Ucab Ajawinelab 8:9 - Quiché Bible

⁹ Xbe c'ut ri Hazael che rilic ri k'axal tzij, xebuc'am c'u bic sipanic aj Damasc ri sibalaj nimak na qui k'ij, ri xebekax bic cumal cawinak (40) camey. Aretak xopan chuwäch, xubij che: “Ri Ben-adad, ajawinel re Siriy ri cuya' k'ij la jacha' jun tataxel, xinutak ulok che u ta'ic che la we man cäcäm rumal we u yabilal ri'.”

Ucab Ajawinelab 8:9 ပူးပေါင်းရင်းမြစ်များ

Nabe Ajawinelab 14:3

Chac'ama' bic lajuj caxlanwa, lej xukuje' jun xaru' u juyubal räx cab, jät c'u che rilic rech cubij na chawe jas ri cuc'ulmaj na we alaj ala ri'.”

Nabe Ajawinelab 15:18

Xpe c'u ri As xuc'am ronojel ri k'an puak xukuje' ri sak puak ri c'ä e c'o chupam ri u k'inomal ri rachoch ri Ajawaxel xukuje' ri rachoch ri ajawinel, xubij c'u chque ri e rach k'atal tak tzij chi chquic'ama' bic che ri Ben-adad, ajawinel re Siriy, u c'ojol c'ut ri Tabrimon ri' u mam ri Hezion, c'o c'ut ri u jekelibal pa Damasc. Xutak c'u u bixic we takquil ri' che:

Nabe Ajawinelab 19:15

Xubij c'ut ri Ajawaxel che: “Jät, chattzelej pa ri be ri xatpe wi chatoc'ow chupam ri chaki'j uwo sak re Damasc. Chatasa' c'ut ri Hazael jacha' che ajawinel pa Siriy,

Ucab Ajawinelab 1:2

Are' c'u ri Ocoziy, xtzak ulok chicaj chupam jun wenta'n ri c'o che ri u cawikib ri rachoch ri c'o pa Samar sibalaj c'u xsoctajic. Xebutak c'u bic tako'n rech quequich'obo' ruc' ri Baal-zebub, dios re Ecron, we cutzirok,

Ucab Ajawinelab 13:14

Xkaj c'u ri Elisey che jun yabil re cämical, ri Joas rajawinel ri Israel xbe che rilic, xok'ic xulak'apuj c'ut, je xubij wa': “¡Nu tat, nu tat, lal uxinak c'u che ri Israel jacha' jumulaj cowilaj tak ajch'ojab!”

Ucab Ajawinelab 16:7

Are' c'u ri Acaz xebutak bic tako'n ruc' ri Tiglat-pileser, ajawinel re Asiriy, rech quequibij che, ri xubij bic: “We pataninel ech la ri' jacha' jun c'ojol la. Rumal ri' chpet la che nu to'ic chinesaj la pa u k'ak' ri ajawinel re Siriy xukuje' pa u k'ab ri ajawinel re Israel, ri cätajin quech'ojin wuc'.”

Ucab Ajawinelab 5:13

E are' tak c'ut ri pataninel tak rech xekeb ruc' xquinbij c'u che: “Tat, we ta xtak la rumal ri k'axal tzij, che u banic jun c'axalaj jasach, ¿La ma ta c'u xban la ri'? We xuwi u bim che la chi cach'aj ib la cäjosk'itaj c'u la.”

Ucab Ajawinelab 5:5

Are' c'u ri ajawinel pa Siriy xutzelej u bijxic che: “Utz ri', jät in quintak bic jun wuj che ri ajawinel pa Israel.” Xbe c'ut ri Naaman, xebuc'am bic juwinak lajuj mil (30,000) rakan sak puak, wakib mil rakan k'an puak xukuje' lajuj c'ulaj atz'iak,

Ucab Ajawinelab 6:21

Aretak c'u xeilitaj rumal ri ajawinel re Israel, xuc'ot u chi' ri Elisey: “¿La quebencämisaj, nu tat, a quebencämisaj?”

Ri Tzijonel 3:6

Jun jok'otaj che tijtobenic, jun jok'otaj chic che u k'iloj ib. Jun jok'otaj che c'olonic, jun jok'otaj chic che q'uiakanic.

Filemón 1:14

Man c'o ta jas quinwaj quinbano ri ma ta xinta' na ri a no'j, rech ri tok'ob ri caban na chwe man xa' ta at ch'ijom che u banic, xane' caban na ruc' ronojel awanima'.

Nabe Samuel 25:8

Cuya' cata' wa' chque ri a pataninelab, ri e are' caquijiquiba' c'u na u bixic chawe. Rumal ri' catinbochi'j chi chatok'obisaj qui wäch tak we alabom ri', ri quebopan pa jun utzalaj k'ijol, chebaya' c'u chke, xukuje' chque ri e are' jacha' xukuje' chwe in, ri c'o apan pa ak'ab je ta ne ri in ta a c'ojol.”

Nabe Samuel 9:7

“Jo' ba',” xcha' ri Saul. “¿Jas ta ri cakac'am bic che we tata' ri'? Mawi ne c'o chic ka wa chupam ri ka c'olbal. Man c'o ta jas ri quekaya' ta che ri k'axal tzij.”