Ucab Ajawinelab 4:4 - Quiché Bible

⁴ Chanima' c'u awib chupam ri awachoch quebawachilaj ri awal, chatz'apij ri uchi'ja chebanojisaj c'ut conojel ri xaru' ruc' ri aseit xak c'u jun quebaya' wi ri quenojic.”

Ucab Ajawinelab 4:4 ပူးပေါင်းရင်းမြစ်များ

Ucab Ajawinelab 4:3

Xubij c'ut ri Elisey che: “Jät ba' camic jebakaja' jujun tak xaru' cuc' tak ri a c'ulja', ¡conojel ri xaru' ri catcuin che quikajic!

Ucab Ajawinelab 4:5

Ri ixok xutas rib chrij ri Elisey xutz'apij c'u rib e rachil ri ral. Xuchaplej c'u qui nojisaxic tak ri xaru' ri quequik'axej tak ri ral che.

Ri Isaiy 26:20

Jät, nu tinimit, chatoc chupam ri awachoch chatz'apij c'u ri oquibal aretak at oquinak chi bic. Chac'u' na jubik' awib c'ä coc'ow na ri royowal ri Ajawaxel.

Ri Matey 6:6

Ri at c'ut, aretak caban ch'awem ruc' Dios, chatoc pa ri awachoch; chatz'apij ri uchi'ja, chabana' ch'awem ruc' ri a Tat ri c'o chic'uyal. Are c'u ri a Tat ri caril ri caban chi c'uyal, cuya' na ri tojbal awech.

Marcos 5:40

Ri winak cäquitze'j u wäch. Ri Jesus xeresaj bic conojel, xebuc'am ri u tat u nan ri ac'al xukuje' ri e c'o ruc', xeboc bic jawije' ri tutz'ul wi ri ac'al.

Ri Xuan 6:11

Ri Jesus xebuc'am ri caxlanwa, xmaltioxin che ri Dios. Xjach chquiwäch ri e t'uyut'oj. Jeri' xukuje' xuya' que ri cär, joropa' ri xcaj.

Hechos 9:40

Are c'u ri Lu' xeresaj apan conojel. Xxuquic, xuban ch'awem ruc' Dios. Xca'y che ri cäminak, xubij c'ut: “¡Tabit, chatwalijok!” Xebujak c'ut ri e u bak'wäch, aretak xuca'yej ri Lu', xt'uyic.

Efesios 3:20

Are c'u ri camic chkanimarisaj ba' u k'ij ri Dios, ri sibalaj nim na ri cäcuin che u banic chuwäch ri cäkata' che, nim na chuwäch ri cäkachomaj chi cubano. Je cubano rumal ri cuinem ri cächacun pa kanima'.