Ucab Samuel 17:23 - Quiché Bible

²³ Aretak c'u xril ri Ahitopel chi man xbantaj ri xubij xuquiejej ri u bur xbe cho rachoch, pa ri u tinimit, aretak c'u xesuc'umataj conojel ri jastak rech cho rachoch, xujitz'aj rib. Je u cämic wa', xmuk c'u chupam ri xmuk wi ri u tat.

Ucab Samuel 17:23 ပူးပေါင်းရင်းမြစ်များ

Ucab Samuel 15:12

Ri Absalon xukuje' xutak u siq'uixic jun chque ri ya'l tak u no'j ri David, ri cabinax Ahitopel, ri jekel pa Jil, ri u tinimit, rech cachilax rumal aretak quebuya' ri tabal tak tok'ob. Cätajin c'u caq'uiy u chuk'ab ri walijisam ib xukuje' cätajin que q'uiyir ri e terenel rech ri Absalon.

Ucab Samuel 15:31

Aretak c'u xtzijox che ri David chi ri Ahitopel are jun chquixo'l ri e aj Absalon ri xquiwalijisaj quib, ri David xubochi'j ri Ajawaxel chi chebuyojtajisaj tak ri e u chomanic ri Ahitopel.

Ucab Samuel 16:23

pa ri k'ijol ri', ri u tz'onoxic jun no'j che ri Ahitopel xak junam ruc' ri je ta ne che ri Dios catz'onox ta wi ri no'j. Jewa' ri u chuk'ab ri u tzij ri Ahitopel che ri David xukuje' che ri Absalon.

Ucab Samuel 17:22

Ri David xukuje' conojel ri winak ri e achilaninak aninak xewalijic xek'ax ch'käp che ri Jordan. Aretak c'u xsakar ri ucab k'ij, man c'o ta jun ri ma ta k'axenak ch'käp.

Nabe Ajawinelab 16:18

Aretak xril ri Zimri chi xch'äc ri tinimit, xoc chupam ri to'bal ib ri c'o chupam ri rachoch ri ajawinel, xut'ik k'ak' che ri rachoch c'o ri are' chupam, je c'u u camic wa'.

Ucab Ajawinelab 20:1

Pa ri k'ijol ri', ri Ezequiy xkasax rumal jun c'axalaj yabil, ri Isaiy, ri k'axal tzij u c'ojol ri Amoz, xbe che rilic xubij c'u che: “Ri Ajawaxel cubij: ‘Chebaya' can ri q'uisbal tak a pixbenic chque ri e awachalaxic, catecäm c'ut; man cät cunataj taj.’ ”

Ri Job 31:3

¿La ma ta che ri banal etzelal xukuje' che ri ajmac ri takal wi ri u q'ueyowal?

Salmib 109:20

¡Je tojbal wa' chuya' ri Ajawaxel chque ri e nu c'ulel, xukuje' chque ri c'ax quech'aw chwe!

Salmib 5:10

¡C'äjisaj la qui wäch nu Dios! ¡Chbana' la chi man utz ta quel ri itzel tak qui chomanic! Chexutuj la rumal ri q'uialaj tak qui mac, rumal rech chi quiwalijisam quib chij la.

Salmib 55:23

Nu Dios, ri cämisanelab xukuje' ri banal tak tzij man naj ta quec'asi'c mawi cäniq'uiajir ri qui c'aslemal; lal caban na la chque chi quetzak bic chupam ri mukubal, ri in c'ut nu cuban nu c'u'x chij la.

E C'ambal tak Tzij 16:18

Chrij ri nimal, cäpe ri tzakmajic; chrij ri nimarisan ib, ri tzakic.

E C'ambal tak Tzij 19:3

Ri u conil ri winak cuban che chi cusach ri be, cuyaxtaj c'ut ri winak ri chak'maquil chrij ri Ajawaxel.

Ri Isaiy 38:1

Pa tak ri k'ij ri' xkaj ri Ezequiy che jun nimalaj yabil, are c'u ri Isaiy ri u c'ojol ri Amoz, xbe che rilic, xubij c'u che: “Cubij ri Ajawaxel: ‘Chabij canok jas ri cawaj cabij can chque ri e c'o pa ri awachoch, catcäm c'ut, man catcunataj taj.’ ”

Ri Matey 27:5

Ri Judas xuq'uiak can ri sak puak pa ri rachoch Dios. Xel bic, xbe che u jitz'axic rib.