Ucab Samuel 17:14 - Quiché Bible

¹⁴ Ri Absalon xukuje' conojel ri aj israelib xquibij chi are utz na ri no'j ri xuya' ri Husay chuwäch ri xuya' ri Ahitopel. (Are c'u ri Ajawaxel xchoman u yojixic ri jicalaj no'j ri xuya' ri Ahitopel rech cuc'am ulok ri etzelal puwi' ri Absalon.)

Ucab Samuel 17:14 ပူးပေါင်းရင်းမြစ်များ

Chapletajic 32:28

Ri achi xubij che: “Man cäbix ta chic Jacob chawe. Israel catuchix chic, a tijom c'u a chuk'ab ruc' ri Dios xukuje' cuc' ri winak, xatch'äcan c'ut.”

Ucab Samuel 15:31

Aretak c'u xtzijox che ri David chi ri Ahitopel are jun chquixo'l ri e aj Absalon ri xquiwalijisaj quib, ri David xubochi'j ri Ajawaxel chi chebuyojtajisaj tak ri e u chomanic ri Ahitopel.

Ucab Samuel 15:34

we c'u cattzelej pa Jerusalen cabij c'u che ri Absalon: we pataninel ech la ri' cäc'oji' na che patanixic la je jas ri xinc'oji' nabe che u patanixic ri tat la'; quinato' na che qui yojixic tak ri e u chomanic ri Ahitopel,

Ucab Samuel 16:23

pa ri k'ijol ri', ri u tz'onoxic jun no'j che ri Ahitopel xak junam ruc' ri je ta ne che ri Dios catz'onox ta wi ri no'j. Jewa' ri u chuk'ab ri u tzij ri Ahitopel che ri David xukuje' che ri Absalon.

Ucab Tzijobelil 10:15

Ri ajawinel, man xunimaj taj ri xubij ri tinimit, rumal rech chi u chomam ri Ajawaxel chi je cac'ulmataj wa' rech cätz'akat ri xubij ri Ajawaxel che ri Jeroboam, ri u c'ojol ri Nabat, rumal ri Ahiy, ri aj Sil.

Ucab Tzijobelil 10:8

Are' c'u ri Roboam man xuya' ta u xiquin che ri no'j ri xquiya' ri nimak tak tatayib, xane' xuta' chi u no'j chque ri alabom ri junam u q'uiyic cuc' ri cätajin quetoban ruc',

Ucab Tzijobelil 25:16

Aretak c'u ri k'axal tzij cätajin cubij wa', ri ajawinel xc'ulelaj: “¿La xa' pa at ka cojom che ya'l u no'j ri ajawinel? ¡Chak'ila' awib chatz'apij u pa a chi'! ¿O are cawaj catcämisaxic?” Ri k'axal tzij man xutakej ta chic u cojic u chuk'ab, xubij c'ut: “In weta'm chi ri Dios xa jumul u bim chi cusachisaj wäch la rumal rech ri u banic wa' xukuje' ri man u takexic taj ri nu no'j.”

Ucab Tzijobelil 25:20

Man c'u c'o ta xubij u c'u'x ri Amasiy che ri xbix ulok che, rumal rech chi bantajinak chic rumal ri Dios chi cujach pa u k'ab ri Joas, rumal rech chi are xebuc'amowaj ri e qui diosib ri aj Edom.

Ri Nehemiy 4:15

Aretak ri qui banom qui c'ulel chke, xquetamaj chi uj c'o che queyexic xukuje' chi ri Dios xebuyojij tak ri banel, ri e qui chomam tak qui banic chke konojel, xujtzelej chic chi ka jujunal che u takexic ri ka chac pa ri nimalaj tapia.

Ri Job 12:17

Ri are' cubano chi ri ajno'jab caquitzak ri quetamanic chi ri k'atal tak tzij chi chebux ch'ujab.

Salmib 9:15

Ri e k'ijilal tak diosib quekaj na chupam ri qui c'amibal; ri cakan queralitaj can chupam ri putzcuyibal ri e are' xec'u'wic.

Salmib 9:16

Ri Ajawaxel u c'utum rib: ¡u banom suq'uilal! Ri banal etzelal cächaptaj can chupam ri c'amibal ri are' xcojowic.

Elem 9:16

c'ä at nu c'asbam c'ut rech cäwil ri nu cuinem xukuje' rech quinc'ut wib cho ronojel ri uwächulew.

E C'ambal tak Tzij 19:21

Ri winak quebuban q'ui tak chomanic, are c'u ri u chomam u banic ri Ajawaxel are cabantajic.

E C'ambal tak Tzij 21:30

Chuwäch ri Ajawaxel man c'o ta no'j ri nim ta na u k'ij, mawi e c'oxomanic mawi e utzalaj tak chomanic.

Ri Isaiy 8:10

Chebibana' i chomanic, queyojix c'u na; chi chomaj u banic ri quiwaj, man cabantaj ta c'u na ri quiwaj, rumal c'u rech chi c'o ri Dios kuc'.

Juyuwem 3:37

Aretak c'o jas caya' u bixic, aretak c'o c'ulmatajinak are' c'ut ri Ajawaxel u takom u banic.

Ri Amos 9:3

We quebe qui c'u' tak quib puwi' ri juyub Carmel, quinbe c'u ne na che qui tzucuxic chila'; we quebe qui c'u' tak quib chnuwäch chupam ri u choil ri plo, quintak na ri jilijic awaj aj plo chi oj che u sachisaxic qui wäch;

Ri Lucax 16:8

Ri k'inom xubij chi sibalaj c'o u no'j ri chajinel ri man suc' taj, rumal rech chi xna'w che ri u chomanic ri xubano. Are c'u ri winak re ri uwächulew quena'w na che ri qui chomanic chquiwäch ri winak ri e re ri sakil.

1 Corintios 3:19

Ri qui no'j c'ut ri winak cho ri uwächulew xa' conil chuwäch ri Dios. Tz'ibatal c'ut: “Ri winak ri sibalaj quena'w che ri qui chomanic, ri Dios cuban chque chi quetzak rumal ri qui no'j.”

U Camulixic ri Pixab 2:30

Are c'u ri ajawinel Sehon man xraj ta chi cujoc'ow pa ri rulew, rumal rech chi ri Ajawaxel ri i Dios ix, xubano chi cuk'il rib che ri koc'owem, rech cujach pa i k'ab ix, c'ä jacha' c'u ne ri u banom camic.

Ri Josue 11:20

are' c'u ri Ajawaxel xbanowic chi ri e c'ulel xquicowirisaj ri canima' xquik'atij c'u qui wäch ri aj israelib rech man ruc' ta elebal c'uxaj, ri aj israelib caquiq'uis tzij paquiwi', je jacha' ri takanic ri u yo'm ri Ajawaxel che Moises.