Ucab Samuel 14:9 - Quiché Bible

⁹ Ri ixok xutzelej u bixixic che: “Wajawinel xukuje' wajaw, we c'u ne c'o jachin cäkajben ri sachinakil pakawi' chkaj wi, ri in xukuje' paquiwi' ri cachalaxic ri nu tat, ma ta c'u lal cäkajben la mawi ri ajawibal la.”

Ucab Samuel 14:9 ပူးပေါင်းရင်းမြစ်များ

Chapletajic 27:13

Xubij c'u ri u nan che: “Chkaj ta ba' we c'okonic ri' panuwi' in. Jät ba', chabana' ri quinbij chawe, jebac'ama' ulok ri alaj tak q'uisic'.”

Chapletajic 43:9

In quintaq'ui' puwi' ri Benjamin we c'o jas cuc'ulmaj in ri' ri in ajchak'mac. We man quilentzelej che la, in quincanaj ajchak'mac chwäch la chbe k'ij sak.

Ucab Samuel 14:10

Xutzelej c'u u bixic ri ajawinel: “Apachin ta ne ri cacojow a xib, chac'ama' ulok chnuwäch, mawi c'u jumul chubana' chi c'ax chawe.”

Ucab Samuel 14:8

Xutzelej c'u u bixic ri ajawinel che ri ixok: “Jät cho awachoch quinya' c'u na takanic rech catto'ic.”

Nabe Ajawinelab 2:33

Ri macaj rech ri u cämical cäkaj na puwi' ri Joab xukuje' puwi' ri rija'lil man c'o ta relic. Are c'u ri u jamaril ri Ajawaxel cäc'oji' na puwi' ri David xukuje' puwi' ri rija'lil, xukuje' puwi' ri rija'lil aj ajawinelab ri cät'uyi na puwi' ri u tem re ajawibal.”

Ajilanic 35:33

Miwawasij ri ulew ri quixxejekel wi na cuc' tak cämisanic, ri cämisanic cärawasij ri ulew man c'o ta c'u jas caya' ta che u q'uexwäch ri cämisanel we ta ma ta are ri u cämisaxic ri xbanow ri cämisanic.

Ri Matey 27:25

Conojel ri winak je xquibij wa': “¡Chkaj ri u quiq'uel pakawi' uj xukuje' paquiwi' ri kalc'ual!”

Nabe Samuel 25:24

Xutzak rib chuwäch, xubij c'u che: “Chi ri chak'maquil, wajaw, chkaj panuwi'. Quintz'onoj jun tok'ob che la chi chintzijon ta' na jubik' uc' la, ta' na la ri quinbij na che la.