Ucab Samuel 16:1 - Quiché Bible

¹ C'ä maja' c'u naj coc'ow ri David che ri u wi' ri juyub, aretak ri Sib ri u pataninel ri Mepi-boset, xel ulok che u c'ulaxic. E ruc'am ulok juc'ulaj bur ri cojom queka'bal quekam quieb sient (200) caxlanwa, jun sient caxlanwa re uva e rachilam q'uilim pasa, jun sient (100) qui wäch tak che' ri e re k'ijol xukuje' jun tz'um u wa'l uva.

Ucab Samuel 16:1 ပူးပေါင်းရင်းမြစ်များ

Ucab Samuel 15:30

Ri David xpaki' cho ri u Juyubal u Che'al Aseitun; cät'annaj ri quieb rakan cätajin cok'ic, u ch'ukum c'u ri u jolom che u c'utic ri c'axc'ol. Conojel ri winak ri e achilaninak xukuje' qui ch'ukum ri qui jolom, quepakic c'ut quebok'ic.

Ucab Samuel 15:32

Aretak xopan ri David puwi' ri juyub jawije' caya' wi k'ijilanic che ri Dios, xel ulok ri Husay ri aj arquit che u c'ulaxic, e u jixom ri ratz'iak xukuje' u yo'm ulew pa u jolom.

Ucab Samuel 19:17

Achilatal cumal jun mil achijab aj Benjamin. Xukuje', are' jun ri Sib, ri xpatanin can pa ri rachoch ri Saul, achilatal cumal ri olajuj u c'ojol xukuje' cumal ri juwinak pataninel tak rech, c'o chi apan chuchi' ri Jordan c'a majok chopan ri ajawinel.

Ucab Samuel 19:32

Sibalaj c'u nim winak chic, c'o chic jumuch' u junab (80), conojel ri k'ij ri xc'oji' ri ajawinel pa Mahanaim xuya' ronojel ri xajwataj che ri ajawinel, rumal chi sibalaj c'u k'inom.

Nabe Tzijobelil 12:40

Xukuje' tak c'ut ri e qui c'ulja, xukuje' ne ri e aj Isacar, Zabulon xukuje' ri Neptali, xequic'am bic qui wa chquij tak bur, camey, mulayib xukuje' wacax. Xequic'am bic ronojel u wäch ri cätijic chque: c'äj, lej que tak higo, pasa, u wa'l uva, aseit, ama'ib tak wacax xukuje' tak chij; ruc' tz'ebenic, rumal rech chi c'o nimalaj quicotemal pa Israel.

E C'ambal tak Tzij 18:16

Ruc' jun sipanic quejak conojel tak ri oquibal cäban c'u opanem chuwäch ri winak ri nim u banic.

Ri Jeremiy 40:10

In quincanaj canok pa Mizpa, che u cojic wib piwi' chquiwäch ri aj caldeyib aretak chepe waral. Ri ix chebic'olo' u wa'l uva, xukuje' ri qui wächinic tak ri ulew xukuje' aseit, je c'u ri' cuya' quixcanaj can chquipam tak ri tinimit ri e i majim.”

Ri Jeremiy 40:12

Conojel c'ut ri aj judeyib ri qui jabum tak quib pa jalan tak c'olbal xetzelej pa Juda xebe qui tac'aba' tak quib chuwäch ri Jedaliy pa Mizpa. Xukuje' ri e are' xequic'olo' u wa'l uva xukuje' ri qui wächinic tak ri ulew pa nimak tak mulaj.

Ri Amos 8:1

Are wa' xuc'ut ri Dios ri Ajawaxel chnuwäch: C'o jun chicäch chak' tak qui wäch che',

Ri Miquey 7:1

¡Tok'ob nu wäch! In jacha' banal pich'ol aretak cäyactaj ri u wäch ulew, man quenrik ta chi uva mawi higo, we wächinic tak ri' ri are ta quinwaj quebentijo.

Nabe Samuel 10:3

Catbin chi apan jubik', aretak catopan ruc' ri bakit ri c'o pa Tabor, quebac'ulaj na oxib achijab ri cätajin quepaki' pa Betel che u k'ijlaxic ri Dios. Jun e ruc'am bic oxib ama'ib tak q'uisic', ri jun chic oxib caxlanwa, ri urox jun tz'um u wa'l uva.

Nabe Samuel 16:20

ri Isayi xutak bic ri David ri u c'ojol rech cabe cho rachoch ri Saul. Ri Isayi xutak bic che ri Saul jun bur rekam caxlanwa, jun tz'um u wa'l uva xukuje' jun alaj q'uisic'.

Nabe Samuel 25:18

Aninak xwalij ri Abigail xebuc'am quieb sient (200) caxlanwa, quieb tz'um u wa'l uva, job bolom chij, oxib arob pol, jun sient (100) lej re uva re pasa, quieb sient (200) lej re chaki'j higo; ronojel wa' xuya' chquij bur ri xec'amow bic,