Ucab Ajawinelab 8:4 - Quiché Bible

⁴ Ri ajawinel cätajin cätzijon ruc' ri Jiez, ri u pataninel ri Elisey ri k'axal tzij, u bim c'u che chi chebutzijoj conojel tak ri mayibal ri xebuban ri Elisey.

Ucab Ajawinelab 8:4 ပူးပေါင်းရင်းမြစ်များ

Ucab Ajawinelab 2:14

Ri xubano, xupak'ij ri ja' ruc' ri u k'u' ri Eliy, xurak c'u u chi', xubij: “¿Jawije' c'o wi ri Ajawaxel, ri u Dios ri Eliy?” Xuwi c'u xpak'itaj ri ja' rumal xupac c'u rib, xoc'ow chi c'ut ri Elisey chupam ri nima'.

Ucab Ajawinelab 2:24

Ri Elisey xuya' u wäch chque, xebuca'yej xebuc'okoj c'ut pa ri u bi' ri Ajawaxel. Kas chanim c'ut xebel ulok quieb os chquij chupam ri c'ache'laj xequimuch cawinak quieb chque.

Ucab Ajawinelab 4:12

xubij che ri Jiez, ri u pataninel: “Chasiq'uij ri chuchu' aj Sunem.” Ri pataninel xusiq'uij, aretak c'u xopan ri chuchu' chuwäch, ri Elisey xuya' takanic che ri u pataninel:

Ucab Ajawinelab 4:25

Je xuban wa' che u takexic ri u be xopan c'u puwi' ri juyub Carmel, ri c'o wi ri k'axal tzij. Aretak xril ri Elisey chi petinak chinaj, xubij che ri Jiez, ri u pataninel: “Chawila', are' ri chuchu' aj Sunem.

Ucab Ajawinelab 5:14

Xbe c'ut ri Naaman wukub mul xunim rib chupam ri Jordan, je jas ri takanic ri xuya' ri k'axal tzij, che, are c'u ri u ti'jal xux jacha' ri rech jun alaj c'ojol, xch'ajch'ojir c'ut.

Ucab Ajawinelab 6:32

Ri Elisey c'o pa ri rachoch, t'uyul junam cuc' ri nimak tak tatayib. Are' c'u ri ajawinel, u takom bic jun achi. C'ä majok c'u chopan ri u tako'n ri ajawinel, ri Elisey xubij chque ri nimak tak tatayib: “Chiwila' chi we cämisanel ri' u takom ulok jun achi che resaxic ri nu jolom. Chitatabej c'ut, aretak cul ri u tako'n chi tz'apij ri uchi'ja chuwäch chic'opij iwib chrij rech man coc ta ulok, catataj c'ut ri u pa rakan ri rajaw ri petinak chrij.”

Ucab Ajawinelab 6:6

“¿Jawije' xkaj wi?” xcha' ri k'axal tzij che. Ri jun chic are' xc'utuw ri c'olbal. Ri Elisey xut'oy ri u k'ab jun che', xunim bic chila' xuban c'ut chi cälew ri icäj xel ulok.

Ucab Ajawinelab 7:1

Ri Elisey xutzelej u bixic: “Chatatabej ri u tzij ri Ajawaxel. Ri Ajawaxel cubij: ‘Je' tak wa' chwek, chupam ri oquibal re Samar cuya' cälok' na oxlajuj (13) libra c'äj xa' che jun rakan sak puak, xukuje' cuya' cälok' na che jun rakan sak puak juwinak wajxakib (28) libra sebad.’ ”

Ucab Ajawinelab 7:10

Xebe c'ut xequisiq'uij ri e chajil tak rech ri u chi' ri tinimit, xquibij c'u chque: “Uj tzelejinak ulok chupam ri qui kajebal ri aj siriyab, mawi c'u ne jun winak c'olic; mawi c'o jachin jun cätataj ta ri u ch'abal. Xuwi e c'o ri quiej xukuje' tak ri bur e ximixoj e wocowoj tak ri qui cäbal ri lic'om jas ri u woquic xquibano.”

Ucab Ajawinelab 7:3

E c'o c'u, quiejeb achijab ri c'o chuwilaj ch'a'c chquij ri e c'o chrij ri u chi' ri tinimit je xquibij wa' chquixo'l: “¿Jas ri cätajin cäkaban waral xak uj t'uyut'uj xuwi keye'm ri ka cämical?

Ucab Ajawinelab 8:3

Aretak c'u xoc'ow we k'ijol ri' ri ixok xpe che rilic ri ajawinel che u bixic che chi chetzelex ri rachoch xukuje' tak ri rulew.

Ri Matey 2:8

Xebutak bic pa Belen, xubij: “Jix chila', utzalaj u ta'ic u tzijol ri ac'al chibana'. Aretak quiriko, chiliya' u tzijol chwe rech xukuje' ri in quinbe che u k'ijilaxic.”

Ri Lucax 23:8

Ri Herod, aretak xril ri Jesus, sibalaj xquicotic. Q'ui k'ij chic u rayim rilic u wäch, rumal rech chi u tom q'ui jastak chrij. Cäraj c'ut cäril jun etal rumal.

Ri Lucax 9:9

Ri Herod xubij: “Xinwesaj ya' u jolom ri' ri Xuan. ¿Jachin c'u ri', ri je tak nu tom wa' chrij?” Cutzucuj c'u rilic ri Jesus.

Ri Xuan 9:27

Ri achi xubij chque: “Nu bim chic chech alak, man xintatabej ta c'u alak. ¿Jasche cata' chi alak jumul? ¿La caj alak cux alak u tijoxelab?”

Hechos 24:24

E oc'owinak chi quieb oxib k'ij, xopan chi jumul ri Pelics rachil ri Drusil ri rixokil, are chuchu' aj judey. Ri Pelics xutak u siq'uixic ri Pawl, xutatabej c'u wa ri cojonic che ri Jesucrist.