Ucab Samuel 16:21 - Quiché Bible

²¹ Ri Ahitopel xutzelej u bixic che ri Absalon: “Chatk'oyol cuc' ri man kas ta e rixokil ri a tat, ri xebuya' can che u chajixic ri rachoch. We je caban wa' conojel ri aj Israel caquich'ob c'u na chi at etzelatajinak chuwäch ri a tat, cäc'oji' c'u na chajin anima' cuc' conojel ri e k'axenak awuc'.”

Ucab Samuel 16:21 ပူးပေါင်းရင်းမြစ်များ

Chapletajic 34:30

Xubij c'u ri Jacob che ri Simeon xukuje' ri Levi: “Ri ix in i yo'm pa jun latz'. Ri winak aj waral, ri aj cananeyib, ri aj perezeyib, cäquetzelaj na nu wäch. Cäquimulij na quib chwij, cäquiq'uis na tzij panuwi', man e q'ui ta c'u ne ri achijab ri e c'o wuc', quinquicämisaj na junam cuc' conojel ri e c'o pa wachoch.”

Chapletajic 35:22

Xurika' jun k'ij aretak c'o ri Israel pa we c'olbal ri', xpe ri Ruben xk'oyi' ruc' ri Bil jun chi ixok ri man kas ta rixokil ri u tat. Aretak xretamaj ri u tat, sibalaj xpe royowal. Ri e u c'ojol ri Jacob e cablajuj (12).

Chapletajic 38:16

Xkeb ruc' che u ch'abexic chuchi' ri be, man xuchomaj taj chi are ralib, xubij che: “¿La caya' chwe chi quink'oyi' awuc'?” Ri Tamar xubij che: “¿Jas caya' chwe chi quink'oyi' awuc'?”

Chapletajic 6:4

Ri nimak tak achijab xec'utun cho ri uwächulew aretak ri e ralc'ual ri Dios xcuc'aj quib cuc' tak ri e qui mia'l ri achijab rech quec'oji' calc'ual cuc', chumatam chi c'ut. E are tak wa' ri xebux nimak tak qui k'ij pa tak ri ojer tak k'ijol.

Ucab Samuel 10:6

Xquil c'u ri aj amonib chi xa xquetzelaj quib chuwäch ri David, rumal ri' ri aj amonib xequitoj juwinak mil (20,000) ajch'ojab aj siriyab ri quebel pa Bet-rehob xukuje' ri quebel pa Soba, xequitoj jun mil (1,000) achijab che ri ajawinel ri c'o pa Maac, xukuje' cablajuj mil (12,000) aj Is-tob.

Ucab Samuel 12:11

In, ri Ajawaxel, quink'alajisaj: Quinban na chi pa ri awachoch caq'uiy wi na ulok ri etzelal ri cakajbej, chawäch c'ut quebenc'am na ri awixokil quebenjach c'u na pa u k'ab jun chque ri e awalaxic, ri cak'oyi' na cuc' aretak c'a canicow ri k'ij.

Ucab Samuel 13:5

Xcoj c'u u c'u'x rumal ri Jonadab: “Chanima' awib pa ri ch'at chajaluj a yab. Aretak c'u chopan ri a tat che awilic, chabij che, chi chubana' tok'ob chutaka' ulok ri awana'b ri Tamar rech cäpe che u banic ri a wa ri catijo chusuc'umaj jun riquil chi', ri cawil u banic rech catij c'ut ri cuya' chawe.”

Ucab Samuel 15:16

Xel c'u bic ri ajawinel xachilax bic cumal conojel ri e c'o chupam ri rachoch, xuwi c'u xebuya' can ri e lajuj man kas ta e rixokil rech caquichajij ri rachoch ri ajawinel.

Ucab Samuel 16:20

Chumatam chi c'u jubik' ri Absalon xuc'ot u chi' ri Ahitopel, xubij che: “¿Jas ri i no'j ri quiya' ix chi chekabana'?”

Ucab Samuel 17:7

Ri Husay xutzelej u bixic che, xubij: “Ri no'j ri u yo'm ri Ahitopel camic man takal ta u banic.

Ucab Samuel 2:7

Are c'u ri camic chichajij anima' xukuje' chc'ol i chuk'ab, pune' c'u cäminak ri Saul, ri iwajaw, ri amak' Juda in u tasom che rajawinel.”

Ucab Samuel 20:3

Aretak xtzelej ri David pa ri rachoch ri c'o pa Jerusalen, xebuc'am ri e lajuj man kas ta e rixokil ri e u yo'm can che u chajixic ri rachoch xebunim c'u pa jun ja, xcoj chajil quech. Xutakej c'u quilixic chila'. Man c'u xwar ta chi cuc'. Xak c'u e tz'apil chila', e jacha' malca'nib, xejeki' chila' c'a xecäm na.

Nabe Ajawinelab 11:25

Xuban u c'ulel che ri Israel joropa' k'ij xc'asi' ri Salomon, are' c'u jun xucoj rib che u banic ri etzelal ri xuban ri Hadad, cäretzelaj c'u u wäch ri Israel. Je c'u wa' ri xuban che roquic che ajawinel pa Siriy.

Nabe Ajawinelab 2:17

Ri Adoniy xubij: “Catinbochi'j chi chatz'onoj che ri ajawinel Salomon chi chuya' ri Abisag ri aj sunem chwe che wixokil. Ri are' man cuk'il ta na chawe.”

Nabe Ajawinelab 2:22

“¿Jasche cätz'onoj la ri Abisag ri aj sunem che ri Adoniy?” xcha' ri ajawinel che ri u nan. ¡Xuwi chic cäraj chi cätz'onoj la chwe chi quinjach ri ajawibal pa u k'ab, rumal rech chi are' wachalal ri nabeal, xukuje' chi are' jun ri cojol tabal tok'ob Abiatar ruc', xukuje' ri Joab ri ral ri Sarb!

Aj Levitib 18:8

Mawesaj u q'uixbal ri a tat, mawuc'aj ri rixokil.

Aj Levitib 20:11

We c'o jachin cäwar ruc' ri rixokil ri u tat, xresaj u q'uixbal ri u tat. Rumal ri' cäcämisax na ri achi xukuje' ri ixok, e are ajchak'mac che ri qui cämical.

Ri Zacariy 8:13

Je c'u ri' jacha' ri ix, ri ix aj judeyib xukuje' ri ix ri ix aj israelib, xixux can c'okobal chquixo'l ri niq'uiaj nimak tak tinimit chic, jeri' ri in camic quixinto'tajisaj na quinban c'u na chi quixux tewichibal. ¡Mixe'j iwib! ¡Chebicojo tak i chuk'ab!”

1 Corintios 5:1

Kastzij xtatajic chi c'o jun chiwe cuban macunic cuc' ixokib, c'o c'u ri rixokil ri u tat ruc'. Ri mac ri' mawi ne cäquiban ri man aj judeyib taj.

Nabe Samuel 13:4

Conojel ri aj israelib xquetamaj chi ri Saul xusachisaj qui wäch ri e qui chajinelab ri aj pilisteyib rumal c'u rech wa' ri aj pilisteyib cäquetzelaj qui wäch ri aj israelib. Je c'u ri' ri ajch'ojab xquimulij quib ruc' ri Saul pa Jilgal.

Nabe Samuel 27:12

Ri Aquix xujiquiba' u c'u'x chrij ri David, cuchomaj c'ut: “Ri David cätajin quetzelax u wäch rumal ri Israel, cacanaj c'u wa' che pataninel wech amak'el.”