Ucab Ajawinelab 8:7 - Quiché Bible

⁷ Xbe c'u na ri Elisey pa Damasc. Pa ri k'ijol ri' cayawaj ri Ben-adad ajawinel re Siriy, xtzijox che chi opaninak ri k'axal tzij.

Ucab Ajawinelab 8:7 ပူးပေါင်းရင်းမြစ်များ

Chapletajic 14:15

Ri Abram e rachil ri pataninel tak rech, chak'ab xekaj paquiwi' ri ajawinelab man c'o ta xquinabej, xquitakej c'u cokataxic c'ä xebe opan na pa Hob ri c'o ajsic che ri tinimit Damasc,

Nabe Ajawinelab 11:24

E u mulin jujun achijab are' c'u qui nimal ri juk'at eläk'omab. Aretak ri David xebucämisaj winak pa Soba, ri Rezon xbe pa Damasc xucoj c'u rib chila' che ajawinel.

Nabe Ajawinelab 13:1

Aretak ri Jeroboam cätajin cuporoj ri c'oc' k'ol puwi' ri porobal, xopan jun k'axal tzij re Juda pa Betel takom bic rumal ri Ajawaxel.

Nabe Ajawinelab 15:18

Xpe c'u ri As xuc'am ronojel ri k'an puak xukuje' ri sak puak ri c'ä e c'o chupam ri u k'inomal ri rachoch ri Ajawaxel xukuje' ri rachoch ri ajawinel, xubij c'u chque ri e rach k'atal tak tzij chi chquic'ama' bic che ri Ben-adad, ajawinel re Siriy, u c'ojol c'ut ri Tabrimon ri' u mam ri Hezion, c'o c'ut ri u jekelibal pa Damasc. Xutak c'u u bixic we takquil ri' che:

Nabe Ajawinelab 20:1

Ri Ben-adad, ajawinel re Siriy, xebumulij conojel ri e rajch'ojab, xukuje' juwinak cablajuj (32) tak ajawinel ri qui yo'm qui tzij ruc', e cuc'am tak ri qui quiej xukuje' tak ri qui carwaj que ch'o'j, xpe chunakaj ri Samar xusutij rij, xch'ojin c'u ruc'.

Nabe Ajawinelab 20:34

Xubij c'ut ri Ben-adad che: “Quebentzelej na ri tinimit tak ri xebutokij ri nu tat che ri awech at; ri at cuya' caban a ch'äcoj pa Damasc, jacha' ri xuban ri nu tat pa Samar.” “In, quinya' nu tzij, catintzokopij bic,” xcha' ri Acab. Jewa' ri xbanic, ri Acab xuban jun c'ulwächinic ruc' ri Ben-adad, xutzokopij c'u bic.

Ucab Ajawinelab 1:2

Are' c'u ri Ocoziy, xtzak ulok chicaj chupam jun wenta'n ri c'o che ri u cawikib ri rachoch ri c'o pa Samar sibalaj c'u xsoctajic. Xebutak c'u bic tako'n rech quequich'obo' ruc' ri Baal-zebub, dios re Ecron, we cutzirok,

Ucab Ajawinelab 2:15

Ri e k'axal tzij ri e c'o pa Jerico, ri e c'o ulok chuwäch, xquibij aretak xquilo: “¡Ri ruxlabal ri Eliy xjeki' camic puwi' ri Elisey!” Xebe c'u che u c'ulaxic, xquimejela' c'u quib chuwäch.

Ucab Ajawinelab 5:20

ri Jiez, ri u pataninel ri Elisey ri k'axal tzij, xchomanic: “Ri wajaw u tzokopim bic ri Naaman ri aj Siriy man c'o ta c'u xuc'am can che ri xuc'am ulok. Quinban na ri chi'nic ri kas cäban na, quincha' pa u bi' ri Ajawaxel chi quinbe che u rikic aninak, quenwila' na jas ri quinwesaj can che.”

Ucab Ajawinelab 6:12

Jun chque xutzelej u bixic: “Man c'o ta jun. Are' ri Elisey ri k'axal tzij ri c'o pa Israel, are ri cäbin che ri ajawinel pa Israel ronojel ri cäbij la xukuje' ne ri catzijoj la chupam ri warabal la.”

Ucab Ajawinelab 6:24

C'ä chumatam chi c'ut che wa', ri Ben-adad, ajawinel re Siriy, xebumulij conojel ri rajch'ojab xpetic xusutij rij ri Samar che u banic ch'o'j ruc'.

Ucab Ajawinelab 8:6

Ri ajawinel xebuban c'otoj tak chi'aj che ri ixok, xutzijoj c'ut ri ixok ri u c'aslemal che ri ajawinel. Xuya' c'u na takanic ri ajawinel che jun rach k'atal tzij ri e utz ruc' chi chubana' chi chetzelex che ri ixok ri e rechbal xukuje' ronojel ri u wäch ri ulew ri u yo'm kas aretak xel bic pa ri ulew c'ä pa ri jok'otaj ri' ri uj c'o camic.

Ri Isaiy 7:8

Ri Damasc are nim tinimit aj Siriy, xukuje' ri Rezin are rajawinel ri Damasc ri Samar are nim tinimit aj Eprain, are c'u ri u c'ojol ri Remaliy are rajawinel ri Samar pa oxc'al job junab (65) ri Eprain cutanaba' ruxic nim tinimit; we ri ix man c'o ta jun i cojonic ri co c'olic, xukuje' man co ta quixtaq'ui' canok.’ ”

Ri Jeremiy 40:5

We c'u cawaj cattzelejic, chattzelej ruc' ri Jedaliy, u c'ojol ri Ahicam ri' u mam c'ut ri Sapan, ri xcoj can che k'atal tzij paquiwi' tak ri tinimit ri e c'o pa Juda chatjekel c'u ruc' xukuje' ruc' ri a tinimit. Jät jawije' ri cawil wi chi utz na chawe.” Ri takanel c'äte c'u ri' xuya' can jun sipanic che ri Jeremiy xukuje' niq'uiaj jastak chic, chawila' ba' awib xcha' can che.

Hechos 17:6

Aretak c'u man xequirik taj, xequicharchatej bic ri Jason xukuje' jujun chic, xequiya' chquiwäch ri e k'atal tak tzij re ri tinimit. Xquirak qui chi' xquibij: “¡E are wa' ri quequituquij ri winak cho ronojel ri uwächulew, xukuje' e petinak waral!

U Camulixic ri Pixab 33:1

Aretak xa co'l man cäcäm ri Moises, ri nimanel che ri Dios, xebutewichi'j ri aj israelib, je qui tewichi'xic wa' xubano.

K'atal tak Tzij 16:2

Aretak xoc pa qui jolom ri aj Gaz chi c'o ri Sanson pa ri tinimit, xquisutij rij; ronojel ri jun k'ij xecanaj can che u chajixic ri u chi' ri tinimit. Aretak c'u xnajtin ri chak'ab xebewarok, xquichomaj chi c'äte cäquicämisaj aretak cäsakaric.