Ucab Samuel 14:16 - Quiché Bible

¹⁶ We c'u ri lal quel c'u'x la chwe, quinto'tajisaj c'u la pa u k'ab apachin ta ne ri cäraj cusachisaj ka wäch, ri in xukuje' ri wal, cho we uwächulew ri' ri rech ri Dios.

Ucab Samuel 14:16 ပူးပေါင်းရင်းမြစ်များ

Ucab Samuel 14:15

Je c'u ri', we in petinak che u bixic wa' che la, wajaw, rumal rech chi ri winak xquicoj nu xib. Rumal ri' xuya' u tzij we pataninel ech la ri' xpe che u bixic che la, cäraj c'u ne ri lal cänimaj la u banic ri nu tz'onon.

Ucab Samuel 20:19

Ri ka tinimit sibalaj aj jamaril na ri sibalaj jic chquixo'l ri aj Israel, ¡jun chque ri sibalaj nim u k'ij! Are c'u ri lal, cätajin catij la u tuquixic. ¿Jasche caj la catuquij la ri rech ri Ajawaxel?”

Salmib 72:12

Are' c'u cäyo'w na ri to'banic che ri meba' ri cätz'ononic, xukuje' ri c'o u rajawaxic ri man c'o ta jachin cabanow tok'ob che u to'ic.

E C'ambal tak Tzij 16:10

Ri ajawinel are cubij ri cäbix che rumal ri Dios, man cuban ta jun k'atan tzij ri ma ta suc'.

U Camulixic ri Pixab 32:9

ri rechbal ri Ajawaxel, ri winak ri e rech, are ri u tinimit ri Jacob.

Nabe Samuel 26:19

In quintz'onoj che la chi tatabej la we pataninel ech la ri': we are' ri Ajawaxel cojowinak la che u banic c'ax chwe, c'o ta banom wi chuc'amowaj ta jun sipanic; we xak are' ri achijab quebanowic, chec'okox ta rumal ri Ajawaxel. In quiq'uiakom c'u ulok camic che we ulew ri', ri rech ri Ajawaxel, ruc' wa' ri qui banom chwe quinquich'iquimij che qui patanixic jule' tak diosib chic.