Ucab Samuel 16:10 - Quiché Bible

¹⁰ Xutzelej c'ut u bixic ri ajawinel che: “We c'ulmatajic ri' man c'o ta iwech ix che, ral tak ri Sarb. We qui nu c'okoj, are' c'ut ri Ajawaxel takowinak che u banic. ¿Jachin ta c'u lo ri cuchajij ta anima' che u c'otic u chi' jasche je u chomam u banic wa?”

Ucab Samuel 16:10 ပူးပေါင်းရင်းမြစ်များ

Chapletajic 50:20

Ri ix xichomaj u banic jun c'ax chwe, ri Dios u q'uexom we c'ax ri' pa utzil che u banic ri cäkil camic: che u to'ic qui c'aslemal tinimit winak.

Ucab Samuel 19:22

Xutzelej c'ut u bixic ri David: “¡Man c'o ta iwe ix che wa', ral tak ri Sarb! ¿Jasche quik'atej nu wäch? Camic kas weta'm chi in ajawinel pa Israel, jeri' man c'o ta jun pa Israel cäcäm na chupam we k'ij ri'.”

Ucab Samuel 19:23

Xuch'abej c'ut ri Simeiy, xuban ri chi'nic ri kas cäban na che chi man cäcäm ta na.

Ucab Samuel 3:39

Rumal c'u ri' ri in, pune' in ri ajawinel ri cha'om rumal ri Dios, quinna' chi in tukar chuwäch ri nimalaj etzelal ri xquiban ri e ral ri Sarb. ¡Are' ri Ajawaxel chyo'w rajil u q'uexelal che jachin xbanow we etzelal ri'!”

Nabe Ajawinelab 17:18

Xubij c'ut ri malca'n che ri Eliy: “¿Jas wech in uc' la, achi ri pataninel rech ri Dios? ¿La lal petinak che u walijisaxic ri nu mac panuwi' cäban c'u la chi cacäm ri wal?”

Nabe Ajawinelab 2:5

Are c'u ri camic, at aweta'm chic ri xuban ri Joab chwe, ri ral ri Sarb, ri u bixic ri xuban chque ri quieb qui nimal ri cajch'ojab ri aj israelib: che ri Abner (u c'ojol ri Ner), xukuje' che ri Amas (u c'ojol ri Jeter), ri xebucämisaj, xutix c'u quic' re ch'o'j pa ri k'ijol re jamaril, xuya' c'u quic' re ch'o'j chupam ri c'olbal u ch'ab ri u jequem puwi' ri u teleb, xukuje' chque tak ri e u xajäb ri c'o chque ri rakan.

Ucab Ajawinelab 18:25

Xak c'u u wi' chic, ¿La are pa a c'u'x chi in petinak che u banic ch'o'j xukuje' che u sachisaxic u wäch we ulew ri' ri ma ta c'u are' ri Ajawaxel in takowinak ulok? ¡Are' xintakow che u banic ch'o'j ruc' ri Ezequiy xukuje' che u sachisaxic u wäch!’ ”

Ri Job 9:12

We cuban rech che jun jasach, ¿Jachin taj ri cacuinic cuch'a' che? ¿Jachin taj ri cacuinic cuta' ta che jas ri cätajin cubano?

Salmib 39:9

Xinban wib chi in mem, man xinjak ta ri nu chi', lal c'ut ri cätajin cäch'aw la.

Ri Tzijonel 8:4

Ri xubij ri ajawinel man c'o ta caq'uexowic, man c'o ta c'u jachin jun cacuinic cubij ta che chi chubij che jas ri cätajin cubano.

Juyuwem 3:37

Aretak c'o jas caya' u bixic, aretak c'o c'ulmatajinak are' c'ut ri Ajawaxel u takom u banic.

Ri Daniel 4:35

Chuwäch are' man nimak ta qui k'ij ri winak ri e c'o cho ri uwächulew, ri are', are cuban ri u rayibal, pa ri caj jacha' xukuje' cho ri uwächulew. Man c'o ta jachin jun ri cäcuinic cuk'atij ta u wäch ri u cuinem mawi c'o ta jun cuta' ta che jasche jewa' cubano.’

Ri Matey 16:23

Ri Jesus xutzolk'omij rib, xubij che ri Lu': “Chatel chnuwäch, Satanas. Quinaya' pa takchibal mac. Are c'u ri at man cachomaj ta ri e jastak re ri Dios, xane' ri jastak que ri winak.”

Ri Matey 8:29

Xquirak c'u qui chi', xquibij: “¿Jas awe chke, Jesus u C'ojol ri Dios? ¿La at petinak waral che u banic c'ax chke, c'ä majok curika' ri k'ijol?”

Ri Xuan 18:11

Xubij ri Jesus che ri Lu': “Chanima' ri a ch'ich' chupam ri rij. Ri kumubal re c'axc'olil ri u yo'm ri Tataxel chwe, ¿la ma ta quinkumuj na?”

Romanos 9:20

Are c'u ri at, winak, ¿At jachinok, chi catc'ulelan che ri Dios? ¿La cubij lo ri lak che ri xbanowic: “Jasche je nu banic wa' xabano?”

1 Pedro 2:23

Aretak xyok'ic, man xuya' ta rajil u q'uexel. Aretak xurik c'ax, man xubij ta chque ri winak chi cuban na c'ax chque. Xane' xujach ronojel pa u k'ab ri Dios, ri cuk'at tzij ruc' suq'uil.

Nabe Samuel 26:19

In quintz'onoj che la chi tatabej la we pataninel ech la ri': we are' ri Ajawaxel cojowinak la che u banic c'ax chwe, c'o ta banom wi chuc'amowaj ta jun sipanic; we xak are' ri achijab quebanowic, chec'okox ta rumal ri Ajawaxel. In quiq'uiakom c'u ulok camic che we ulew ri', ri rech ri Ajawaxel, ruc' wa' ri qui banom chwe quinquich'iquimij che qui patanixic jule' tak diosib chic.