Ucab Samuel 11:16 - Quiché Bible

¹⁶ Je c'u wa' xbanic, aretak ri Joab xusutij rij ri tinimit che u ch'äquic, xucoj ri Uriy pa ri c'olbal ri reta'm chi chila' e c'o wi ri cowilaj tak cajch'ojab ri e c'ulel,

Ucab Samuel 11:16 ပူးပေါင်းရင်းမြစ်များ

Ucab Samuel 11:15

Ri cubij ri wuj: “Are chi nabejisaj ri Uriy chquiwäch ri banal tak ch'o'j, jawije' ri nimatajinak wi ri ch'o'j, chiya' can u tuquiel rech cäsoquic cäcäm c'ut.”

Ucab Samuel 11:17

pa jun jok'otaj c'ut xebel ulok ri e to'l tak u wi' ri tinimit che u tijic qui chuk'ab ruc' ri Joab, xecämisax c'u jujun chque ri e qui nimal rajch'ojab ri David, are c'u jun ri Uriy chquixo'l.

Ucab Samuel 11:21

junam jas ri xban pa Tebes xa jun ixok xcämisam ri Abimelec, ri u c'ojol ri Jerobaal, xuq'uiak' c'u ulok jun ca' kas puwi' ri u tapia ri tinimit? ¿Jas c'u che sibalaj xixkeb chuxe' ri tapia we cächa' chawe?’ Catzelej c'u u bixic che: ‘Xukuje' xcäm ri Uriy ri aj hitit, ri qui nimal ri e ajch'ojab la catcha' che.’ ”

Ucab Samuel 3:27

Aretak xopan ri Abner pa Hebron, ri Joab xuc'am bic chuwäch ri roquibal ri tinimit, rech xa u tuquiel cätzijon ruc' xucoj c'u jun ch'ich' re ch'o'j chupam che u cämisaxic, che u tojic u q'uexel ri u cämisaxic ri Asael ri rachalal.

Nabe Ajawinelab 2:5

Are c'u ri camic, at aweta'm chic ri xuban ri Joab chwe, ri ral ri Sarb, ri u bixic ri xuban chque ri quieb qui nimal ri cajch'ojab ri aj israelib: che ri Abner (u c'ojol ri Ner), xukuje' che ri Amas (u c'ojol ri Jeter), ri xebucämisaj, xutix c'u quic' re ch'o'j pa ri k'ijol re jamaril, xuya' c'u quic' re ch'o'j chupam ri c'olbal u ch'ab ri u jequem puwi' ri u teleb, xukuje' chque tak ri e u xajäb ri c'o chque ri rakan.

Ucab Ajawinelab 10:6

Ri Jehu xebutz'ibaj chi bic chucamul je xubij bic wa': “We ri ix junam i wäch wuc' we c'u qui nimaj tak ri e nu takanic, chebic'ama' ulok ri qui jolom ri e u c'ojol ri iwajaw, je tak c'u wa' chwek chixpet che wilic pa Jezreel.” Ri oxc'al lajuj u c'ojol ri ajawinel e jachom chquixo'l ri winak ri nimak qui k'ij ri e c'o pa ri tinimit, ri e qui q'uiyisam,

E C'ambal tak Tzij 29:12

Ri k'atal tzij ri quebuc'ulaj ri banoj tzij quebuchuwirisaj conojel ri pataninel tak rech.

Ri Osey 5:11

Ri Eprain mejmobinak, c'o c'äjisabal wächaj puwi', u mac rech ri benam chquij ri e subunelab tak diosib.

Hechos 5:29

Ri Lu' xukuje' ri niq'uiaj takomxenlab chic xquitzelej u bixic: “Rajawaxic chke chi are nabe cäkanimaj ri cubij ri Dios chke man are ta c'ut ri cäquibij ri winak.