ri suq'uilal che la, xesax la pa qui k'ab conojel ri xquiwalijisaj quib che cämisaxic la.”

Salmib 10:14

Lal ilom la ri c'ax ri cäquiban ruc' ri quetzelal; ¡ilom la, cäya' c'u na la rajil u q'uexel chque! Uc' la cäquito' wi quib ri man c'o ta queto'wic; lal ri to'l quech ri minorib.

Salmib 10:18

Bana' la ri suq'uilal che ri minor xukuje' ri u rikom c'ax: ¡ri winak, ri xa ulew banbem rech, mutic chi c'u jumul xe'n ib!

Salmib 7:6

Ajawaxel, ¡walij la ruc' c'anal! ¡K'atij la u wäch ri coyowal ri qui banom qui c'ulel chwe! Lal yo'm la u bixic chi cäban la suc'alaj k'atoj tzij, ¡to' ba la nu wi'!

Salmib 9:16

Ri Ajawaxel u c'utum rib: ¡u banom suq'uilal! Ri banal etzelal cächaptaj can chupam ri c'amibal ri are' xcojowic.

Salmib 9:4

Ri lal, lal jun suc'alaj k'atal tzij: lal t'uyul puwi' ri tem la re ajawibal, che u banic suq'uilal panuwi'.

Ri Jeremiy 51:31

Quexiq'uinilob tak ri ya'l tak tzijol che u ya'ic u bixic che ri ajawinel re Babilon chi ri u tinimit tak ch'äcatajinak ronojel.

Romanos 12:19

Lok'alaj tak wachalal, mitoj u q'uexel ri etzelal xane' chiya' can che ri royowal ri Dios. Tz'ibatal c'ut: “Wech in ri tojow q'uexel, in quintojow na, cächa' ri Ajawaxel.”