Ucab Samuel 18:14 - Quiché Bible

¹⁴ “Man quintakej ta u tzakic nu k'ij awuc'” xcha' ri Joab; xebuc'am c'u bic oxib ch'ab, xebe u t'isa' puwi' ranima' ri Absalon, ri c'a c'asal xo'l tak ri u k'ab ri bakit.

Ucab Samuel 18:14 ပူးပေါင်းရင်းမြစ်များ

Ucab Samuel 12:10

Xawetzelaj c'u nu wäch aretak xatokij ri rixokil ri Uriy ri aj hitit rech xaban awixokil che, mawi c'u jubik' cätastaj ri u banic ri etzelal pa ri awachoch.

Ucab Samuel 14:30

Xuya' c'u takanic ri Absalon chque ri u pataninelab, xubij chque: “Chiwila', ri rulew ri Joab ri u c'ulbatim rib ruc' ri wech in, u ticom c'u sebad chuwäch; ¡Jix chi t'ika' k'ak' che!”

Ucab Samuel 18:15

Xepe c'u lajuj chajil rech ri Joab xiquisutij rij ri Absalon, xquiq'uis c'u u cämisaxic.

Ucab Samuel 18:5

Xuya' c'u bic takanic ri ajawinel che ri Joab, che ri Abisay xukuje' che ri Itay chi, maquiban c'ax che ri Absalon che u tok'obisaxic nu wäch, conojel c'ut ri ajch'ojab xquita' ri takanic ri xuya' ri ajawinel chque ri e qui nimakil ri ajch'ojab jas ri cäban che ri Absalon.

Ucab Samuel 19:1

Aretak ri winak xquetamaj chi ri ajawinel cok'ic xukuje' cubisoj ri u cämic ri u c'ojol Absalon, xeyok u bixic che ri Joab. Jeri', ri k'ij re ch'äcanic xq'uextaj pa bis.

Ucab Samuel 19:11

Ri cätajin caquichomaj conojel ri aj Israel xopan u bixic c'ä ruc' ri David. Xutak c'u u bixic ri are' chque ri e cojol tabal tok'ob ri Sadoc xukuje' ri Abiatar, xubij bic chque: “Chixtzijon ix cuc' ri nimak tak tatayib ri e c'o pa Juda, chita' chque jasche i beytajisam chi quintzelej pa ri wachoch.

Ri Job 20:5

Ri u jajatem ri banal etzelal man cabeytaj taj; ri u quicotemal xa' re jok'otaj.

Salmib 37:35

Wilom ri banal etzelal nojinak che nimal u lic'om rib jacha' jun jewejic che';

Salmib 45:5

Ri tinimit tak cäquimej quib chwäch la ajawinel; ri t'ist'ak tak ch'ab la, quech'iqui' na puwi' tak canima' ri e c'ulel la.

Ri Matey 12:40

Je jas ri Jonas xc'oji' chupam ri nimalaj cär oxib k'ij oxib ak'ab, jeri' ri Rija'l winak cäc'oji' na pa ri ulew oxib k'ij oxib ak'ab.

1 Tesalonicenses 5:3

Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

K'atal tak Tzij 4:21

Sibalaj c'u cosinak ri Sisara, rumal ri' xkaj che jun nimalaj waram. Xpe ri Jael xuc'ama' jun wi't xukuje' jun ch'ic ri cäcoj che u tanixic cäbal ri lic'om, nojim xkebic c'ä jawije' c'o wi ri Sisara, xubajij ri ch'ic pa ri u xaxol cho ri ulew. Je cämical wa' xurik ri Sisara.

K'atal tak Tzij 5:26

Xuc'am c'u jun ch'ic ruc' ri u mox, ri wi't xuc'am ruc' ri u wiquiak'ab, xuk'osij c'u pa u xaxol ri Sisara xk'ax che ri juperaj chic.

K'atal tak Tzij 5:31

¡Ajawaxel je ta u sachic qui wäch wa', conojel ri e c'ulel la, quejulk'in ta c'u na ri quelok'ok'en che la, jacha' ri k'ij aretak sibalaj cätununic!” Aretak xbantaj wa', cawinak junab xc'oji' jamaril pa Israel.