Ucab Samuel 10:6 - Quiché Bible

⁶ Xquil c'u ri aj amonib chi xa xquetzelaj quib chuwäch ri David, rumal ri' ri aj amonib xequitoj juwinak mil (20,000) ajch'ojab aj siriyab ri quebel pa Bet-rehob xukuje' ri quebel pa Soba, xequitoj jun mil (1,000) achijab che ri ajawinel ri c'o pa Maac, xukuje' cablajuj mil (12,000) aj Is-tob.

Ucab Samuel 10:6 ပူးပေါင်းရင်းမြစ်များ

Chapletajic 34:30

Xubij c'u ri Jacob che ri Simeon xukuje' ri Levi: “Ri ix in i yo'm pa jun latz'. Ri winak aj waral, ri aj cananeyib, ri aj perezeyib, cäquetzelaj na nu wäch. Cäquimulij na quib chwij, cäquiq'uis na tzij panuwi', man e q'ui ta c'u ne ri achijab ri e c'o wuc', quinquicämisaj na junam cuc' conojel ri e c'o pa wachoch.”

Ucab Samuel 10:5

Aretak xretamaj ri David, xtakanic chi chebec'ulaxok, sibalaj c'u cätajin quel qui q'uixbal ri', xbix c'u chque chi checanaj pa Jerico queyej na caq'uiy ri quismachi' chila', c'äte c'u ri' cuya' quetzelej ulok.

Ucab Samuel 10:7

Aretak c'u xoc pa u jolom ri David xutak bic ri Joab xukuje' conojel ri e rajch'ojab.

Ucab Samuel 16:21

Ri Ahitopel xutzelej u bixic che ri Absalon: “Chatk'oyol cuc' ri man kas ta e rixokil ri a tat, ri xebuya' can che u chajixic ri rachoch. We je caban wa' conojel ri aj Israel caquich'ob c'u na chi at etzelatajinak chuwäch ri a tat, cäc'oji' c'u na chajin anima' cuc' conojel ri e k'axenak awuc'.”

Ucab Samuel 23:34

ri Elipelet, u c'ojol Ahasbay, u c'ojol ri Maac; ri Eliam, u c'ojol ri Ahitopel, ri quel pa Jil;

Ucab Samuel 8:12

Pa Edom, pa Moab, pa Amon, cuc' ri pilisteyib, xukuje' cuc' ri aj amalesib, xukuje' ri resam pa ri ch'o'j ruc' ri Hadad-ezer, u c'ojol ri Rehob, ajawinel aj Soba.

Ucab Samuel 8:3

Ri David xukuje' xuch'äc ri Hadad-ezer, u c'ojol ri Rehob, are' c'u ajawinel wa' pa Soba, aretak benak wa' che u takexic ajawinic puwi' ri rulewal ri nima' Euprats.

Ucab Samuel 8:5

Aninak c'ut xebopan ri e aj siriyab ri e aj Damasc che u to'ic ri Hadad-ezer ajawinel aj Soba, xebuch'äc c'ut ri David ri aj siriyab, xebucämisaj juwinak quieb mil (22,000) chque.

Nabe Ajawinelab 11:24

E u mulin jujun achijab are' c'u qui nimal ri juk'at eläk'omab. Aretak ri David xebucämisaj winak pa Soba, ri Rezon xbe pa Damasc xucoj c'u rib chila' che ajawinel.

Ucab Ajawinelab 7:6

Are' c'u xbanow ri Ajawaxel chi ri ajch'ojab aj siriyab xquita' u pa cakan carwaj re ch'o'j, aj quiejab ajch'ojab; ri aj siriyab xquichomaj c'ut chi ri ajawinel pa Israel xebutoj tak ri cajawinelab ri aj hititib xukuje' tak ri cajawinelab ri aj ejiptib, rech quech'ojin cuc'.

Salmib 48:4

Ri ajawinelab xquimulij quib junam xebe chrij che u ch'äquic;

Elem 5:21

xquibij c'u chque: “Chrila' ri Ajawaxel ri i banom chke, xukuje' chuc'äjisaj i wäch. Ix ri ix ajchak'mac chi ri ajawinel e rachil ri e u takanelab itzel cujquilo. Kas ix ix yowinak ri ch'ich' re ch'o'j pa u k'ab che ka cämisaxic.”

E C'ambal tak Tzij 25:8

mebac'am bic pa tak ri k'atbal tzij, we ne c'o chic jun k'alajisanel ri cäcuinic cubij chi man kastzij taj ri cabij chuq'uisbalil c'ut man cach'ob ta chic jas cabano.

Ri Jeremiy 40:8

xebe pa Mizpa xequic'am bic ri winak ri e c'o cuc', che rilic ri Jedaliy. C'o c'ut chquixo'l: ri Ismael, u c'ojol ri Netaniy; ri Joanan xukuje' ri Jonatan, e u c'ojol ri Carey; ri Seariy, u c'ojol ri Tanumet; ri e u c'ojol ri Epay aj Netop; ri Jezaniy, u c'ojol jun achi aj Maacat, xukuje' tak ri rachijab.

Ri Jeremiy 46:21

Ri e rajch'ojab ri xa' e u mocom e jacha' alaj tak ama'ib wacax ri quek'onk'otic, xukuje' c'u ne ri e are' quebanimajic man quecuin ta c'ut co ta caquitac'aba' quib, opaninak c'ut ri k'ij re ri u sachisaxic qui wäch, ri k'ijol re ri u c'äjisaxic qui wäch.

U Camulixic ri Pixab 3:14

(Ri Jair ri rija'lil can ri Manases xutokij ri ulew re Argob c'ä pa ri u c'ulbatil ri ulew re Jesur xukuje' ri Maac, xucoj c'u ri u bi' chrij ri ulew Basan, rumal ri' cäbix rulew Habot-jair che, are c'u bi'aj wa' ri cäbix che.)

K'atal tak Tzij 11:3

Ri Jepte xanimaj chquiwäch ri rachalal, xejekel pa ri ulew Tob, jawije' xebumulij wi jumulaj achijab ri quebin cuc' sak'orib.

K'atal tak Tzij 11:5

ri c'amal tak qui be ri aj galaadib xequitak bic tako'n che u c'amic ulok ri Jepte ri c'o pa ri ulew Tob,

K'atal tak Tzij 18:28

Naj c'u c'o wi ri Sidon che ri tinimit, ri man ruc'am ta rib ruc' jachin jun, man c'o ta jachin ta xto'wic. We tinimit ri' c'o pa ri beya' re Bet-rehob. Ri aj danib xquiban u banic ri tinimit, xejeki' c'u chupam.

Nabe Samuel 13:4

Conojel ri aj israelib xquetamaj chi ri Saul xusachisaj qui wäch ri e qui chajinelab ri aj pilisteyib rumal c'u rech wa' ri aj pilisteyib cäquetzelaj qui wäch ri aj israelib. Je c'u ri' ri ajch'ojab xquimulij quib ruc' ri Saul pa Jilgal.

Nabe Samuel 27:12

Ri Aquix xujiquiba' u c'u'x chrij ri David, cuchomaj c'ut: “Ri David cätajin quetzelax u wäch rumal ri Israel, cacanaj c'u wa' che pataninel wech amak'el.”