Ucab Samuel 10:9 - Quiché Bible

⁹ Aretak xril ri Joab chi quepe na ri c'ulel chuwäch xukuje' chrij, xebucha' ri cowilaj tak ajch'ojab chquixo'l ri aj israelib xquisuc'umaj c'u quib che qui ch'äquic ri aj siriyab.

Ucab Samuel 10:9 ပူးပေါင်းရင်းမြစ်များ

Ucab Samuel 10:10

Xebucojoxtaj c'ut ri niq'uiaj ajch'ojab chic chuxe' ri u takanic ri Abisay ri u chak', rech cäch'ojin cuc' ri aj amonib,

Ucab Samuel 10:8

Xebel c'u ulok ri aj amonib xquisuc'umaj quib che u banic ri ch'o'j chuchi' ri kas qui tinimit, e are c'u ri ajch'ojab aj siriyab ri e petinak pa Soba pa Rehob xukuje' ri e petinak pa Is-tob xukuje' pa Maac, xquimajij qui c'olbal pa ri juyub.

Ucab Samuel 18:2

Xutak c'u bic jun qui roxil ri banal ch'o'j chuxe' ri u takanic ri Joab, jun chic qui roxil xutak bic chuxe' ri u takanic ri Abisay, ral ri Sarb ri xukuje' rachalal ri Joab, ri jun qui roxil chic chuxe' ri u takanic ri Itay, ri quel pa Gat. Xubij c'u chque conojel ri ajch'ojab: “Ri in quinbe na iwuc' pa ri ch'o'j.”

Ucab Tzijobelil 13:14

Aretak xeca'y ri aj Juda chquij, xquich'obo chi caban ch'o'j chquiwäch xukuje' chquij. Chi' c'ut xquitz'onoj ri u to'banic ri Ajawaxel, e are c'ut ri e cojol tabal tok'ob xecok'esaj tak ri trompet.