Ucab Samuel 1:2 - Quiché Bible

² Churox c'u k'ij xopan jun achi ri elinak ulok pa ri kajebal chquixo'l ri rajch'ojab ri Saul. E jisjobinak ri ratz'iak chrij ri u q'uiakom ulew pa u jolom che u c'utic chi c'axc'obinak ri ranima'. Aretak xopan chuwäch ri David, xumej rib c'ä cho ri ulew che u c'utic chi nim caril wi ri David.

Ucab Samuel 1:2 ပူးပေါင်းရင်းမြစ်များ

Chapletajic 22:4

Churox k'ij ri Abraham xril apan ri c'olbal chi naj.

Chapletajic 37:29

Xbe c'u ri Ruben xtzelej che rilic ri Jose pa ri chaki'j c'ua', man c'o ta chi c'u jachin xurik chupam, xujis ri ratz'iak rumal ri u bis.

Chapletajic 37:34

Ri Jacob xujis ri ratz'iak chrij rumal ri u bis, xucoj atz'iak re bis, q'ui k'ij xrok'ej u wäch ri u cämical ri u c'ojol.

Chapletajic 43:28

Ri e are' xquimej quib, xquibij c'u che: “Ri ka tat, pataninel ech la, utz u wäch c'ä c'aslic.”

Ucab Samuel 1:3

Ri David xuc'ot u chi' xubij che: “¿Jawije' a petic?” “In cuininak xinwesaj ulok wib pa ri kajebal chquixo'l ri ajch'ojab aj israelib” xcha' we achi ri'.

Ucab Samuel 13:19

xuya' chaj pa u jolom, xujis ri ratz'iak ri u cojom, xebuya' ri quieb u k'ab pa u jolom, cok'ic xbec pa ri be.

Ucab Samuel 14:4

Xuwi c'u xbitaj bic che ri ixok rumal ri Joab ri cubij na che ri ajawinel, we ixok ri' ri aj Teco xoc chuwäch ri ajawinel, xumej c'u rib chuwäch c'a xuya' na ri u palaj cho ri ulew che u ya'ic u k'ij xubij c'ut: “¡Chel c'u'x la che nu to'ic!”

Ucab Samuel 15:32

Aretak xopan ri David puwi' ri juyub jawije' caya' wi k'ijilanic che ri Dios, xel ulok ri Husay ri aj arquit che u c'ulaxic, e u jixom ri ratz'iak xukuje' u yo'm ulew pa u jolom.

Ucab Samuel 24:20

Ri Araun cätajin cäca'y ulok chi naj, aretak xtaki' u wäch chi ri ajawinel xukuje' ri e pataninel tak rech e benak chusuq'uil. Xbin ri Araun xpetic, xumej c'u rib chuwäch ri ajawinel.

Ucab Samuel 4:10

chi aretak xopan jun winak, ri are ta pa u c'u'x chi quebuya' utzalaj tak tzijol chwe, xpe che u bixic chwe chi xcäm ri Saul, ri tzijol ri xuya' u bixic chwe are xbanow che chi xintak u chapic xincämisaj c'ut pa Siclag.

Ri Ester 4:16

“Choj la chemulij la conojel ri aj judeyib ri e c'o pa Sus, rech man quewa' taj che nu to'ic. Mewa'ic xukuje' mebuq'uianic oxib k'ij xukuje' oxib ak'ab. Ri nu pataninel tak we xukuje' ri in junam quekaban na ke, xuwi c'u cabantaj wa' quinbe che rilic ri ajawinel, pune' c'u man cätajin ta quinnimaj ri pixab. We c'u quincämisaxic, chincämisax ka wi.”

Ri Ester 5:1

Churox c'u k'ij, ri Ester xebucoj ri ratz'iak ixok ajawinel, xoc c'u cho ri ucab uwo ja' re ri rachoch ri ajawinel, xtaq'ui' c'u chuwäch ri nim ja ri t'uyul wi ri ajawinel puwi' ri u tem re ajawibal, ri c'o ulok chwäch ri uchi'ja.

Salmib 66:3

chibij che ri Dios: “Ri jastak ri e banoj la e mayibal. Rumal ri nimalaj cuinem la ri e c'ulel la quixe'n quib quetzak na chwäch la;

Ri Ezequiel 27:30

Caquirak na qui chi' cacok'ej c'u na a wäch ruc' c'ayil. Caquiq'uiak na ulew pa qui jolom caquiwolkotij c'u na quib pa ri chaj.

Ri Osey 6:2

Xa pa jun jok'otaj cutzelej na ri rutzil ka wäch, cujuwalijisaj na rech cujjeki' na chuwäch.

Ri Joel 2:13

¡Chixtzelej ba' ix ruc' ri Ajawaxel ri i Dios, chi t'ubu' c'ut ri iwanima' che u q'uexwäch ri u t'ubic ri iwatz'iak! Rumal rech chi ri Ajawaxel ch'uch'uj xukuje' quel u c'u'x, coch'onel xukuje' ronojel lok'ok'ebal c'uxaj, amak'el xak reyem jampa' cuwalijisaj ri c'äjisabal wächaj.

Ri Matey 12:40

Je jas ri Jonas xc'oji' chupam ri nimalaj cär oxib k'ij oxib ak'ab, jeri' ri Rija'l winak cäc'oji' na pa ri ulew oxib k'ij oxib ak'ab.

Ri Matey 16:21

Kas chi' c'ut ri Jesucrist xuchaplej bic ri u k'alajisaxic chquiwäch ri u tijoxelab chi rajawaxic chi cäbe na pa Jerusalen, caban c'u na nimak tak c'ax che cumal ri nimak tak tatayib xukuje' ri qui nimakil ri e cojol tak tabal tok'ob xukuje' ri ajtijab re ri pixab. Rajawaxic c'ut chi cäcäm na, pa oxib k'ij c'ut cäc'astajisax na.

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.

Apocalipsis 3:9

Chawilampe', quinban na chque ri e re ri u comon ri Satanas, ri cäquibij quib chi e aj judeyib, man e aj judeyib ta c'ut, xak c'u cäquiban tzij, chawilampe', quinban na chi quepetic, quexuqui' chquiwäch ri e awakan, cäquetamaj c'ut chi at nu lok'ok'em.

Nabe Samuel 20:41

Xuwi c'u xbe ri pataninel, ri David xel ulok chrij ri jumulaj abaj, aretak c'o chic chuwäch ri Jonatan oxmul xumej rib c'ä xuya' ri u palaj cho ri ulew. Xquitz'umala' c'u quib xukuje' xebok' junam c'ä xq'uistaj na u c'u'x ri David.

Nabe Samuel 25:23

Ri Abigail xuwi xril apan ri David, xkaj chrij ri bur xumej rib c'a cho ri ulew che u c'utic chi nim caril wi.

Nabe Samuel 4:12

C'o c'u jun ajch'o'j aj ramak' ri Benjamin ri xcuinic xresaj bic rib chupam ri kajebal ri cätajin wi ri ch'o'j, cäxiq'uinic xopan pa Sil pa ri k'ij ri'. Jisjobinak ri ratz'iak chrij xukuje' nojinak ulew pa u jolom.

Nabe Samuel 4:16

Xubij c'u che: “C'äte wulic, nu petic pa ri ch'o'j. C'ä te wanimajic ulok pa ri ch'o'j.” “¿Jas xc'ulmatajic nu c'ojol?” xcha' ri Eli che.