Ucab Samuel 12:9 - Quiché Bible

⁹ ¿Jasche man nim ta xawil wi ri nu tzij, xaban c'ut ri man cakaj ta chi nu wäch? A cämisam c'ut ri Uriy ri aj hitit, are c'u xebacoj ri aj amonib che u cämisixic, awechbem c'ut ri rixokil.

Ucab Samuel 12:9 ပူးပေါင်းရင်းမြစ်များ

Ucab Samuel 11:4

Ri David xebutak u bic jujun tako'n che u c'amic ulok xk'oyi' c'u ruc', xtzelej c'ut ri ixok cho rachoch. We ixok ri' c'äte u xujosk'ij rib che ri u yabilal chi ic'.

Ucab Samuel 12:10

Xawetzelaj c'u nu wäch aretak xatokij ri rixokil ri Uriy ri aj hitit rech xaban awixokil che, mawi c'u jubik' cätastaj ri u banic ri etzelal pa ri awachoch.

Ucab Samuel 16:7

ri Simeiy cätajin cuc'okoj je cubij wa: “¡Chatelubic waral, ajmac cämisanel!

Nabe Ajawinelab 15:5

ri David utz xbinic xya' c'u u k'ij rumal ri Ajawaxel, mawi jubik' xutas ta rib che u nimaxic u banic ri xtakan wi ri Ajawaxel, xuwi ri etzelal ri xuban che ri Uriy ri aj hitit.

Nabe Ajawinelab 21:19

Cabij che: ‘Jewa' cubij ri Ajawaxel: rumal rech chi xacämisaj ri Nabot xatokij c'ut ri rech, kas pa ri c'olbal jawije' ri xquirik' wi ri tz'i' ri u quiq'uel, chila' caquirik' wi na xukuje' ri awech at.’ ”

Ucab Tzijobelil 33:6

Xebuporoj c'u ne tak ri e u c'ojol che tabal tok'ob pa ri beya' re Ben-hinom, xuchacuj rech ri qui ch'abexic tak ri itzel tak uxlabal ri u banic ch'obonic xukuje' ri subunic, xujekeba' ri aj itzel uxlabal xukuje' ri itzinic. Sibalaj e itzel tak ri e u banoj chuwäch ri Ajawaxel, ri xuq'uis retzelaxic rib chuwäch.

Salmib 51:14

Mintzokopij la che qui banic cämisanic, nu Dios, Dios re ri nu colotajic, quinwesaj c'u na tzijol la cuc' tak bix chi lal suc'.

Salmib 51:16

Ri lal man quebaj ta la tak sipanic mawi tabal tak tok'ob ri quechajirisaxic; in quebenya' ta ri' che la, man e are ta c'u wa' ri quekaj ta chwäch la.

Salmib 51:4

Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.

Salmib 90:8

Ri ka mac xukuje' ri ketzelal e liq'uin chwäch la.

E C'ambal tak Tzij 14:2

Ri colom ri u c'aslemal cuya' u k'ij ri Ajawaxel; ri jech' ri u c'aslemal cäretzelaj u wäch.

Ri Isaiy 5:24

Rumal ri', jacha' ri k'ak' ri cuporoj ri pajo, xukuje' ri rak' k'ak' cuchajirisaj ri chaki'j tak u xak che', jewa' xukuje' ri u sachic i wäch, jacha' ri tico'n ri cäk'ay ri qui rab, cätuquin ri qui cotz'ijal jacha' ri puc'uc' ulew. Rumal rech chi man nim ta xiwil wi ri u tijonic xukuje' ri u takanic ri Ajawaxel ri c'o ronojel u cuinem, ri Tastalicalaj u Dios ri Israel.

Ri Jeremiy 18:10

We c'u ne we nim tinimit ri' cuban ri etzelal man coc ta c'u il che u banic ri nu bim che, man quebentak ta chi c'u ulok tak ri utzil ri nu suc'umam u takic che.

Ri Amos 2:4

Jewa' cubij ri Ajawaxel: “Ri e aj Juda e q'ui tak etzelal e qui banom ri man quebenya' ta canok chi ma ta chinc'äjisaj qui wäch; xequixutuj c'ut tak ri e u tijonic ri Ajawaxel man xequimaj ta c'ut ri e qui banic tak ri e u pixab, xane' are' xequik'ijilaj tak ri e junam diosib ri xequik'ijilaj canok ri e qui tat.

Nabe Samuel 15:19

¿Jasche man xebanimaj taj ri e u takanic, xbe c'u awanima' ruc' ri xtokix che ri c'ulel, xaban c'u ri etzelal chuwäch ri Ajawaxel?”

Nabe Samuel 15:23

Sibalaj cämacun ri man cäniman ta che jacha' ri cuban ch'obonic; cäjunamataj ruc' ri quebuk'ijilaj tak diosib, are je u banic wa' ri man cäniman ta che. Rumal c'u rech chi e apakchi'm ri e u takanic are c'u ri are at u pakchi'm jacha' ajawinel.”

Nabe Samuel 15:26

“Man quintzelej ta awuc',” xcha' ri Samuel che ri Saul, “rumal rech chi ri at apakchi'm ri u takanic ri Ajawaxel, ri are' xukuje' at catupakchi'j c'ut ri are jacha' rajawinel ri Israel.”