Ucab Ajawinelab 7:16 - Quiché Bible

¹⁶ Man xquibey ta c'u quib ri winak xebe che quijoquic conojel ri jastak quech ri aj siriyab. Je c'ut, jas ri yo'm u bixic rumal ri Ajawaxel, ri c'äj xc'ayix oxlajuj (13) libra che jun rakan sak puak; ri sebad xc'ayix juwinak wajxakib (28) libra che jun rakan sak puak.

Ucab Ajawinelab 7:16 ပူးပေါင်းရင်းမြစ်များ

Ucab Ajawinelab 7:1

Ri Elisey xutzelej u bixic: “Chatatabej ri u tzij ri Ajawaxel. Ri Ajawaxel cubij: ‘Je' tak wa' chwek, chupam ri oquibal re Samar cuya' cälok' na oxlajuj (13) libra c'äj xa' che jun rakan sak puak, xukuje' cuya' cälok' na che jun rakan sak puak juwinak wajxakib (28) libra sebad.’ ”

Ucab Ajawinelab 7:15

Xebec xequitakej c'ut ri cakan ri aj siriyab c'ä chuchi' ri Jordan, xquil c'ut chi pa ronojel ri be e jabuninak canok ri catz'iak ri jastak quech ri aj siriyab ri xequijabuj canok rumal ri canimajic. Xetzelejtaj c'u ulok ri xebutak bic ri ajawinel xelquitzijoj c'u che ri xequila'.

Ucab Tzijobelil 20:25

Xbe c'ut ri Josapat xukuje' ri winak ri e c'o ruc' xebe che u molic ri xquiya' can ri c'ulel, e q'ui ri wacax, ch'ojibal, atz'iak xukuje' jastak ri pakal cajil, ronojel xquiban quech che. Sibalaj e q'ui ri jastak ri e c'olic, man c'u xecuin ta che qui c'amic bic. Rumal c'u rech ri qui q'uiyal, xebeytaj oxib k'ij che qui molic tak ri jastak.

Salmib 68:12

“¡Cätajin quebanimaj tak ri ajawinelab cachil ri e cajch'ojab!” Ri ixokib cho tak ri cachoch, cätajin cäquijach ri xtokix chque ri c'ulel,

Salmib 68:13

ri ix c'ut xebe i c'u' can tak iwib. ¡Qui xic' tak palomax ri e ch'ukutal quij ruc' sak puak! Ri e quismal e ch'ukutal quij ruc' utzalaj k'an puak.

Ri Isaiy 33:1

¡Tok'ob a wäch, etzelanel ri maja' catetzelaxic jachinel quieb a wäch ri c'ä maja' catjachic! Aretak caq'uis etzelanic, catetzelax na, aretak cäq'uis jachinel catjach na.

Ri Isaiy 33:4

ri e qui c'ulel e jacha' jun sutz' sac', cäquiq'uiak quib chquij cäquimaj ri qui k'inomal.

Ri Isaiy 44:26

Quinban c'ut chi ri cäquibij ri e pataninelab tak wech je cäbantajic, xukuje' chi utz quebel wi ri qui chomanic ri e nu tako'nib. In quink'alajisaj chi ri Jerusalen cänoj chi na chque winak, chi conojel ri tinimit tak re Juda queyac chi na jumul. In quinbano chi quebel na chupam ri yojyobic ri e c'o wi.

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Nabe Samuel 17:53

Aretak e okatatajinak chic ri aj pilisteyib, ri aj israelib xetzelejic xequijoc bic conojel ri jastak quech ri ajch'ojab aj pilisteyib.