Ucab Ajawinelab 9:3 - Quiché Bible

³ chac'ama' ri jun uc'a' aseit chajamij c'u puwi' ri u jolom, je chabij wa': ‘Je' cubij wa' ri Ajawaxel: In catintaso jacha' ajawinel re Israel.’ Chajakaxtaj ri uchi'ja, chatanimajok, man cak'il ta awib.”

Ucab Ajawinelab 9:3 ပူးပေါင်းရင်းမြစ်များ

Nabe Ajawinelab 1:34

are' c'u ri cojol tabal tok'ob ri Sadoc xukuje' ri Natan, ri k'axal tzij chiquitasa' jacha' che rajawinel ri Israel, chok'isax c'ut ri ruc'a' chij chi raka' c'u i chi': ‘¡Chc'asal ri ajawinel Salomon!’

Nabe Ajawinelab 19:16

are' c'u ri Jehu, ri' u mam ri Nimsi, jacha' che ajawinel pa Israel; ri Elisey, u c'ojol ri Sapat, aj tinimit re Abel-mehol, chatasa' che a q'uexwäch.

Ucab Ajawinelab 8:13

Ri Hazael xutzelej u bixic che: “¡Ri in man c'o ta nu banic, xa' in jun meba' tz'i'! ¿Jas ta che quebenban we jastak ri'?” Ri Elisey xutzelej u bixic che: “Ri Ajawaxel u k'alajisam chnuwäch chi ri at catux na ajawinel re Siriy.”

Ucab Ajawinelab 9:6

Xwalij u bic ri Jehu xoc pa jun ja chic. Xjamix c'ut ri aseit puwi' ri u jolom, xuya' c'u u bixic che: “Ri Ajawaxel, ri u Dios ri Israel, cubij: ‘In catintas che ajawinel re Israel, ri nu tinimit.

Ucab Tzijobelil 22:7

Bantajinak chic rumal ri Dios chi cäcäm ri Ocoziy aretak cäbe che rilic ri Joram. Xak xuwi c'u xopanic chanim xel bic rachil ri Joram xebe che u rikic quib ruc' ri Jehu (ri u tat ri Jehu are' ri Nimsi). Are' c'u ri Dios chowinak ri Jehu che u sachisaxic qui wäch ri e rija'lil ri Acab.

Elem 29:7

Chatasa' c'ut ri Aaron jacha' che cojol tabal tok'ob, chac'ama' ri aseit re tastajic, chak'ija' pa u jolom.

Ri Daniel 2:1

Pa ri ucab junab ri rajawinic, ri Nabucodonosor xebuban tak ichic', cumal c'u quech we ichic' ri' sibalaj xoc il, man coc ta chi c'u ne ri u waram.

Ri Daniel 4:35

Chuwäch are' man nimak ta qui k'ij ri winak ri e c'o cho ri uwächulew, ri are', are cuban ri u rayibal, pa ri caj jacha' xukuje' cho ri uwächulew. Man c'o ta jachin jun ri cäcuinic cuk'atij ta u wäch ri u cuinem mawi c'o ta jun cuta' ta che jasche jewa' cubano.’

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

Aj Levitib 8:12

Ri Moises xuk'ij c'ut puwi' ri Aaron ri aseit re tastajic che u tasic jacha' che cojol tabal tok'ob.

Ri Matey 10:16

“Chiwilampe'. Quixintak bic je jas ri chij chquixo'l ri utiw. Chicojo' ri i chomabal chichajij iwib je jas ri caquiban ri cumätz. Chixux jacha' ri palomax ri man c'o ta c'ax cubano.

Ri Matey 2:13

E benak chi c'u ri ajno'jab, jun tako'n aj caj re ri Ajawaxel xuc'ut rib chuwäch ri Jose pa ichic', xubij: “Chatwalijok. Chac'ama' bic ri ac'al xukuje' ri u nan. Chatanimajok. Jät pa Ejipt. Chatjekel chila' c'ä quinya' na u bixic chawe. Ri Herod cutzucuj na ri ac'al che u cämisaxic.”

Ri Matey 26:7

Xopan jun ixok ruc', ri ruc'am jun lime't re je'lic abaj alabastr, c'o cunabal chupam c'oc' ruxlab, sibalaj pakal rajil. Xuk'ij pa ri u jolom ri Jesus aretak t'uyul pa ri mexa.

Nabe Samuel 10:1

Xpe c'u ri Samuel xuc'am ri aseit, xuk'ij pa u jolom ri Saul, xubij che: “Ri Ajawaxel catutas camic che k'atal tzij pa Israel ri u tinimit. At catk'atow na tzij puwi' xukuje' quebawesaj na pa qui k'ab tak ri qui banom qui c'ulel che. Are c'u c'utbal wa' chi ri Ajawaxel u bim chi at cak'at na tzij puwi' ri u tinimit:

Nabe Samuel 15:1

C'o jun k'ij xubij ri Samuel che ri Saul: “Ri Ajawaxel xinutako rech catincoj che ajawinel pa Israel, ri u tinimit. Rumal ri' chatatabej jachique ri craj ri Ajawaxel cubij chawe.

Nabe Samuel 15:17

Ri Samuel xubij che: “¿La ma ta aweta'm chi man nim ta a k'ij? At uxinak c'u ne c'amal qui be ri amak' aj israelib, at u tasom c'u ri Ajawaxel che cajawinel ri aj israelib.

Nabe Samuel 16:2

“¿Jas lo quinban che nu bic?” xcha' ri Samuel. “We cäretamaj ri Saul, quinucämisaj na ri'.” Ri Ajawaxel xutzelej u bixic che: “Chac'ama' bic jun alaj ati't wacax chabij chi caya' che tabal tok'ob chnuwäch,

Nabe Samuel 9:16

“Je jok'otaj wa' chwek, quintak na ulok jun achi aj Benjamin awuc', ri catas na che u k'atal tzij ri nu tinimit Israel. Are' quesan na pa qui k'ab ri aj pilisteyib, elinak nu c'u'x che ri nu tinimit aretak e opaninak tak ri qui ch'abal chnuwäch.”