Ucab Samuel 14:21 - Quiché Bible

²¹ Rumal c'u rech ri xebix che, ri ajawinel xubij che ri Joab: “Ampe' xchomataj u banic wa' wumal. Jät chabana' chi cätzelej ulok ri u c'ojol Absalon.”

Ucab Samuel 14:21 ပူးပေါင်းရင်းမြစ်များ

Ucab Samuel 14:11

Ri ixok xutakej u bixic: “¡Quinbochi'n che la chi tz'onoj la che ri Ajawaxel ri Dios la, rech ri achalaxic ri are cäraj cuban rajil u q'uexel ruc' ri u cämisaxic ri wal munimatajisaj ri u sachic wächaj ruc' ri u cämisaxic ri jun wal chic!” Ri ajawinel xujiquiba' u bixic: “¡Quinban na ri chi'nic ri kas cäban na chawe rumal ri Ajawaxel chi man cätzak ta na cho ri ulew mawi jun u wi' ri u jolom ri awal!”

Ucab Samuel 14:22

Xumej c'u rib ri Joab c'a xuya' na ri u palaj cho ri ulew che u c'utic chi nim caril wi, xutewichi'j ri ajawinel xubij c'u che: “Camic xincuin che rilic chi lal c'o panuwi', banom c'u ya' la ri no'j ri u yo'm u bixic we pataninel ech la ri' che la.”

Marcos 6:26

Ri ajawinel sibalaj xbisonic, rumal c'u ri e u chi'nic ri kas queban na chquiwäch ri e c'o ruc' pa ri mexa, man xuya' ta c'ut xuk'il ta rib che ri xtz'onox che.

Nabe Samuel 14:39

Ri chi'nic ri kas cäban na quincha' pa ri u bi' ri Ajawaxel, ri colol rech ri Israel, chi pune' are' xbanow ri nu c'ojol Jonatan, cäcäm na.” Man c'o ta jun ajch'o'j c'o ta jas xutzelej u bixic che: