Ucab Samuel 15:18 - Quiché Bible

¹⁸ Conojel c'u ri e c'o chuxe' ri u takanic xquicholajij quib pa tak uxcut, e are' tak c'ut ri sereteyib xukuje' ri peleteyib ri e chajinelab che ri rachoch ri ajawinel, xukuje' ri wakib sient (600) jeteyib ri xeteri ulok chrij kas pa Gat, quicholajim quib e nabejinak chuwäch.

Ucab Samuel 15:18 ပူးပေါင်းရင်းမြစ်များ

Ucab Samuel 15:17

Aretak c'u elinak chi ulok ri ajawinel xukuje' conojel ri e achilaninak, xetac'al c'u c'a tza'm ja jawije' c'o wi ri q'uisbal ja.

Ucab Samuel 18:2

Xutak c'u bic jun qui roxil ri banal ch'o'j chuxe' ri u takanic ri Joab, jun chic qui roxil xutak bic chuxe' ri u takanic ri Abisay, ral ri Sarb ri xukuje' rachalal ri Joab, ri jun qui roxil chic chuxe' ri u takanic ri Itay, ri quel pa Gat. Xubij c'u chque conojel ri ajch'ojab: “Ri in quinbe na iwuc' pa ri ch'o'j.”

Ucab Samuel 20:23

Ri Joab are xcanaj che takanel paquiwi' conojel ri ajch'ojab aj Israel, are c'u ri Benaiy, ri u c'ojol ri Joiad, are cätakan paquiwi' ri chajinelab aj sereteyib xukuje' ri aj peleteyib.

Ucab Samuel 20:7

Ri rachijab ri Joab, xecachilaj ri aj sereteyib xukuje' ri aj peleteyib ri e chajil tak rech ri ajawinel, xukuje' ri ajch'ojab ri sibalaj c'o na qui chuk'ab, xebel bic pa Jerusalen xc'am qui be rumal ri Abisay, che u rikic ri Seba.

Ucab Samuel 6:10

Rumal c'u rech chi man xraj ta chic xuc'am ta bic ri u caxa ri Ajawaxel pa ri u tinimit ri David, xuya' takanic chi chc'am bic pa ri rachoch ri Obed-edom jun achi aj Gat.

Ucab Samuel 8:18

Are' c'u ri Benaiy, ri u c'ojol ri Joiad, are' c'o che takanel paquiwi' ri chajinelab aj sereteyib xukuje' ri aj peleteyib. Ri e u c'ojol ri David e cojol tabal tok'ob.

Nabe Ajawinelab 1:38

Ri cojol tabal tok'ob ri Sadoc, ri Natan, ri k'axal tzij, ri Benaiy, u c'ojol ri Joiad, ri aj sereteyib xukuje' ri aj peleteyib xebec, xquiya' bic ri Salomon chrij ri u mula ri ajawinel David, xquic'am c'u bic pa Jihon.

Nabe Tzijobelil 18:17

xukuje' ri Benaiy, u c'ojol ri Joiad, c'o che qui nimal ri chajinelab aj sereteyib xukuje' peleteyib. Ri e u c'ojol ri David e are' ri e nimak tak to'l rech.

Nabe Samuel 23:13

Ri David xukuje' ri rachijab, ri craj e wakib sient (600), xebel bic pa Keil xquitok' qui be man q'uiakal taj ri xebe wi. Aretak c'u xopan u bixic ruc' ri Saul chi ri David xel bic pa Keil, man c'o ta chi jas xuban che u rikic.

Nabe Samuel 25:13

Xuya' c'u takanic ri David chque ri achijab ri e c'o ruc', xubij chque: “Iwonojel chebiwuc'aj ri e i ch'ojibal.” Ri rachijab xquixequeba' ri quik'ok'ebal xe' qui pam, jas ri xuban ri David; quiejeb sient (400) c'ut ri achijab ri xebe ruc', xecanaj can ri quieb sient (200) che qui chajixic ri jastak quech.

Nabe Samuel 27:3

Ri David xukuje' ri achijab ri e c'o ruc' xejeki' pa Gat, ruc' ri Aquix, chquijujunal cuc' ri quixokil ri calc'ual. Ri David xebuc'am bic ri quieb rixokil: ri Ahinoam ri quel pa Jezreel, xukuje' ri Abigail, ri u malca'n ri Nabal, ri quel pa Carmel.

Nabe Samuel 27:4

Aretak xretamaj ri Saul chi ri David xanimajic xbe pa Gat, xutanaba' u tzucuxic.

Nabe Samuel 30:1

Churox k'ij, ri David xukuje' tak ri rachijab xebopan pa Siclag, xequirika' chi ri aj amalesib xeboc pa ri Negueb xquiban c'ax che ri Siclag, xquic'äjij, xquinicowisaj.

Nabe Samuel 30:14

xujbe' che u banic eläk' pa ri u mox ri culew ri aj sereteyib, pa ri culew ri aj Juda, xukuje' pa ri rulew ri Caleb. Xukuje' xkat'ik c'u k'ak' che ri Siclag.”

Nabe Samuel 30:9

Man xubey ta rib ri David chanim xutakej u be xebuc'am bic ri wakib sient (600) achijab ri e achilaninak, xebopan c'u chuchi' ri nima' ri c'o pa Besor.