Ucab Samuel 14:19 - Quiché Bible

¹⁹ Xc'ot c'u u chi' rumal ri ajawinel: “¿La ma ta kastzij chi are' ri Joab xatunim pa ronojel wa'?” Ri ixok xutzelej u bixic: “Quinban na ri chi'nic ri kas cäban na pa ri bi' la, man c'o ta jun jasach ri ma ta sibalaj kastzij chuwäch ri bim la. Kas jewa', ri Joab ri c'o chuxe' ri takanic la, are' xintakowic chi quinpetic, kas are c'u xbin ulok chwe ronojel ri quelenbij na.

Ucab Samuel 14:19 ပူးပေါင်းရင်းမြစ်များ

Ucab Samuel 11:11

Ri Uriy xutzelej u bixic che: “Ri tastalicalaj caxa jacha' xukuje' ri ajch'ojab aj Israel xukuje' ri aj juda quewar pa tak cäbal re qui k'ab tak che'; ri Joab ri in c'o chuxe' ri u takanic, xukuje' ri e ajch'ojab la, quewar cho ri räxk'ab; are c'u ri in, ¿La quinoc ta chupam ri wachoch rech quinewokok quineuq'uianok quinek'oyol ta c'u ruc' ri wixokil? ¡Kas chwäch la ri in man cuyataj quinban we jasach ri'!”

Ucab Samuel 14:18

Ri ajawinel xutzelej u bix che ri ixok: “Quintz'onoj jun tok'ob chawe chi man c'o ta jas cac'u' che ri quinc'ot wi a chi'.” “Chch'aw la” xcha' ri ixok.

Ucab Samuel 14:3

Chatoc c'u chuwäch ri ajawinel jas c'ut ri quinbij bic chawe je u bixic chabana'.”

Ucab Samuel 18:13

Jun jasach chic, we ta xinban we jasach ri' xak ta lok' ri', rumal rech chi man c'o ta jun jasach ri cac'utaj ta chuwäch ri ajawinel, ri at man c'o ta c'u cabana' ri' che nu to'ic.”

Ucab Samuel 3:27

Aretak xopan ri Abner pa Hebron, ri Joab xuc'am bic chuwäch ri roquibal ri tinimit, rech xa u tuquiel cätzijon ruc' xucoj c'u jun ch'ich' re ch'o'j chupam che u cämisaxic, che u tojic u q'uexel ri u cämisaxic ri Asael ri rachalal.

Ucab Samuel 3:29

¡Chkaj ri macaj puwi' ri Joab xukuje' paquiwi' ri rachalaxic, amak'el ta c'ut c'o ta jachin jun chquixo'l ri curik ta re ri yabil re ja'nic, chuwilaj ch'a'c, o ch'ocojil, o xa' chcämisaxok, o chucoch'o wi'jal!”

Ucab Samuel 3:34

man e ximital ta c'u ya ri e a k'ab mawi e cojom tikom tak ch'ich' chque ri e awakan? ¡At cäminak jacha' ri cacäm pa qui k'ab itzel tak winak!” Xukuje' ri winak xquitakej rok'exic.

Ucab Ajawinelab 2:2

Ri Eliy xubij che ri Elisey: “Chatcanaj can waral, in u takom c'u bic ri Ajawaxel pa Betel.” Are c'u ri Elisey xutzelej u bixic che: “Quinban na ri chi'nic ri kas cäban na, quincha' rumal ri Ajawaxel, xukuje' umal la, chi man quintas ta wib che la.” Quicabichal c'ut junam xebe pa Betel.

Elem 4:15

Chattzijon ruc', chak'alajisaj chuwäch ri awachalal ronojel ri rajawaxic ri cubij na, ri in, pa wech wi, quinc'oji' na ruc' xukuje' awuc' at aretak quixch'awic, quinbij na chiwe ri quibano.

E C'ambal tak Tzij 25:2

U juluwem ri Dios wa' chi e c'o rawatalic, yabal c'u qui k'ij ri ajawinelab qui ch'obic wa' aretak quecuin che qui ch'obic.

E C'ambal tak Tzij 4:27

Majuluch'ij ri a be; chak'ila' awib che qui ya'ic ri itzel tak u xo'l awakan.

Ajilanic 20:17

Cäkatz'onoj chawe chi chaya' c'olbal chke chi cujoc'ow chupam ri awulew. Man cujoc'ow ta paquiwi' tak ri e a tico'n mawi paquiwi' tak ri e a uva, mawi quekakumuj ri ja' ri c'o chquipam tak ri e a c'ua'. Are' cäkatakej na ri nim be, man c'u cujel ta na chupam c'ä cujoc'ow na chupam ri awulew.’ ”

Ri Lucax 21:15

In quinyo'w na i tzij, in quinyo'w i no'j. Jeri' chi ri e i c'ulel man cäquirik taj jas cäquibij chiwe, man quech'äcan taj.

U Camulixic ri Pixab 28:14

man quebatzak ta canok rumal ri qui ternexic niq'uiaj diosib chic ri quebak'ijilaj c'ut.”

U Camulixic ri Pixab 5:32

Chixoc ba che u banic ronojel ri ix u takom wi ri Ajawaxel ri i Dios, mawi jubik' mitas iwib chrij.

Ri Josue 1:7

xuwi wa' ri quintz'onoj chawe chi sibalaj chachajij anima' xukuje' co chattac'alok, chatz'akatisaj c'u ronojel ri cubij ri pixab ri xuya' ri Moises ri pataninel wech chawe. Je chabana' jas ri tz'ibatalic rech utz quel na ronojel ri cabano.

Nabe Samuel 1:26

Xubij c'u ri Na' che: “Sachala' nu mac, tat, sibalaj c'u kastzij jacha' ri lal c'aslic, in c'u ri' ri ixok ri naj xinbeytaj che u banic ch'awem ruc' Dios waral, chi nakaj la.

Nabe Samuel 17:55

Ri Saul u c'otom chi c'u u chi' ri Abner, ri quinimal ajch'ojab, aretak xrilo chi benak ri David che u c'ulaxic ri pilistey xubij che: “Abner, ¿jachin ri u tat wa' we ala ri'?”

Nabe Samuel 20:3

Xutakej c'u u bixic ri David: “Ri a tat kas reta'm chi quel a c'u'x chwe, man craj ta c'u ri' chi cawetamaj rech man cäpe ta awoyowal. ¡Quinban ri chi'nic ri kas cäban na quincha' chawe pa ri u bi' ri Ajawaxel xukuje' pa ri a bi' at chi man cäbeytaj taj ri nu cämisaxic!”

Nabe Samuel 25:26

Kas c'u tzij man xuya' taj ri Ajawaxel che la chi cäpe la che u tixic quic' caya' ta c'u la ri rajil q'uexel rumal ri k'ab la. ¡Chraj ta ba' ri Ajawaxel chi conojel ri c'ulel la, xukuje' conojel ri caquitzucuj u banic c'ax che la junam ta chquitaklebej jas ri cutaklebej ri Nabal!