Ucab Samuel 14:11 - Quiché Bible

¹¹ Ri ixok xutakej u bixic: “¡Quinbochi'n che la chi tz'onoj la che ri Ajawaxel ri Dios la, rech ri achalaxic ri are cäraj cuban rajil u q'uexel ruc' ri u cämisaxic ri wal munimatajisaj ri u sachic wächaj ruc' ri u cämisaxic ri jun wal chic!” Ri ajawinel xujiquiba' u bixic: “¡Quinban na ri chi'nic ri kas cäban na chawe rumal ri Ajawaxel chi man cätzak ta na cho ri ulew mawi jun u wi' ri u jolom ri awal!”

Ucab Samuel 14:11 ပူးပေါင်းရင်းမြစ်များ

Chapletajic 14:22

Ri Abram xubij che ri ajawinel re Sodom: “Xinban ri chi'nic ri kas cäban na in chokinak chuwäch ri Ajawaxel, chi ri Dios aj chicaj ri xbanow ri caj ulew,

Chapletajic 31:50

We cäban c'ax chque ri nu mia'l o we catc'uli' chi cuc' niq'uiaj ixokib pune' e c'o ri nu mia'l awuc', pune' man c'o jun cujilowic, ri Dios kas are' cujilowic.”

Ucab Samuel 14:10

Xutzelej c'u u bixic ri ajawinel: “Apachin ta ne ri cacojow a xib, chac'ama' ulok chnuwäch, mawi c'u jumul chubana' chi c'ax chawe.”

Ucab Samuel 14:12

Ri ixok xutakej c'u u bixic: “Chya' ta ba' la chi we pataninel ech la ri' chi chubij ta chi na xa jun tzij chic.” “Chatch'awok” xcha' ri ajawinel.

Ucab Samuel 14:21

Rumal c'u rech ri xebix che, ri ajawinel xubij che ri Joab: “Ampe' xchomataj u banic wa' wumal. Jät chabana' chi cätzelej ulok ri u c'ojol Absalon.”

Nabe Ajawinelab 1:52

Ri Salomon xutzelej u bixic: “We utzalaj ruc'axic ri u c'aslemal cubano jacha' jun utzalaj achi, man c'o ta jun wi'aj re ri u jolom catzak na cho ri ulew. We c'u c'o jun etzelal cäriktaj pa ri u c'aslemal, cacämisax na.”

Ri Jeremiy 4:2

c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ajilanic 35:19

Ri rachalal ri cäminak ri nakaj na che are' cäcämisan na ri cämisanel aretak curiko.

Ajilanic 35:21

o rumal c'ulelam ib cuch'ay cuc' tak ri e u k'ab, cäcäm c'ut ri winak, ri ajchak'mac cäc'okox na che cämical cämisanel c'u wa'. Ri rachalal ri cäminak ri nakaj na che are' cacämisan na ri cämisanel aretak curiko.

Ajilanic 35:27

ri rachalal ri xcämisaxic man c'o ta jun il cäkaj ta puwi' we curik chrij cucämisaj ta c'ut.

Ri Matey 10:30

E ta c'u lo ri ix, conojel ri i wi' e ajilatalic.

Hechos 27:34

Rumal ri' quinbochi'n chech alak chc'ama' ech alak ri wa, rech cacolotaj alak. Man c'o ta c'u jun chech alak cätzak na jun u wi'.”

Nabe Samuel 14:45

Are c'u ri tinimit xutzelej u bixic che ri Saul xubij: “¿Jas ta che cäcäm ri Jonatan, u yo'm c'u jun nimalaj ch'äcanic che ri Israel? ¡Man cäban ta wa'! ¡Pa ri u bi' ri Ajawaxel, man cätzak ta na jun wi'aj re ri u jolom cho ri ulew! Rumal rech chi ri u banom camic u banom rumal ri u to'banic ri Dios.” Je xuban wa' ri tinimit rech cäcolotaj ri Jonatan rech man cäcäm taj.

Nabe Samuel 20:42

Xubij ri Jonatan che ri David: “Jät c'o mabisoj, are c'u ri chi'nic ri kas cäban na ri kabin ka cabichal ka banom pa ri u bi' ri Ajawaxel, ka bim c'ut chi chc'ol amak'el chkaxo'l ka cabichal xukuje' kas chquixo'l ri awija'lil cuc' xukuje' ri wech in.” Aretak c'u xbitaj wa' cumal, ri David xutakej u be, are' c'u ri Jonatan xtzelej pa ri tinimit.

Nabe Samuel 28:10

Ri Saul xuban ri chi'nic ri kas cäban na pa ri u bi' ri Ajawaxel, xubij che: “Quinban ri chi'nic ri kas cäban na pa ri u bi' ri Ajawaxel chi man c'o ta jun c'ax cac'ulmaj na rumal wa'.”